Luka 1:73 - ICIGHAN BIBILO

⁷³ ka mbum u A bum a Aberaham ter wase la,

Luka 1:73 Iomraidhean Croise

Genese 24:7

TER, Aôndo u Sha, u A due a mo hen ya u terem, ken tar u i marem la, A ôr kwagh a mo man A bum a mo, A kaa er: Me na tsombor wou tar ne; ka Un je Una tindi ortyom Na Una hemen we, ú za er kwase keela ú na wan wam ye.

Genese 26:3

Lu shir ken tar ne, Mo kpaa Me lu a we, Me ver u doo doo; gadia ka we kua tsombor wou Me na ne ityar ne cii ye, Me taver mbum Wam, u M bum a teru Aberaham la;

Upasalmi 105:9

ikuryan i A ya a Aberaham, man mbum Na a Isaka;

Yeremia 11:5

sha u Me kure mbum u M bum a uter enev, Mer, Me na ve tar u atumbabua kua iyough ve dumbur ker la, er i lu nyian nahan ne. Tsô m rumun, mer: Amen, TERE.

Luka 1:74

er Una na á yima se sha uwegh ku mbaihomov kera, man sé civir Un a mciem iyol ga ye,

Duteronomi 7:12

Nahan er ne ver ato sha akaaôron a jirigh ne man ne we iko u eren sha a kpaa yô, TER, Aôndo wou kpaa, Una waan iko sha ikuryan man erdoo a we er A bum a uter ou la;

Duteronomi 7:8

kpa ka sha ci u ne doo TER ishima man sha ci u A we ishima u kuren mbum u A bum a uter enev la, TER A dugh a ven sha uwegh ku ageegh A paa ne ken ya u ikpan sha ikev i Farao, tor u Igipiti ye.

Mbaheberu 6:13

Gadia zum u Aôndo tôndo zwa a Aberaham la yô, A kera lu a orgen u nan hembe Un u Una bum nan ga, nahan A bum sha iyol Na