Luka 11:2 - ICIGHAN BIBILO

² A kaa a ve er: Zum u nea eren msen yô, kaa nen ner: Tere, i̱ tsegha iti You; tartor Wou u̱ va.

Luka 11:2 Iomraidhean Croise

1 Utor 8:43

ungwa Sha, hen ijiir You i teman la, er akaa a orvanava la nan sen U cii; sha er akuraior sha won cii a̱ fa iti You man a̱ cia U, er ior Ou Iserael nahan, man shi a̱ fa er iyou ingin i m maa ne ka iti You i yer i min ye.

2 Utor 19:19

Yô, TERE, Aôndo wase, shi yima se sha ikev na, sha er ityartor i sha won cii i̱ fa er We TER U lu Aôndo, We tseegh yô.

2 Kroniku 20:6

a kaa er: TERE, Aôndo u uter asev, We U ngu Aôndo u Sha gaa? Ka We U tem tor sha utor mba akuraior cii ye gaa? Ka sha uwegh Ough, tahav mbu lu kua agee kpaa ye, ka nahan man ma or á fatyô u hendan kwagh a We ga ye.

Upasalmi 103:20

Wuese nen TER, ne mbatyomov Nav, ne mbaageev, mba ne eren sha imo Na, er ne we imo i kwaghôron Na iko yô.

Upasalmi 108:5

Kende a iyol You sha je, kar Usha cii, Aôndo; iengem You kpaa i̱ kende i sha sha tar cii.

Upasalmi 11:4

TER ngu ken icighantempel Na; ikônough ki torough ki TER ki Sha; ashe Na nga kenger, akurashee a Na nga karen ônov mba iorov.

Upasalmi 57:11

Kende a iyol You sha je, kar Usha cii, Aôndo; iengem You kpaa, i̱ kende i sha sha tar cii. Ngun ka sha ci u orhemen u mbawanatsam; i ver un sha ikenge i: De timin ga. Ka icam i Davidi

Orpasenkwagh 5:2

De kera bughun zwa fefa ga, ishima you kpaa i̱ de kera kumbur sha u ôron ma kwagh sha ishigh ki Aôndo ga; gadia Aôndo ngu Sha man we u ngu shin tar, nahan yô, kwaghôron wou a̱ de ngeen ga.

Yesaia 63:16

Gadia We U ngu Ter wase je, shin er Aberaham a kera fe se ga, man Iserael kpaa a kera rumun se ga; kpa We TER, U ngu Ter wase, man Orpaan wase, ka iti You ngise je la.

Esekiel 36:23

Me tsegha iti Yam i vesen i i hôngor a i ken akuraior la, i ne hôngor a i ken atô ve la; nahan akuraior aa fa er Mo M lu TER yô, kape Ter AÔNDO A kaa ne, zum u Me pase mtsegh Wam ken a ven sha ashe ve la.

Daniel 2:28

kpa Aôndo ngu Sha u A pasen akaamyer, man A pase tor Nebukadinesar kwagh u una va er sha ayange a masetyô la kpaa. Ka mnyam ou, man mbampase mba sha mnenge mba u nenge er u lu sha gambe wou ne:

Daniel 2:44

Man sha ayange a utor mbala, Aôndo u Sha Una ver tartor ugen u ua gba mayange ga yô, man shi tahav mbu u kpaa mbua hingir sha ikev i ma ikur igen ga, kpa ua hembe ityartor igen ne cii avur avur, ua tim i, kpa u yô, ua lu gbem sha won;

Daniel 7:18

Kpa uicighanmbaiorov mba Uhembansha vea ngohol tartor, man vea ya tor gbem, een, gbem sha won.

Daniel 7:27

Á gema tartor man mtemtor man ivesen i ityartor i sha won cii, á na nongo u icighanmbaiorov mba Uhembansha; tartor ve ka tartor u tsôron, man ityahav cii mbia er ve tom, mbia ungwa ve.

Hosea 14:2

Tôô nen akaaôron ne, za nen a mi; hide nen hen TER; kaa nen a Na ner: De ifer ci ca cii, rumun kwagh u a lu u doon yô, nahan sé gema ityumbujôôv yase sé na nagh sha mi, sha ityough ki anomabua.

Levitiku 10:3

Tsô Mose kaa a Aron er: Ka kwagh u TER A kaa je la, er: Ka hen mba ve mgbôghom a Mo la, Me pase icighanmlu Wam ye, shi Me pase icivir Yam sha ishigh ki iorough cii kpaa ye. Kpa Aron lu ving.

Levitiku 22:23

Gumbua shin gumiyôngo u a lu a ilyeegh ki ki lihi ki gande inya, shin ki ki yen yô, u fatyô u va nan nagh ku sha ishima i dedoo mi, kpa a lu nagh ku sha iceghzwa yô, á rumun un ga.

Habaku 2:14

Gadia tar ua mgbough a mfe u iengem i TER, er mngerem ma ngee ma cir zegemnger nahan.

Mateu 10:32

Nahan hanma or u nana pasen Mo sha ishigh ki iorough yô, ka nan je Me pase nan sha ishigh ki Terem u A lu Sha kpaa ye.

Mateu 3:2

lu kaan er: Gema nen asema, gadia tartor u Sha mgbôghom ve.

Mateu 5:16

Kape ne kpaa iwanger yen i̱ wanger sha ishigh ki iorough la, sha u ve̱ nenge aeren a en a dedoo man ve̱ civir Ter wen u A lu Sha yô.

Luka 11:1

Tsô lu eren msen ijiir igen, kur yô, orhenen Na u môm kaa a Na er: Tere, tese se u eren msen, er Yohane kpaa a tese mbahenen nav nahan.

Mbaromanu 1:7

Ne mba ne lu ken Roma mba ne doo Aôndo ishima la cii mba i yer ne er ne̱ lu uicighanmbaiorov la, mrumun u sha mhôôn a̱ lu sha a ven kua bem mba ve dugh her Aôndo Ter wase man Ter Yesu Kristu kpaa.

Mbaromanu 8:15

Gadia ne ngohol jijingi u kpan u né shi né cia kwagh ga kpa ne ngohol jijingi u mlu u wan, ka sha mi je se yer ser Aba, Tere ye.

1 Mbakorinte 1:3

mrumun u sha mhôôn a̱ lu sha a ven man bem mba ve dugh ken Aôndo Ter wase man Ter Yesu Kristu.

2 Mbakorinte 1:2

Mrumun u sha mhôôn a̱ lu sha a ven man bem mba ve dugh her Aôndo man shi hen Ter Yesu Kristu la.

Mbagalatia 1:4

u A ne iyol Na sha ci u asorabo ase, sha u Una dugh se ken tar u ainge u ifer ne kera, sha ishima i Aôndo Ter wase.

Mbaefese 1:2

Mrumun u sha mhôôn a̱ lu sha a ven kua bem mba ve dugh hen Aôndo Ter wase man Ter Yesu Kristu.

Mbafilipi 1:2

Mrumun u sha mhôôn a̱ lu sha a ven man bem mba ve dugh hen Aôndo Ter wase man Ter Yesu Kristu.

Mbafilipi 4:20

Iengem i̱ lu i Aôndo, Ter wase, gbem sha won. Amen.

Mbakolose 1:2

mba sughun anmgbianev mba ken Kristu mba ken Kolose mba ve lu uicighanmbaiorov shi ve lu mbananjighjigh kpaa la. Mrumun u sha mhôôn a̱ lu sha a ven kua bem kpaa, mba ve dugh her Aôndo Ter wase.

1 Mbatesalonika 1:1

Paulu man Siluanu man Timoteu mba sughun nongo u Kristu u Mbatesalonika u ken Aôndo Ter man Ter Yesu Kristu. Mrumun u sha mhôôn man bem ve̱ lu sha a ven.

1 Mbatesalonika 1:3

Ka sha ishigh ki Aôndo Ter wase man se lu umbur tom wen u sha jighjigh u nan gbem ye, man gbashima wen u sha tom u dooshima man ishimawan yen i sha ishimaveren keghen Ter wase Yesu Kristu la.

2 Timoteu 2:16

Ter wase Yesu Kristu iyol Na man Ter wase Aôndo u se doo Un ishima man A ne se msurshima u tsôron man shi ishimaverenkeghen i dedoo sha mrumun u sha mhôôn la,

Mpase U Yohane 11:15

Ortyom u Sha u sha utaankaruhar kpaa tôngo, tsô i ungwa uzegembaamoov Sha, ve kaa er: Tartor u shin tar hingir u Ter wase man u Kristu Na ve, Una tema tor gbem sha won.

Mpase U Yohane 15:4

We, Tere, ka an je nana cia U ga, man shi ka an nana civir iti You kpaa ga? Gadia ka We tseegh U lu wang ye, akuraior cii aa va aa va gure sha ishigh You gadia i pase ajir a ôron a Ou a jighjigh la ken igbar ve.

Mpase U Yohane 19:6

Tsô m ungwa ihuran er ka zegeikpelaior nahan, shi lu er ihuran i mngerem ma vesen nahan, shi lu er ihuran i idyuran i taver taver nahan, i lu kaan er: Haleluya! Ter wase Aôndo, Uhembanagee, tema tor ve.

Mpase U Yohane 20:4

Tsô m nenge mkônom ma torom, ior tema sha mi, i na ve ijir i ôron sha ikev. Shi m nenge uuma mba ior mba i gber ve ityough sha ci u shiada u Yesu man sha ci u mkaanem ma Aôndo la, ka mba ve civir inyam la ga shin eev mbu i kpaa ga, ve ngohol ikav i i sha atsul a ve ga, shin sha ave a ve kpaa ga. Ve nder ve tema tor a Kristu imôngo kuma anyom dubu je.