Luka 12:32 - ICIGHAN BIBILO

³² Ne anikumuile u kpeghee ne, de cie nen ga! Gadia i doo Ter wen u nan ne tartor la.

Luka 12:32 Iomraidhean Croise

Yesaia 40:11

Una koso ilev Nav er orkuranilev nahan, Una kohol ônovmbaiyôngov sha uwegh Nagh, Una tôô ve Una wa sha ikum Na, una za a mbi amben ônov tegh tegh.

Yesaia 41:14

De cie ga, we Yakob, ananyigôgh, ne ior mba Iserael! Ka Mo M wasen we ye, kape TER A kaa ne, Orpaan wou ka Icighan u Iserael je.

Yesaia 53:6

Se cii se tsume er iyôngo nahan, hanmô wase hulugh sha u zan sha gbenda u nan, kpa TER gema na ibo yase cii i shile sha a Na.

Yeremia 3:19

Mo M kaa Mer: Me wa u ken uôn, man Me na u tar u doon, dyako u hemban doon cii u akuraior! Shi M kaa Mer: Wea yilam wer: Terem; man wea kaha ú undum kpaa ga.

Mateu 14:27

Kpa Yesu ôr kwagh a ve, kaa er: Taver nen ishima, ka Mo, de kera cie nen ga.

Mateu 20:16

Kape mbamasetyô vea hingir mbahiihii; mbahiihii kpaa vea gema á hingir mbamasetyô la.

Mateu 25:34

Zum la Tor la Una kaa a mba ve lu ken uwegh Nagh ku yanegh la er: Va nen, ne mba i saan ne iyol mba Terem, ya nen dyako u tartor u i ver sha ci wen hii sha igbetar je la.

Mateu 7:15

Kura nen ayol a en sha uprofeti mba aiev mba ve ve her a ven a akôv a iyôngo iyol, kpa ken atô ve yô, gema ka ugbaseela mba huav je.

Luka 10:21

Hen shighe la A ember ken Icighan Jijingi, A kaa er: M ngu sughun We, Tere, Ter u Sha man tar, sha er U yer mbafankwagh man mbakavenkwagh akaa ne, kpa U gem U pase anikundanev a yô; een Tere! kape i doo U ken ishima je la.

YOHANE 18:36

Yesu gema kaa er: Tartor Wam ka u shin tar ne ga. Tartor Wam ua lu u shin tar ne yô, mbayev Av ma ve nenge ityav sha u i̱ de nem sha ikev i Mbayuda ga yô; kpa hegen yô, tartor Wam ka u heen ga.

Aerenakaa A Mbaapostoli 20:28

Kuran nen ayol a en man ikumuile i Icighan Jijingi a ver ne mbakuran sha mi cii kpaa, sha u né koso nongo u Kristu u Aôndo, u A yem sha awambe a sha iyol Na la.

Aerenakaa A Mbaapostoli 20:29

Gadia m fa, me mough kera yô, ugbaseela mba vihin asema vea va nyôr her a ven, vea de u eren ikumuile ican ga.

Mbaromanu 6:23

Gadia injar i isholibo i kimbin yô, ka ku, kpa iwua i sha mrumun u sha mhôôn u Aôndo yô, ka uma u tsôron ken Kristu Yesu Ter wase.

1 Mbakorinte 1:21

Gadia er i lu sha kwaghfan u Aôndo je man tar u kera fe Aôndo sha gbenda u kwaghfan la ga yô, nahan doo Aôndo u yiman mba ve ne jighjigh la sha ibumegh ki kwaghôron Na.

Mbafilipi 2:13

gadia ka Aôndo je A lu eren tom ken a ven ye, sha u kwagh u a doo Un la a̱ sar ne, shi ne̱ eren sha mi kpaa.

2 Timoteu 1:11

Ka nahan man se lu eren msen sha ci wen gbem ye, sha er Aôndo A̱ nenge ne er ne kuma myer u i yila ne la man A̱ gema hanma isharen i sha kwagh u dedoo man hanma tom u sha jighjigh u nan sha agee, ve̱ lu vough,

2 Timoteu 1:5

Ka ikav i ijirôron i mimi i Aôndo i tesen er ne kuma tartor u Aôndo u ne lu yan ican sha ci u u la.

Mbaheberu 12:28

Nahan yô, se ember nen er se ngohol tartor u u lu u tenger ga yô, ka nahan man sé er Aôndo tom u u doo Un ye, sha mcieaôndo man iyol i sulen.

Yakobu 2:5

Ver nen ato, anmgbianev av mba doon mo ishima, Aôndo kera tsuwa mbaatsanev mba ken tar ne sha u ve̱ lu mbanyarev ken jighjigh u nan man shi mbayandyako u tartor u A tende zwa a mba Un doo ve ishima la gaa?

2 Peteru 1:11

Gadia ka nahan man á hemba nan ne u nyôron tartor u tsôron u Yesu Kristu, Ter wase man Oryiman wase enger enger ye.

Mpase U Yohane 1:6

man A gema se er se̱ hingir tartor, se̱ hingir upristi sha ci u Aôndo Na man Ter Na her kpaa. Un yô, iengem i̱ lu i Na kua tahav kpaa gbem sha won. Amen.

Mpase U Yohane 22:5

Tugh mbua kera ile ga, kwagh una kera gba ve a iwanger i imenger shin iyange kpaa ga, gadia Ter Aôndo Una ta iwanger sha a ve, vea tema tor gbem sha won.