Luka 1:13 - ICIGHAN BIBILO

¹³ Kpa ortyom la kaa a na er: De cie ga, Sekaria, gadia i ungwa msen wou; kwase wou, Elisabetu, kpaa una mar u wannomso, ú ii un iti wer Yohane.

Luka 1:13 Iomraidhean Croise

Genese 17:10

Ingin ka ikuryan Yam i né waan i iko hen atô Wam a we man tsombor wou ken ijime you ne: I̱ tsôngon hanma wannomso wen.

Genese 17:19

Aôndo kaa er: Ei, ka Sara, kwase wou, una mar u wan yô, ú ii un iti wer Isaka; Me taver ikuryan Yam vea na, á lu ikuryan i tsôron, sha ci u tsombor na u ken ijime na.

Genese 18:14

Ma kwagh u kpilighyol u hemban TER ngu jee? Me hide hen a we sha shighe u i ver la, hen shighe ne nahan, Sara una lu a wan ave.

Genese 25:21

Isaka zamber a TER sha ci u kwase na, gadia lu ikômkwase; TER kpaa rumun, ungwa zamber na, nahan kwase na Rebeka maa wa iyav.

Upasalmi 113:9

Ka A na, ikômkwase nan lu a ya, nan lu ngô u saan saan u mbayev. Haleluya.

Upasalmi 118:21

Me wuese We, gadia U ungwa imo yam, man U hingir myom wam kpaa.

Yesaia 8:3

Tsô m za hen profeti u kwase, nahan a wa iyav a mar wan u nomso. Tsô TER kaa a mo er: Ii un iti wer, Maher-shalal-hashi-bashi.

Daniel 10:12

Tsô a kaa a mo er: De kera cie ga, Daniel; gadia hii sha iyange i u hii veren ishima sha u kaven man u hiden a iyol you ijime sha ishigh ki Aôndo wou la je, i ungwa kwaghôron wou, man m va ka sha kwaghôron wou la.

Hosea 1:4

Tsô TER kaa a na er: Ii un iti wer, Yesereel, gadia shi anshighe kpeghee tsô, Me or ya u Yehu iyev sha awambe a Yesereel la, Me er tartor u ya u Iserael ua kure.

Hosea 1:6

Shi a wa iyav, a mar wan u kwase. Nahan TER kaa a na er: Ii un iti wer, Lo-ruhama (i zungwe un mhôônom ga), gadia Me kera seer u zungwen ya u Iserael mhôônom sha u den ve ibo ve ga.

Mateu 1:21

Una mar wan u nomso; ú ii Un iti wer, Yesu; gadia ka Un Una yima nongoior Na sha asorabo a ve ye.

Mateu 14:27

Kpa Yesu ôr kwagh a ve, kaa er: Taver nen ishima, ka Mo, de kera cie nen ga.

Mateu 28:5

Kpa ortyom u Sha la gema kaa a kasev mbala er: De cie nen ga, gadia m fa ka Yesu u i mande Un sha terankon la ne keren ye.

Marku 16:6

Kpa a kaa a ve er: I̱ de kera cier ne iyol ga; ne mba keren Yesu u Nasareti, u i mande Un sha terankon. A nder, ngu heen ga; nenge nen henpe i ver Un la.

Luka 1:14

Ú zua a iember á saan we iyol kpaa; ior kpishi vea ember sha mmar na.

Luka 1:30

Ortyom la kaa a na er: De cie ga, Maria, gadia u zua a mrumun u sha mhôôn her Aôndo.

Luka 2:21

Tsô ayange anigheni nga kom sha u á tsôngo Un yô, i ii Un iti er Yesu, i ortyom u Sha vande kaan je, er i lu a jile Un ken uya ga la.

Aerenakaa A Mbaapostoli 10:31

m nenge orgen tilem sha ishi a akondo a engem iyol, a kaa er: Korneliu, i rumun msen wou, man shi i umbur uiwua ou sha ishigh ki Aôndo.

Mbaajiriv 6:23

Tsô TER kaa a na er: Ishima i̱ de nyian we ga, de cie ga; ú kpe ga.

1 Samuel 2:21

Nahan TER va sôr Hana, a shi a mar ônov mba nomso utar man mba kasev uhar. Samuel wanakiriki la, vese sha ishigh ki TER.