Luka 11:36 - ICIGHAN BIBILO

³⁶ Yô, aluer iyol you cii ia iv a iwanger ia kera lu a ime mape ga yô, ia iv a iwanger wang, er imenger ka i wanger we sha mondo u i nahan.

Luka 11:36 Iomraidhean Croise

Anzaakaa 1:5

Sha u orfankwagh nana̱ ungwa nana̱ seer mhen, orkavenkwagh kpaa nana̱ ar sha mbamhen mba mimi;

Anzaakaa 20:27

Jijingi u or ka imenger i TER je, tev ajiir a ken atô u or.

Anzaakaa 6:23

Gadia tindi ka imenger je, ityesen kpaa ka iwanger, myange u sha mtsaha ka gbenda u uma je;

Yesaia 42:16

Shi Me va a mbaapirashe sha gbenda u ve fe u ga yô; ka sha igbenda i ve fe i ga je, Me kar a ve ye; Me gema ime ia hingir iwanger sha ishiv vev; ajiir a lun gbeen gbe gbeen aa hingir vaanaa. Akaa ne yô, Me er a, Me de a ga.

Yesaia 8:20

Hide nen sha ityesen kua mpase! Aluer vea ôr sha kwaghôron ne ga yô, m-av u use kera ngu sha ci ve ga.

Hosea 6:3

Yô, sé fa nen, sé nôngo nen tsung u fan TER; mdugh Na ka u kpee je, er m-av u use nahan: Una va hen vese er ura nahan, er ka ura u masetyô u haan mngerem inya yô.

Mateu 13:52

Tsô A kaa a ve er: Kape i lu man hanma orngeren u nan hingir orhenen ken tartor u Sha yô, nan ngu er orya nahan u ka nan dughun akaa a he man a tse ken iyou i nan i koson akaa a injaa la.

Mateu 5:15

Man mba te imenger mba cirin kapu sha mi ga, kpa ka i ver sha daar u pendan imenger sha mi, nahan i wanger mba ve lu ken iyou la cii je.

Luka 11:35

Nahan ver ishima, iwanger i i lu ken a we la, i̱ de luun ime ga.

Luka 11:37

Er lu ôron kwagh yô, Orfarishi ugen va yila Un iwer. Un kpaa A za nyôr, man A tema kwaghyan la.

2 Mbakorinte 4:6

Ka Aôndo u A kaa er, iwanger i̱ wanger ken ime la, A lu tan iwanger ken asema ase ye, sha u mkav u iengem i Aôndo i sha ishigh ki Kristu la i̱ wanger se yô.

Mbaefese 4:14

Ka nahan man sé kera lu mbayev mba ka i daase a ve i yem a ve wue wue sha ahumbe a ityesen, sha atseregh a ior, sha mtsugh u tsughun ior tsumen a ve sha wayo la ga ye.

Mbakolose 3:16

Kwaghôron u Kristu a̱ tema ken a ven gbing, tesen nen ayol a en kwagh shi waan nen ayol a en kwagh sha kwaghfan cii, shi waan nen upasalmi man atsam man gberen nen amo a ken jijingi, sughun nen Aôndo ken asema a en.

Mbaheberu 5:14

Kpa kwaghyan u taver yô, ngu sha ci u mbaganden, ka ve mba ve er tom sha mkav u ken ishima la, hoghor ve u paven kwagh u dedoo a kwagh u bo.

Yakobu 1:25

Kpa or u nan kenger sha tindi u vough u a pasen se a toho la shi nan veren ishima yô, á saan nan iyol ken aeren a nan cii, gadia u ungwan kwagh yô, nan ngu or u kwagh hungul nan fefa ga, kpa nan ngu or u eren tom je.

2 Peteru 3:18

Kpa seer vesen nen sha mrumun u sha mhôôn man sha mfe u ne fe Yesu Kristu Ter wase man Oryiman wase la. Ka Un i̱ civir Un ye, hegen zan zan sha iyange i tsôron la kpaa. Amen.