Luka 11:31 - ICIGHAN BIBILO

³¹ Torkwase u ken imbusutariyan una nder sha iyange i ijir a kov ne imôngo, man una na u ibo, gadia a due ken akighir a tar je, a va sha u va ungwan mfe u Solomon yô; kpa nenge, u A hembe Solomon icivir, ngun heen ne!

Luka 11:31 Iomraidhean Croise

2 Kroniku 9:1

Zum u torkwase u Sekeba ungwa gwa u Solomon yô, a va u va karen Solomon sha mbampin mba cimin ken Yerusalem, a va a ior mba va veren un kpishi, man urakumi mba tôôn ilyôghonov man zenaria kpishi, kua awen a injaa; zum u a va hen Solomon yô, a ôr akaa a a lu un ken ishima cii.

Yesaia 54:17

Hanma ityumugh ki i var sha ci u vihin we iyol, ikôl ia lagh ki ga; hanma zwa u ua mough ua hendan a we sha ijir kpaa, ú hemba u. Kwagh ne ka dyako u mbayev mba TER kua perapera ve u a dugh her a Mo je ne, kape TER A kaa la.

Yeremia 3:11

Tsô TER kaa a mo er: Iserael u a undu mimi na la, tese er perapera na hemba u Yuda, u a lu u jighjigh ga la.

Mateu 12:42

Torkwase u ken imbusutariyan una nder a kov ne sha iyange i ijir, man una na u ibo; gadia a due ken akighir a tar, a va sha u ungwan mfe u Solomon. Yô, nenge, u A hembe Solomon icivir Ngun heen ne.

Luka 3:22

man Icighan Jijingi sen sha a Na sha inja i iyolough er ikungugh nahan; imo kpaa due Sha kaa er: We, U ngu Wan Wam u ishima ishima; ka We ishima i doom a We yum ye.

Luka 9:35

Imo kpaa due ken ibeenegh kila, gba kaan er: Ngun ka Wan Wam u M tsough Un, ungwan nen Un.

Mbaromanu 2:27

Nahan or u nan lu ipusu sha marami kpa nan gem nan we atindi iko la nana na u ibo, we u u lu a kwaghngeren man shi icôngo, kpa u gem u per tindi la.

Mbaheberu 11:7

Ka sha jighjigh u nan man Noa kpaa, zum u Aôndo wa un kwagh sha akaa a i lu a nenge a mi ga la yô, a wa iko a gba tso sha u yiman ya na. Ka sha jighjigh u nan ne kpaa man a na tar ibo ye shi a hingir or u yan dyako u perapera u a lu sha jighjigh u nan la.