Luka 11:34 - ICIGHAN BIBILO

³⁴ Imenger i iyolough ka ishe you je. Aluer ishe you ia lu dedoo yô, iyol you cii kpaa ia iv a iwanger; kpa aluer ia lu i ifer yô, iyol you kpaa ia iv a ime.

Luka 11:34 Iomraidhean Croise

Genese 19:11

Tsô ve pir mba hen hunda u ya la ashe, mbakiriki kua mbatamen cii; ve ker hunda je ve vôr.

Upasalmi 119:18

Bughum ashe, m̱ nenge akaakpilighyol a ken atindiakaa a Ou la.

Upasalmi 81:12

Ka nahan man M gbihi ve sha ihembeato i sha asema ve la, Mer, ve̱ er sha mbamhen vev ayol a ve ye.

Anzaakaa 21:4

U kenger sha ilyahan kua ishima i imangeregh, iwanger i mbaaferev la, ka isholibo je.

Anzaakaa 28:22

Or u nan we bo yô, nan kumbur sha u hingir ornyar, nan kera fa ase er ibanave ia va tser nan ga.

Yesaia 29:10

Gadia TER haa ne jijingi u mnyam ma mem mem, A pir ne ashe, ka uprofeti je la, man A cir ne ityouv, ka mbanengenakaa je la.

Yesaia 42:19

Ka an nan pir ashe, saa wanakiriki Wam la man ato kpaa a kondo nan er ortyom Wam u M tindi la nahana? Ka an nan pir ashe er or u M tsegh nan la shi nan pir ashe er wanakiriki u TER nahana?

Yesaia 44:18

Ve fa ga, mba henen kwagh ken asema ve kpaa ga, gadia i cir ve ashe sha u vea fatyô u nengen ga kua asema a ve kpaa, sha u vea fatyô u kaven ga yô.

Yesaia 5:20

Kwagh á tser mba ve yer ifer er, kwagh u dedoo, man kwagh u dedoo yô, ve gem ve yer er ifer la; mba ve gem ime i̱ hingir iwanger, shi ve gem iwanger i̱ hingir ve ime la; man ve ver myough er ka mnyohom, man mnyohom di er ka myough la!

Yesaia 6:10

Er, ishima i ior ne i̱ wa ahôm, man ato ve a̱ yuhwa, cir ve ashe, sha er ve̱ de nengen sha ashe ve ga, ve̱ de ongo sha ato ve kpaa ga, shi ve̱ de kaven ken ishima, ve̱ gema man i̱ bee ve angev kpaa ga.

Yeremia 5:21

Shi ungwa nen kwagh ne, ne ior mba lanen kwagh man mbakavenkwagh kpaa ga; ne mba ne lu a ashe, kpa ne mba nengen ga; ne mba ne lu a ato, kpa ne ongo ga ne.

Marku 4:12

sha er: Mnenge yô, ve̱ nenge, kpa ve̱ de kaven ga; sha u ve̱ de gem asema man á de ve asorabo a ve ga yô.

Marku 7:22

man shi ivaa i vihin sha idya, man u tômon akaa, man afer a eren a dang, man icugh, man u kôron iyol tsaha ga, man iwuhe, man angereke, man ityough ki kehen, man ibumegh ve dugh ye.

Marku 8:18

Ne mba a ashe, kpa ne mba nengen gaa? Shi ne mba a ato, kpa ne mba ongo gaa?

Luka 11:35

Nahan ver ishima, iwanger i i lu ken a we la, i̱ de luun ime ga.

Aerenakaa A Mbaapostoli 13:11

Hegen yô, nenge, uwegh ku Ter ku sha a we, ú pir ashe, ú kera nenge a iyange ga zan zan shighe á kar. Fese nahan, irkpiigh man ime shile sha a na, a gba zenden, keren mba vea kôr un aga yô.

Aerenakaa A Mbaapostoli 2:46

Ve zer kohol ken tempel ayange ayange, ve coon bredi sha uya vev ser ser, ve yaan kwagh a iember man a ishima i wang,

Aerenakaa A Mbaapostoli 26:18

sha u ú za bugh ve ashe sha u ve̱ gema ve̱ due ken ime, ve̱ nyôr ken iwanger man shi ve̱ gema ve̱ due ken agee a Satan, ve̱ va her Aôndo yô, sha er ve̱ zua a mde u asorabo a ve man shi ve̱ zua a dyako a mba ve lu uicighanmbaiorov imôngo sha jighjigh u nan u ken a Mo la kpaa yô.

2 Mbakorinte 1:12

Gadia ihagh yase yô, ka i ne, ka shiada u imo i ken ishima yase, er se lu zenden ken tar, jim je yô lu hen a ven, lu sha icighanmlu man mimi u Aôndo lu sha mfe u iyolough ga, kpa lu sha mrumun u sha mhôôn u Aôndo je.

2 Mbakorinte 11:3

Kpa m ngu cian mer, alaghga á va vihi mbamhen enev né undu mlu u mimi [man u wang] u ken Kristu la er iyô mee Ifa sha atseregh a i nahan.

2 Mbakorinte 4:4

Ve yô, ka mbanan jighjigh ga, aôndo u tar u ainge ne pir ve ashe a asema sha u ve̱ de nengen a iwanger i Loho u Dedoo u iengem i Kristu u A lu ibeen i Aôndo la ga.

Mbaefese 1:17

sha er Aôndo u Ter wase Yesu Kristu Ter u iengem A̱ na ne jijingi u mfe man u mpase sha u fan Un,

Mbaefese 6:5

Ne mbashirentom kpaa, ungwan nen imo i mba ve lu uter enev ken iyol la sha mcie man ikarikase iyol kpaa, i̱ lu sha mimi u ken asema a en er ka Kristu nahan.

Mbakolose 3:22

Ne mbashirentom kpaa, ungwan nen imo i uter enev mba ken iyol ken akaa cii, i̱ de luun tom u sha ashe a ior er mbadoon ityough a ior nahan ga, kpa i̱ lu sha ishima i môm man sha u cian Ter.