Luka 1:32 - ICIGHAN BIBILO

³² Un, Una lu Zegeor, á yilan Un er Wan u Uhembansha; Ter Aôndo kpaa Una na Un ikônough ki torough ki Ter Na Davidi.

Luka 1:32 Iomraidhean Croise

2 Samuel 7:16

Ya wou kua tartor wou vea tile dông sha ishigh you gbem; ikônough you ki torough kia lu her gbem sha won.

Upasalmi 132:11

TER bum a Davidi sha mimi, Una gema kposo ga er: Me ver wan wou iyol you je Mer, a̱ tema sha ikônough you ki torough.

Upasalmi 132:12

Aluer ônov ou vea kura ikuryan Yam man mpase Wam u Me tese ve yô, ônov vev kpaa vea tema sha ikônough you ki torough gbem sha won.

Yesaia 16:5

zum la á tar ikônough ki torough sha erdoo man orgen nana tema sha mi sha jighjigh, ken tenti u Davidi, u nana ôr ijir, nana keren mimi man nana eren kwagh sha perapera fefa je.

Yeremia 17:25

nahan sha ihinda i gar ne utor man atiator vea nyôr, mbateman sha ikônough ki torough ki Davidi man, mbateman sha akekeautya kua sha anyinya, ve man atiator a ve man nomsombaiorov mba Yuda, man mba ve tem ken Yerusalem kpaa; man gar ne una hingir igbekeke.

Yeremia 22:2

kaa wer: Ungwa kwaghôron u TER, we tor u Yuda, u u tem sha ikônough ki torough ki Davidi ne, we man mbatomov ou, kua ior ou mba ve nyer sha ihinda ne.

Daniel 2:44

Man sha ayange a utor mbala, Aôndo u Sha Una ver tartor ugen u ua gba mayange ga yô, man shi tahav mbu u kpaa mbua hingir sha ikev i ma ikur igen ga, kpa ua hembe ityartor igen ne cii avur avur, ua tim i, kpa u yô, ua lu gbem sha won;

Mateu 1:1

Takerada u tsombor u Yesu Kristu Wan u Davidi, wan u Aberaham la.

Mateu 12:42

Torkwase u ken imbusutariyan una nder a kov ne sha iyange i ijir, man una na u ibo; gadia a due ken akighir a tar, a va sha u ungwan mfe u Solomon. Yô, nenge, u A hembe Solomon icivir Ngun heen ne.

Mateu 28:18

Tsô Yesu va va ôr kwagh a ve, kaa er: Tahav mbu Sha man mbu sha won cii i wam sha ikev.

Mateu 3:11

Mo yô, m ngu eren ne batisema sha mnger u sha mgemshima tsô, kpa Un u A lu van mo ken ijime la, A hembam agee, akôvangahar a Na tsô kpaa, m kuma u me tôô a ga; Wen yô, Una er ne batisema sha Icighan Jijingi man sha usu kpaa;

Marku 14:61

Kpa A huan ving, A bugh zwa sha ma kwagh ga. Zegepristi shi pine Un, kaa a Na er: Ka We, U lu Kristu, Wan u Un u i wuese Un la yee?

Marku 5:7

genger imo taver taver, kaa er: Ka nyi i zoughom a We, Yesu Wan u Aôndo Uhembansha? M zua U vea Aôndo, de eren mo ican ga.

Luka 1:15

Gadia una lu zegeor sha ishigh ki Ter; una tswer wain kua msôrom kpaa, una iv a Icighan Jijingi er una lu ngô na ken uya je.

Luka 1:35

Ortyom la gema kaa a na er: Icighan Jijingi Una sen sha a we, man agee a Uhembansha la kpaa aa kase u; ka sha ci u nahan man Un u á mar Un la á yilan Un er Icighanwan u Aôndo ye.

Luka 1:76

Man we, wan á yilan we er profeti u Uhembansha; gadia ú zaan Ter sha hemen sha u sôron Un gbenda,

Luka 3:16

Nahan Yohane gema kaa a ve cii er: Mo yô, M ngu eren ne batisema sha mnger, kpa u A hembem agee ngu van, u mo m kom u saghen kwange u akôvangahar a Na ga; Wen yô, Una er ne batisema sha Icighan Jijingi man sha usu kpaa.

Luka 6:35

Kpa mbaihomov enev ve̱ doo ne ishima, eren nen a ve doo doo, pwaren nen kwagh, kpa de veren nen ishima u shi ngohol kpee ga; nahan injar yen ia lu i vesen je, man né lu ônov mba Uhembansha ye; gadia Wen yô, eren dedoo a mba ve lu a ishughun ga kua mbabov kpaa.

YOHANE 12:34

Tsô ikpelaior gema kaa a Na er: Se ungwa ken atindi er Kristu Una lu gbem; man er nan U kaan Wer, á kende Wan u or sha kenge? Wan u or la ka ana?

YOHANE 6:69

Man se yô, se na jighjigh shi se fa er We U ngu Icighan u Aôndo.

Aerenakaa A Mbaapostoli 16:17

Tsô er un a lu van ken ijime i Paulu a vese imôngo yô, a yila sha imo i taver, a kaa er: Ior mban ka mbatomov mba Aôndo Uhembansha je, man mba pasen ne gbenda u myom.

Aerenakaa A Mbaapostoli 2:30

A lu profeti je shi a fa er Aôndo bum a na sha ibumzwa er ka or u ken tsombor na je, Una ver nan sha ikônough nagh ki torough ye,

Aerenakaa A Mbaapostoli 2:36

Nahan ya u Iserael cii a̱ fa dedoo er: Yesu u ne mande Un sha terankon la, ka Un je Aôndo a gem Un A hingir Ter man Kristu kpaa ye.

Aerenakaa A Mbaapostoli 7:48

Kpa Uhembansha la yô, tem ken uya mba i maa sha ave ga, er profeti lu kaa yô, er:

Mbaromanu 1:4

kpa sha Jijingi u mtsegh i pase er Un ka wan u ageegh u Aôndo sha mnder u shin mbakpenev, ka Yesu Kristu Ter wase je la.

Mpase U Yohane 3:7

Nger hen ortyom u nongo u Kristu u hen Filadelfia wer: Un u A lu icighan, A lu u mimi, u A lu a ishindan i Davidi la, Una bugh yô, ma or nana kera senda ga, Una senda yô, ma or nana kera bugh ga la, ngu ôron akaa ne nahan er: