Luka 11:42 - ICIGHAN BIBILO

⁴² Kpa kwagh á tser ne! Ne Mbafarishi, gadia ne mba tsough môm-ken-upue u kunguraku man rue man hanma ihuugh, kpa ne kera wa ijir man dooshima u Aôndo iko ga. Er i lu u ma ne eren akaa angan keng yô, shi ma ne de u eren angara kpaa ga.

Luka 11:42 Iomraidhean Croise

Nehemia 10:37

man sé va a mwem asem ma geran ma hem, man iniav yasev mbi nan la, man atam a hanma injakon, man wain man mkurem, hen upristi, ken ayou a koson akaa ker a ken iyou i Aôndo wase; man sé va a môm-ken-upue u ishule yase hen Mbalevi; gadia Mbalevi vea ngohol môm-ken-upue sha agar a se kahan sule cii.

Anzaakaa 21:3

U eren perapera kua mimi, hemba doon TER a nagh ku nan.

Orpasenkwagh 7:18

Doo u ú kôr ngun, ngula di kpaa de kera tôôn uwegh ough sha mi kera ga; gadia or u cian Aôndo yô, nana due ken akaa la cii.

Mika 6:8

Yô, A tese u, kwagh u dedoo, we or; tsô ka nyi TER A keren her a we, saa u eren kwagh u mimi man u soon u zungwen mhôônom, man u hiden a iyol ijime er u zenden vea Aôndo wou la gaa?

Malaki 1:6

Wan civir ter na, ortom kpaa civir orvesen na; aluer Mea lu ter yô, icivir Yam ngi hana? Man aluer Mea lu orvesen yô, mcia u i ciem ngu hana? Kape TER u akum a Sha A kaa a ven ne, upristi mba ne lahan iti Yam la; nahan kpaa ne kaa ner: Se laha iti You hana?

Malaki 2:17

Ne za TER iyol sha akaaôron a en. Nahan kpaa ne mba kaan ner: Hanma or u eren iferkwagh ka or u doon sha ishigh ki TER yô, doo Un a ve kpaa; shin: ka han Aôndo u mimi A luou?

Malaki 3:8

Or nana fatyô u iin Aôndo kwagha? Nahan kpaa ne mba iin Mo kwagh. Kpa ne mba kaan ner: Ka han se ii U kwagha? Ka sha môm-ken-upue la, man sha iniav mbi nan kpaa.

Mateu 23:13

Kwagh á tser ne, ne mbangeren man Mbafarishi, ne mbaimangerev, gadia ne mba cirin ior tartor u Sha; ne ayol a en ne mba nyôron ga, man shi mba ma ve nyer la kpaa, ne mba rumun ve u nyôron ga.

Mateu 23:23

Kwagh á tser ne, ne mbangeren man Mbafarishi, ne mbaimangerev. Gadia ne mba tsough môm-ken-upue u kunguraku man yiye man ayegh, kpa ne kera wa akaa a a hembe lun a inja ken atindi la iko ga, er: ijirôron man mhôônom ma zungwen man jighjigh u nan, er i lu u né eren akaa ngan keng yô, shi ma ne de u eren angara kpaa ga.

Mateu 23:27

Kwagh á tser ne, ne mbangeren man Mbafarishi! Gadia ne mba vough er iwar i i kungu nahan, i i doo u nengen ken won, kpa kimi yô, i iv a akuhe a mbakpenev man shi hanma kwagh u hôngorough.

Luka 18:12

Lahadi môm ka m hôr kwaghyan kwa har; m ne môm-ken-upue sha akaa a m zough a mi cii.

YOHANE 5:42

Kpa M fa ne, ne mba a dooshima u Aôndo ken asema a en ga.

1 Yohane 4:20

Aluer orgen nana kaa er: Aôndo doom ishima, man nan gema nan ngu kôron anmgbian u nan ihom yô, nan ngu or u aiegh je. Gadia or u anmgbian u nan, u nan nenge a nan la, a doo nan ishima ga yô, Aôndo u nan nengen a Na ga la, A fatyô u doon nan ishima ga.

1 Samuel 15:22

Tsô Samuel kaa er: Iniav mbi nanden kua mbi sôngon, doo TER ishima er iko i wan sha imo i TER nahan kpa? Yô, nenge, iko i wan hemba nagh ku sôngon, man u veren ato kpaa hemba ahôm a anomaiyôngo.