Luka 12:5 - ICIGHAN BIBILO

⁵ Kpa Mo Me kaa ne u a lu u ne cia Un yô; cia nen Un u Una wua man shi Una fatyô u gbihin ken gehena kpaa la; M ngu kaan ne, ka Wen cia nen ye.

Luka 12:5 Iomraidhean Croise

Upasalmi 9:17

Mbaaferev vea hide shin Sheol, ka atôatyev cii a Aôndo A hungul a je la.

Anzaakaa 14:26

Sha mcie u cian TER la, ishima á taver or, ônov mba nan kpaa vea zua a ijiir i waren.

Yeremia 10:7

Ka an je nana cia U ga, We Tor u akuraioro? Gadia We U kuma; gadia mbafankwagh mba akuraior cii, kua icivir i utor vev cii, ma or môm ngu er We nahan ga.

Yeremia 41:18

sha ci u cian Mbakaldi; gadia ve lu cian ve, sha ci u Ishemael wan u Netania wua Gedalia wan u Ahikam, u tor u Babilon ver un gomna sha tar shon la yô.

Yeremia 5:22

Mo je kpaa ne ciam gaa? Kape TER A kaa ne. Ne kera gbidye ikarikase iyol sha ishigh Yagh gaa? Mo u M ver waarawa Mer, u̱ lu mkighir u zegemnger, sha tindi u tsôron u una kar un mayange ga yô; shin agôndo a na a va a taver kpaa, kpa nga a tahav mbu hemban je ga; shin er a te kume nahan kpaa, nga peren u ga.

Mateu 10:28

Man de cie nen mba ve woo iyol tseegh, kpa ve fetyô u wuan uma ga la ze; guda cia nen Un u A fetyô u timin uma kua iyol cii ken gehena.

Mateu 25:41

Tsô Una shi Una gema Una kaa a mba ve lu ken uwegh Nagh ku imesegh la er: Yem nen heen kera, ne mba i we ne ifan, yem nen ken usu u tsôron u i keer sha ci u diabolo a mbatyomov nav la.

Mateu 25:46

Mbala vea kar vea yem ken mtsaha u tsôron; kpa mbaperapera yô, vea nyôr ken uma u tsôron.

Mateu 5:22

Kpa Mo yô, M kaan ne Mer: Hanma or u nana yuwe a anngô u nan yô, nan kuma u á ôr nan ijir ve; man shi hanma or u nana kaa a anngô u nan er, Raka, yô, nan kuma u á ôr nan ijir sha ijirtamen ve; man shi hanma or u nana kaa er, we, ibumeor, yô, nan kuma mtsaha u ken gehena u yeghen usu la ve.

Marku 13:23

Kpa ne yô, ver nen ishima. Nenge, M tsengaôron ne akaa ne cii, er shighe u a, a lu a kuma ga yô.

1 Mbatesalonika 4:6

Ma or môm nana̱ de kera tsughun anmgbian u nan sha kwagh ne, nana̱ eren nan kwagh u vihin ga, gadia Ter ka u oron iyev sha akaa ne cii er se vande kaan ne shi se pase ne nahan kpaa.

Mbaheberu 10:31

U gban sha ikev i Aôndo u uma yô, ka kwagh u cier iyol je.

2 Peteru 2:4

Gadia mbatyomov mba Shaav mba ve er isholibo la kpaa Aôndo tange ve ga, A gbihi ve ken Tartaru ken ahungwa a imegh sha u kuran ve zan zan shighe u ijir ia kuma yô.

Mpase U Yohane 14:7

Lu kaan sha zegeimo er: Cia nen Aôndo, na nen Un icivir gadia shighe Na u ôron ijir kuma ve, civir nen Un u A er Sha man tar man zegemnger man amboramnger kpaa la.

Mpase U Yohane 15:4

We, Tere, ka an je nana cia U ga, man shi ka an nana civir iti You kpaa ga? Gadia ka We tseegh U lu wang ye, akuraior cii aa va aa va gure sha ishigh You gadia i pase ajir a ôron a Ou a jighjigh la ken igbar ve.

Mpase U Yohane 20:14

Ku man Hade yô, i kende ve ken berusu. Ka ku u sha uhar, ka berusu je la.