Luka 1:51 - ICIGHAN BIBILO

⁵¹ A er tom u ageegh sha uwegh Nagh; mba ve gengese iyol sha mhen u ken asema a ve la, A sambe ve kera.

Luka 1:51 Iomraidhean Croise

Genese 11:8

Nahan TER va num ve heregh, sambe ve sha tar cii wue wue, man ve de u maan zegegar la.

Genese 6:5

Er TER nenge isholibo i or kehe sha won, man hanma mhen u ishima i nan kpaa lu u bo tseegh gbem yô,

Genese 8:21

TER ungwa ihuma i dedoo; nahan TER kaa ken ishima Na er: Me kera wa tar ifan sha ci u or ga, gadia mhen u ishima i or ka u bo, hii sha iyev mbu nan je; man shi Me kera tsaha akaauma er M vande eren nahan ne ga.

Upasalmi 118:15

Imo i iember kua i myom ngi ken utenti mba mbaperapera; uwegh ku yanegh ku TER ku eren akaa a ageegh,

Upasalmi 33:10

TER bundu kwaghhenen u akuraior, ka A gema mbamhen mba iorov ve hingir gbilinkwagh.

Upasalmi 52:9

Me wuese We gbem sha ci u U er nahan yô; me ver ashe sha iti You kpaa—gadia i dio— sha ishigh ki mba i doo U a ve la. Ngun ka sha ci u orhemen u mbawanatsam; i ver un sha ikenge i Mahalati. Ka ityesen i Davidi

Upasalmi 63:5

Uma wam una ide er ka sha mshia man ahôm yô; zwa wam kpaa ua wuese We sha ityumbuzwaagh i ember tsung.

Upasalmi 89:10

We, U sombo Rahabi njighe njighe er or u i woo nan yô; U sambe mbaihomov Ou sha uwegh Ough ku ageegh.

Upasalmi 89:13

U ngu a uwegh ku ageegh, uwegh Ough ka ku taver je, U kende uwegh Ough ku yanegh, ku sha je.

Upasalmi 98:1

Wa nen TER icam i he, gadia A er akaa a kpilighyol je; uwegh Nagh ku yanegh man icighanikasewe Na, na Un mhembe.

Ekesodu 18:11

Hegen yô, m fa, TER hemba mbaaôndo cii, gadia A yima ior sha ikev i Mbaigipiti, zum u ve manger sha ve la.

Yesaia 40:10

Nenge, Ter AÔNDO Una va sha agee, Una kura tar sha uwegh Nagh je; nenge, injar Na ngi a Na; iyevoron Na kpaa kar ngi zan Un sha hemen.

Yesaia 51:9

Nder, nder wa agee iyol, we, uwegh ku TER; nder er sha ayange a atsuaa la nahan, a sha ikov i ngise la. Kera ka We U paa Rahabi avur avur, shi U kuma darakon kpaa gaa?

Yesaia 52:10

TER bugh icighanwe Na sha ashe a akuraior cii; akighir a tar cii kpaa, aa nenge myom u Aôndo wase.

Yesaia 63:12

Wen u lu na uwegh Nagh ku icivirigh ku zan a uwegh ku yanegh ku Mose imôngo man A pav mngerem sha ishigh vegh, sha u Una er iti Na i̱ tsôr sha won;

Yeremia 49:15

Gadia, nenge, M gema u, u hingir kwagh u kiriki ken akuraior, man kwagh u lahan hen ior.

Daniel 4:37

Hegen yô, mo Nebukadinesar m ngu civir Tor u Sha; gadia aeren a Na cii ka a mimi je, man igbenda Na ka i perapera, man mba ve zenden sha ihagh yô, A fatyô u hiden a ve ijime.

Mbaromanu 1:21

shin er ve fe Aôndo nahan kpaa ve civir Un er ka Aôndo nahan ga, ve sugh Un kpaa ga, mbamhen vev hingir gbilin, asema a ve a lanen kwagh la gema wa ime.

2 Mbakorinte 10:5

man sha ci u vihin mbamhen kera man shi hanma kwagh u taven u i kende a mi sha, sha u yisan kwaghfan u Aôndo; se mba haan hanma mhen abata sha u a̱ wa Kristu iko.

Duteronomi 4:34

Ma aôndo nôngo u za tôôn ikurior sha ci na ker atô u ikurior igen sha ikaren man sha uivande man akaakpilighyol man sha utya man sha uwegh ku ageegh man uwegh ku naregh man sha akaacieryol, er TER, Aôndo wen, lu er sha ci wen ken tar u Igipiti sha ashe a en la, mayange je kpa?

1 Peteru 5:5

Nahan yô, ne mbayev kpaa ungwan nen imo i mbatamen, man ne cii, haa nen ityough ki taver ga iyol, hen ayol a en, gadia Aôndo hendan kwagh a mbagengeseyol, kpa ne mba ve hir ayol a ve ijime la mrumun u sha mhôôn.

Mpase U Yohane 18:8

Sha ci u nahan yô, atsan a na aa va shire sha a na iyange i môm je. Ka ku man ijungwen man ijen kpaa, á nande un sha usu kpaa. Gadia Ter Aôndo u A lu ôron un ijir la ka u ageegh je.