Levitiku 7:9 - ICIGHAN BIBILO

⁹ Hanma nagh ku sha samuyia, ku i kaa ku sha atse man ku i kaa sha icenge kua shin icenge i tumuu kpaa, pristi u a ne nagh sha ku la, ka un una zua a ku ye.

Levitiku 7:9 Iomraidhean Croise

2 Utor 12:17

Tsô Hasael tor u Shiria kôndo za nôngo ityav a Gati ngohol un je; nahan Hasael gema ver ishigh u zan ken Yerusalem.

Esekiel 44:29

Ve̱ yaan nagh ku sha samuyia man nagh ku isholibo man nagh ku iboogh; man hanma kwagh u i tswer Iserael cii una hingir u ve.

Levitiku 2:10

Nagh ku usugh ku ku shi la yô, ku̱ hingir kwagh u Aron a ônov nav; ka icighankwagh u hemban cii ken iniav mbi usuv mbi nan TER la.

Levitiku 5:13

Pristi a̱ na iwom sha ci u nan, sha ci u isholibo i nan er sha ma kwagh u ken akaa ne yô, nahan á de nan isholibo i nan; kwagh u a shi la, a̱ hingir u pristi, er i eren a nagh ku sha samuyia nahan.

Levitiku 7:10

Man shi hanma nagh ku sha samuyia ku i nongo mkurem sha mi, shin ku ombor kpaa, ônov mba Aron cii vea gbaa ngohol tsô, á sange a sange ve ga.

Levitiku 7:8

pristi u a ne nagh ku nanden ku hanma or yô, pristi la una zua a ikôvough ki nagh ku a ne la.

Numeri 18:9

Uicighanmbaakaav mba hemban cii mba i nanden sha usu ga yô, kwagh u una lu u wou sha mi yô, ka iniav vev cii, hanma nagh vegh ku sha samuyia man hanma nagh vegh ku isholibo man hanma nagh vegh ku iboogh ku vea nam la, kua hingir we kua ônov ou icighankwagh u hemban cii je.

1 Mbakorinte 9:13

Ne kera fa er mba ve eren tom sha uicighanmbaakaav mba ken tempel la ve ye kwagh ken tempel gaa? Man shi mba ve eren tom sha atse a nanden nagh sha mi yô, mba zough a kwar sha atse gaa?

1 Mbakorinte 9:7

Ka an nana nyôr tom u nôngon ityav man shi nana koson iyol i nana? Ka an nana er sule u wain man nana kera ya atam a u ga? Ka an nana kura ilev man nana kera ma atumba a mbi ga ase?

Mbagalatia 6:6

Or u i lu tesen nan kwaghôron u Aôndo yô, nana̱ kar akaa a doon cii vea or u tesen la.