Luka 12:4 - ICIGHAN BIBILO

⁴ Ne akar Am yô, M ngu kaan ne: De cie nen mba ve woo iyol kpa ken masejime yô, ve kera lu a ma kwagh ugen u vea er ga la ze.

Luka 12:4 Iomraidhean Croise

Anzaakaa 29:25

Mcie u cian or ka a va a kwaghhônon, kpa or u nan suur sha TER yô, nana tema doo doo.

I Solomon 5:1

M va ken sule wam, anngômkwase, kwasehe, m kohol mire wam kua ilyôghonov yav; m ya ikpayough kua zaryoughough wam; m ma wain wam kua atumbabua am. Ya nen ase akar, ma nen, een, ma nen i̱ kuma ne, ne mbadoonshima.

I Solomon 5:16

Zwa na doo tsung, een, un cii a doo. Ka u a doom ishima je la, shi ka ikarem kpaa, ne ônkasev mba Yerusalem.

Yesaia 41:8

Kpa we, Iserael, wanakiriki Wam, Yakob, u M tsough yô, tsombor u huror Wam Aberaham,

Yeremia 1:17

Ahegen yô, we, fiir ikondo shin iwenge, mough sha, ôr ve kwagh u Me kaa u cii; de yen ishima sha ishigh vegh ga, sha er M̱ de ne u ishima i yinan sha ishigh vegh ga yô.

Yeremia 1:8

De cie ve ga; gadia M ngu a we sha u yiman we, kape TER A kaa ne.

Yeremia 41:18

sha ci u cian Mbakaldi; gadia ve lu cian ve, sha ci u Ishemael wan u Netania wua Gedalia wan u Ahikam, u tor u Babilon ver un gomna sha tar shon la yô.

Esekiel 2:6

We, wan u or, de cie ve ga, man shi de cie akaaôron a ve kpaa ga, shin er usaa man kpamberakpa ve lu a we, man er u tem her atô u ayese nahan kpaa; de cie akaaôron a ve ga, ishima i̱ de nyian we sha mdugh u ve dughun we ashe kpaa ga, shin er ve lu ya u hendan kwagh nahan je kpaa.

Mateu 10:28

Man de cie nen mba ve woo iyol tseegh, kpa ve fetyô u wuan uma ga la ze; guda cia nen Un u A fetyô u timin uma kua iyol cii ken gehena.

YOHANE 15:13

Or ngu a dooshima u a hembe ngun ga, je u or nana gbihi uma u nan sha ci u akar a nan.

Aerenakaa A Mbaapostoli 20:24

Kpa her a mo yô, m wa uma wam iko ga, ngum er ka ma kwagh u ikoogh ga, sha u me kure zende wam man tom u m ngohol hen Ter la kpaa, ka u me pase Loho u Dedoo u sha mhôônom ma Aôndo la.

Aerenakaa A Mbaapostoli 4:13

Tsô mba nengen vangertiôr u Peteru vea Yohane, man shi mba kaven er ve lu ior mba fan takerada yum kpaa ga, ve lu ior mba lun sha kwarikaa ga yô, kpiligh ve iyol, ve kav er ve luun a Yesu ityô, yô.

Mbafilipi 1:28

Mbahendan a ven mbala, kwagh ve môm a̱ de te ne mciem iyol ga. Kwagh ne yô ngu tesen ikav sha mtim ve, kpa ne yô, gema tese sha myom wen; man myom ne yô, ka her Aôndo a dugh ye.

Yakobu 2:23

Nahan icighanruamabera kure sha mi vough u a kaa er: Aberaham na Aôndo jighjigh nahan A gema kwagh la hingir perapera na je la, man shi er: I yila un er ikar u Aôndo la.

1 Peteru 3:14

Kpa aluer nea yan ican sha ci u kwagh u perapera kpaa, á saan ne iyol je; de cie nen m-ange ve ga, man ishima i̱ de te ne kwe kpaa ga.

Mpase U Yohane 2:10

De cie akaa a aa va tser u la ga. Nenge diabolo ngu veren iyol u una kende ior enev mbagenev ken gaadi, sha u á kar ne yô; man ican ia er ne á kuma ayange pue je. Lu jighjigh, ar ken ku je man Me na u tsar u uma ye.