Luka 10:21 - ICIGHAN BIBILO

²¹ Hen shighe la A ember ken Icighan Jijingi, A kaa er: M ngu sughun We, Tere, Ter u Sha man tar, sha er U yer mbafankwagh man mbakavenkwagh akaa ne, kpa U gem U pase anikundanev a yô; een Tere! kape i doo U ken ishima je la.

Luka 10:21 Iomraidhean Croise

Upasalmi 24:1

Tar ka u TER je, man m-iv u u, tar u sha won cii a mba ve lu ken u kpaa.

Upasalmi 25:14

Kwaghmyer u TER ngu a mba ve cie Un yô, Una tese ve ikuryan Na.

Upasalmi 8:2

Ka ken zwa u anikundanev man mbamanatumba U ver agee, sha ci u mbaahendanev Ou, sha u Ú yange mbaihomov man mbaoroniyev ayôôso ye.

Yesaia 29:14

nahan yô, nenge, shi Me er tom u kpilighyol hen ior mban, ka tom u kpilighyol man u cieryol, kwaghfan u mbafankwagh vev una saa ishe, man mkav u mbakavenkwagh vev kpaa una yer kera.

Yesaia 35:8

Kômgbenda una lu her, á yila un er Icighangbenda; or u nan lu wang ga yô, nana kar sha mi ga; kpa una lu sha ci ve, mbazenden sha mi kua abumeaior je kpaa vea tsume sha mi ga.

Yesaia 53:11

sha mtoghor u uma Na, Una nenge a min je, á kuma Un; sha kwaghfan Na, wanakiriki Wam u perapera la, Una gema ior kpishi vea hingir mbaperapera; Una tôô afer a ve sha iyol Na kpaa.

Yesaia 62:5

Gadia er wanyekwaor ka nan er iniunkwase nahan, kape ônov ou vea ngohol we la, man er orkwasehe ka nan ember kwasehe nahan, kape Aôndo wou kpaa Una ember we la.

Yesaia 66:1

TER ngu kaan nahan er: Sha ka ikônough Yagh ki torough je, man tar ka ijiir Yam i pendan angahar sha mi; ka nyi iyou je nea maama? Man ka nyi ijiir je ia lum ijiir i memen heree?

Sefania 3:17

TER, Aôndo wou, ngu ken atô wou, Orutaha u Una yima yô; Una ember we a iember, Una mem ken dooshima Na, Una ember we a icam i wan.

Mateu 16:17

Yesu gema kaa a na er: Saan we iyol Shimon, wan u Yona, gadia ka or nan pase u nahan ga, kpa ka Terem u A lu Sha la.

Mateu 21:16

Ve kaa a Na er: U ungwa kwagh u mban ve lu ôron ne kpa? Yesu kaa a ve er: Een! Mayange ne mba a ôr kwagh u i nger la er: Ka ken zwa u anikundanev man mbamanatumba U sôr iwuese ye, gaa?

Mateu 3:7

Tsô er a nenge a Mbafarishi kua Mbasadushi kpishi lu van hen batisema ne yô, a kaa a ve er: Ne ônov mba igbindev mban, ka an man nan we ne kwagh er né yevese iyugh i i lu van la ase?

Marku 10:15

Mimi je, M kaan ne ne, hanma or u nana rumun tartor u Aôndo er wanye u kiriki nahan ga yô, mayange je nana nyôr ker ga.

Luka 15:5

Er nan zough a mi yô, nan penda i sha avande nan gba ember.

Luka 15:9

Er nan zough a mi yô, nan yila akar a nan man mba ve we ndor a nan, ve̱ va kohol her a nan, nan kaa er: Ember nen a mo imôngo, gadia m zua a sule u a saam ne ve!

YOHANE 11:41

Tsô ve tôô iwen la kera. Yesu kende ashe sha kaa er: Tere, M sugh U er U ongom yô;

2 Mbakorinte 4:3

Aluer ivangeli yase shi ngi ior myer her yô, ka mba ve lu timin la tsô i lu ve myer her ye.

Mbaefese 1:11

Un u se ya dyako ken a na, u i vande veren se la sha awashima u Un u A eren akaa cii sha mhen u awashima Na la.

Mbaefese 1:5

A vande veren se sha u Una rumun se ye, se̱ lu ônov Nav ken Yesu Kristu, sha mwe u A wa ishima la ye,