Levitiku 8:21 - ICIGHAN BIBILO

²¹ A ôô ikav mbi kimi kua angahar sha mnger; tsô Mose nande nomiyôngo la jimin sha atse a nanden nagh sha mi; lu nagh ku nanden ku human doon; ka nagh ku usugh ku nan TER, er TER kaa Mose nahan.

Levitiku 8:21 Iomraidhean Croise

Genese 8:21

TER ungwa ihuma i dedoo; nahan TER kaa ken ishima Na er: Me kera wa tar ifan sha ci u or ga, gadia mhen u ishima i or ka u bo, hii sha iyev mbu nan je; man shi Me kera tsaha akaauma er M vande eren nahan ne ga.

Ekesodu 12:9

De ye nen i kôgh ga, shin u jiir a jiir sha mnger kpaa ga, kpa i mgbagh a mgbagh i sha usu, ityough nagh man angahar a na kua ikav mbi kimi kpaa.

Ekesodu 29:18

Nande nomiyôngo la jimin cii sha atse, ka nagh ku nanden TER, ka ihuma i doon, man nagh ku usugh ku nan TER je la.

Ekesodu 40:16

Kape Mose er la; er TER kaa un nahan, kape a er vough je la.

Levitiku 1:13

kpa ikav mbi kimi kua angahar a i yô, nana̱ ôô sha mnger; pristi a̱ va a mi cii, a̱ va nande sha atse; ka nagh ku nanden ku usugh ku human doon ku nan TER je la.

Levitiku 1:17

A̱ ande un hen akper a na, kpa a̱ de paven vegher a̱ gbe ken inya ga; pristi a̱ nande un sha atse, sha ikon i i lu sha usu la; ka nagh ku nanden ku usugh ku human doon ku nan TER.

Levitiku 1:9

kpa ikav mbi kimi kua angahar yô, nana̱ ôô sha mnger; pristi a̱ gema cii a̱ nande sha atse a nanden nagh sha mi, i̱ lu nagh ku nanden, ka nagh ku usugh ku human doon ku nan TER je la.

Levitiku 2:9

Pristi a̱ kura nagh ku umbur ku nagh ku sha samuyia la, a̱ nande ku sha atse; ka nagh ku usugh ku human doon ku nan TER je la.

Levitiku 8:13

Shi Mose va a ônov mba Aron kpaa, a haa ve akondo, a zer ve ikange, a cir ve ader er TER kaa Mose nahan.

Levitiku 8:9

A kange un atsar sha ityou, a zer kpande u zenaria u icighanikav la sha atsar la, vegher u ken ishi, er TER kaa Mose nahan.

Mbaefese 5:2

Man zenden nen ken dooshima, er Kristu kpaa se doo Un ishima man A na iyol Na sha ci wase nahan, lu nagh ku nanden man nagh ku sôngon nan Aôndo sha ci u ihuma i doon.