Luka 12:21 - ICIGHAN BIBILO

²¹ Or u nan lu koson inyaregh sha ci u iyol i nan, kpa nan kera lu ornyar sha kwagh u Aôndo ga la, kape kwagh u nan a lu ne.

Luka 12:21 Iomraidhean Croise

Anzaakaa 13:7

Orgen ka nan ver iyol er nan ngu ornyar je, kpa nan lu a kwagh ga; orgen di ka nan ver iyol er nan ngu icanor, kpa nan ngee akaa kpishi.

Hosea 10:1

Iserael ka kon u wain u hômon gese gese, u umen atam a u; er a seer umen atam yô, kape a seer di u tan atse a nanden nagh sha mi; er tar na u ze hemen, u doo yô, kape a timen mtôm ma awenem ma doon ashe kpaa la.

Habaku 2:9

Kwagh á tser un u a ye mtsera u bo sha ci u ya na, sha u una wa iya sha ijiir i taven sha je, sha u una war kwagh u bo yô,

Luka 12:33

Gema nen inyaregh yenegh tee nen, na nen iwua. Kor nen akpa a inyar a a bee iyol ga la sha ci wen, ka kwagh u injaa u a lu Sha u una bee ga, ape ormbaiv nana mgbôghom a min ga, ivina kpaa ia vihi ga yô;

Luka 16:11

Nahan aluer ne kera lu jighjigh ga sha kwagh u inyaregh ki ki lu perapera ga la yô, ka an nana wa ne kwagh u mimi sha ikeve?

Luka 6:24

Kpa kwagh á tser ne, ne mbanyarev, gadia ne vande zuan a msurshima wen kera ve.

Mbaromanu 2:5

Ka sha ishima you i cighir man ishima i geman ga la je u lu ombon iyugh sha ci wou iyol you sha iyange i iyugh man m-ande u ijirôron i mimi i Aôndo la ye.

2 Mbakorinte 6:10

man shi bee er se mba zungwen yô, kpa se mba ember gbem je; man shi bee er se mba mbaatsanev yô, kpa se mba geman mbagenev kpishi hingir mbanyarev; man shi bee er se mba a ma kwagh ga yô, kpa se mba a akaa cii je.

1 Timoteu 6:9

Kpa mba i sar ve pe lun mbanyarev yô, ka ve gba ken imeen man ken to u hônon man ken asaren kposo kposo a gbilinigh man a vihin. Ka a mire a ior ken mtim man ken msaaishe.

Yakobu 2:5

Ver nen ato, anmgbianev av mba doon mo ishima, Aôndo kera tsuwa mbaatsanev mba ken tar ne sha u ve̱ lu mbanyarev ken jighjigh u nan man shi mbayandyako u tartor u A tende zwa a mba Un doo ve ishima la gaa?

Mpase U Yohane 2:9

M fa ican you i yan man shi ibanave you, nahan kpaa u ngee a akaa; man ityuhwanev mbi ior mba ve yer ayol a ve er Mbayuda kpa i lu nahan ga, i lu shinagoge u Satan la.