Luka 1:79 - ICIGHAN BIBILO

⁷⁹ sha u tan sha mba ve tem ken ime man ken mure u kuugh la kpaa, man shi sha u kôôm angahar ase zan a mi sha gbenda u bem kpaa.

Luka 1:79 Iomraidhean Croise

Yobu 10:22

tar u imegh mgbigh mgbigh, er angôghime nahan; tar u mure u kuugh, u lun nzughul nzughul; iwanger i u ngi er angôghime nahan.

Yobu 3:5

Ime man mure u kuugh ve̱ kôr i i̱ hingir kwagh ve je; abeen a̱ cir i; hanma kwagh u a ne iyange i we ime yô, a̱ ta i mciem iyol.

Upasalmi 107:10

Mbagenev tema ken ime man mure u kuugh, i kange ve sha ican man sha iyô,

Upasalmi 107:14

A due a ve ken ime man mure u kuugh, A tôndo ikangenev vev kera.

Upasalmi 23:4

Shin mea karen ken pev u mure u kuugh kpaa, me cia kwagh u bo ga, sha ci u We U lu a mo yô; aga Wou man gbough Ough ka ve surun mo ishima.

Upasalmi 25:12

Ka anti nan cie TERE? Una tese nan gbenda u nana̱ tsuwa yô.

Upasalmi 44:19

shin er U gem U her se je se hingir ijiir i ugbaseela, man U cir se mure u kuugh iyol nahan kpaa.

Anzaakaa 3:17

Igbenda na ka igbenda i dedoo je, igbenda na cii kpaa ka i bem.

Anzaakaa 8:20

M ngu zenden sha gbenda u perapera, ken atô u igbenda i ijirigh i mimi,

Yesaia 42:16

Shi Me va a mbaapirashe sha gbenda u ve fe u ga yô; ka sha igbenda i ve fe i ga je, Me kar a ve ye; Me gema ime ia hingir iwanger sha ishiv vev; ajiir a lun gbeen gbe gbeen aa hingir vaanaa. Akaa ne yô, Me er a, Me de a ga.

Yesaia 42:7

sha u bughun mbaapirashe ashe, u dughun mbakwarev agbe, man u dughun mba ken gaadi ken ime kera.

Yesaia 48:17

TER Orpaan wou, Icighan u Iserael, ngu kaan nahan er: Mo M ngu TER Aôndo wou, M tese u kwagh u una lu u a inja yô, M hemen we sha gbenda u ú zende sha mi la.

Yesaia 48:22

Ma bem kera ngu sha ci u aferaior ga, kape TER A kaa la.

Yesaia 49:6

A kaa er: Kwagh ne yina sha a We sha u Ú lu Wanakiriki Wam sha u moughon a ikwe i Yakob sha, man u hiden a mba ve wer ken Iserael la, M ver Ú lu Wanakiriki Wam sha u moughon a ikwe i Yakob sha, man u hiden a mba ve wer ken Iserael la, M ver U Mer, lu iwanger i akuraior, sha u myom Wam a̱ ar zan zan ken ikighir i tar je.

Yesaia 49:9

man sha u kaan a mbakwarev er: Due nen, man a mba ve lu ken ime er: Va nen ken igbar. Vea ya kwagh sha igbenda; man sha agungu a kpuun kpuun kpaa vea zua a ajiir a yan kwagh.

Yesaia 59:8

Gbenda u bem ve fa u ga; kwagh u vough ngu sha ihange ve ga; ve er igbenda ve gbunô gbu gbunô; hanma or u nana zende sha i yô, nan fa bem ga.

Yesaia 9:2

Ior mba ve zenden ken ime, ve nenge iwanger i vesen; mba ve tem ken tar u mure u kuugh la kpaa, iwanger ta sha a ve.

Yeremia 2:6

Ve kera pine er: TER u A dugh a vese ken tar u Igipiti la yô, ngu han ga, Wen u A kar a vese ken taaikôngo, ken tar u udeserti man u ahungwa, ken tar u ikpoghonya man u mure u kuugh, ken tar u or nan karen ken u ga, man ma or kpaa nan tem ya ker ga yô?

Yeremia 6:16

TER ngu kaan nahan er: Tile nen sha igbenda, nenge nen, pine nen igbenda i tse, henpe gbenda u doon shi u lu yô, zende nen sha u, tsô nea zua a mmem sha ci u uuma enev; kpa ve kaa er: Ka se ka zenden sha mi ga.

Mateu 4:16

Nongoior u u tem ken ime yô, ve nenge a iwanger i vesen, man mba ve tem ken tar kua mure u kuugh yô, iwanger due ta sha a ve.

Luka 2:32

ka iwanger i á pase i hen atôatyev, man ka iengem i nongo Wou Iserael kpaa.

YOHANE 1:9

Iwanger i mimi i i wanger hanma or yô, i lu van shin tar.

YOHANE 12:46

Mo M va shin tar ne er iwanger nahan, sha u hanma or u nan jighjigh yô, nana̱ de kera luun ken ime her ga yô.

YOHANE 8:12

Tsô Yesu shi gba ôron ve kwagh, kaan er: Mo M ngu iwanger i tar; or u nan dondo sha a Mo yô, nana zende ken ime ga, kpa nana lu a iwanger i uma.

YOHANE 9:5

Er M lu shin tar yô, M ngu iwanger i tar je.

Aerenakaa A Mbaapostoli 10:36

Ngun ka kwaghôron u A tindi hen Mbaiserael er A pase loho u bem ken Yesu Kristu. Un ka Ter u ior cii je.

Aerenakaa A Mbaapostoli 26:18

sha u ú za bugh ve ashe sha u ve̱ gema ve̱ due ken ime, ve̱ nyôr ken iwanger man shi ve̱ gema ve̱ due ken agee a Satan, ve̱ va her Aôndo yô, sha er ve̱ zua a mde u asorabo a ve man shi ve̱ zua a dyako a mba ve lu uicighanmbaiorov imôngo sha jighjigh u nan u ken a Mo la kpaa yô.

Mbaromanu 3:17

Gbenda u bem yô, ve fa u ga,

Mbaefese 5:8

Tsuaa la yô, ne lu ime kpa hegen yô, ne mba iwanger ken Ter, zende nen er ônov mba iwangerev nahan.