Luka 11:48 - ICIGHAN BIBILO

⁴⁸ Nahan yô, ne mba mbashiada ne mba rumun ityom i uter enev je; gadia ve, ve wua ve; ne yô, ne gema ne mba maan iwar ve.

Luka 11:48 Iomraidhean Croise

2 Kroniku 36:16

kpa ve gema ve se mbatyomov mba Aôndo, ve laha kwaghôron Na, ve nenge sha uprofeti Nav kpenenene, zan zan iyugh i TER mough sha ior Nav je gbenda u vea war kera lu ga.

Yobu 15:6

Ka zwa wou je, u ne u ibo ye, ka mo ga! Een, ka zwa wou iyol you je, u lu pasen ibo you ye.

Upasalmi 64:8

Kape á er ve, vea nôngo gbev ne, nombor ve je kpaa u hendan a ve; mba vea nenge a ve cii, vea jingir ityough.

Esekiel 18:19

Kpa ne mba kaan ner: Ka sha ci u nyi man wan á ya ican sha ci u ibo i ter na ga? Kpa wan yô, er kwagh sha tindi vough man sha mimi, man a wa akaawan a Am cii iko, a er sha a kpaa, una lu uma kpee je.

Mateu 23:27

Kwagh á tser ne, ne mbangeren man Mbafarishi! Gadia ne mba vough er iwar i i kungu nahan, i i doo u nengen ken won, kpa kimi yô, i iv a akuhe a mbakpenev man shi hanma kwagh u hôngorough.

Mateu 23:31

Kape ne lu eren shiada pasen ayol a en er ne lu ônov mba mbawuan uprofeti je la.

Luka 11:47

Kwagh á tser ne! gadia ne mba maan iwar i uprofeti, kpa ka uter enev je lu wua ve ye.

Luka 11:49

Ka sha ci u nahan man mfe u Aôndo kaa er: Me tindi ve a uprofeti man mbaapostoli; vea wua mbagenev, vea tôv mbagenev a ican;

Mbaromanu 1:32

Ve fa tindi u Aôndo dedoo er mba ve eren ambaakaa ne yô, ve kuma ku, nahan kpaa, mba eren a er a tseegh ga, shi mba rumun mba ve eren a la kpaa.

Yakobu 5:10

Uprofeti mba ve lu ôron kwagh ken iti i Ter yô, ve̱ lu ne ikav sha ican i yan man ishima i wan kpaa.

Yosua 24:22

Tsô Yosua kaa a ior er: Ne mba pasen ayol a en je ner, ne tsuwa TER né civir Un. Ve kaa er: Se mba pasen nahan.