Levitiku 7:18 - ICIGHAN BIBILO

¹⁸ Aluer á ya ma inyam i nagh ku sôngon ku nagh ku bem sha iyange i atar la yô, á kera lu kwagh u rumun un ga, man u nana va na nagh sha i kpaa, á kera lu nan a inja sha ma kwagh ga, á hingir kwagh u ndôhôrshima, man or u nana ya i kpaa nana lu a ibo iyol.

Levitiku 7:18 Iomraidhean Croise

Anzaakaa 15:8

Nagh ku aferaior ka TER kwagh u ndôhôrshima je, kpa msen u mbamimi yô, ka Un kwagh u ember je.

Yesaia 65:4

mba ve tem her atô u iwaregh man ve tse ken ajiir a myer; mba ve ye inyamigo, man kwaghyan u nungwa nungwa u ndôhôrshima ngu ken ugbande vev;

Yesaia 66:3

Or u nan woo bua yô, nan ngu er or u nan woo or nahan; or u nan ne nagh ku sôngon sha tuleiyôngo yô, nan ngu er or u nan sombo aniwa mon yô; u nan ve a nagh ku sha samuyia yô, nan ngu er or u nan ve a nagh ku awambe a igogh nahan; man or u nan ve a kwaghhumandoon sha ci u nagh ku umbur yô, nan ngu er or u wuese akombo nahan. Er ve tsough igbenda i sha asema a ve, uma ve kpaa a ember sha akaa a ve a hôngorough nahan,

Yeremia 14:10

TER ngu ôron kwagh u ior mban kaan nahan er: Kape i doo ve u zenden wue wue je ne; mba her angahar inya ga; nahan TER kera rumun ve ga; hegen yô, Una umbur iferkwagh ve, man Una tsaha asorabo a ve.

Yeremia 14:12

Vea hôron kwaghyan kpaa, Me ungwan mliam vem ga; man vea naan nagh ku nanden kua ku sha samuyia kpaa, Me rumun ve ga; Me tim ve sha sanker, man sha ijen, kua sha bouange kpaa.

Esekiel 18:20

Or u nan er isholibo yô, ka nan nana kpe ye; wan una ya ican sha ci u ibo i ter na ga, man ter di kpaa una ya ican sha ci u ibo i wan na ga; perapera u ormimi una lu sha a nan, man ifer i or u bo di kpaa ia hide sha ityough ki nan.

Hosea 8:13

Mba sôngon iniav nan Mo, ka ve inyam tsô, mba ye i, doo TER a mbi ga; hegen yô, Una umbur iferkwagh ve man Una tsaha ve sha asorabo a ve, vea hide ken Igipiti.

Levitiku 10:17

Inja na nan ne kera ye nagh ku isholibo ken icighanjiir ga? Gadia ka icighankwagh u hemban cii je; A na ne ku sha u ne̱ tôô ibo i ior kera man ne̱ na iwom sha ci ve sha ishigh ki TER.

Levitiku 10:19

Tsô Aron ôr kwagh a Mose, kaa er: Nenge, nyian ve na nagh vegh ku isholibo kua nagh vegh ku nanden sha ishigh ki TER; man nenge, imbakwagh i i tserem ne; mea ye nagh ku isholibo nyian nahan ma i doo TERE he?

Levitiku 11:41

Inyarev mbi zenden hen inya iuu la, ka kwagh u ndôhôrshima je; i̱ de ye mbi ga.

Levitiku 17:16

Kpa aluer nana ôô a ga, iyol i nan kpaa nana ôô ga yô, nana lu a ibo iyol.

Levitiku 19:5

Zum u nea naan TER nagh ku sôngon ku bem yô, naan nen ku er á rumun ne yô.

Levitiku 20:17

Man aluer or nana er anngô u nan u kwase, ka wan u ter u nan u kwase, shin wan u ngô u nan u kwase je la, nana nenge idyelegh na, man un kpaa una nenge idyelegh u nan yô, ka kwagh u kunya je; nahan i̱ dugh ve sha ashe a ônov mba nongo ve kera gadia nan bugh idyelegh u anngô u nan u kwase je; nana lu a ibo iyol.

Levitiku 20:19

De bughun idyelegh u anngô u ngôu u kwase ga, shin anngô u teru u kwase kpaa ga, gadia nahan á bugh idyelegh u anmgbian je; vea lu a ibo iyol.

Levitiku 22:16

ve̱ de kper ibo, ve̱ hee iyol, sha er ve̱ kuma u yan mtsaha, zum u ve ye uicighanmbaakaav vev la ga, gadia ka Mo TER u M tsegh ve ne.

Levitiku 22:23

Gumbua shin gumiyôngo u a lu a ilyeegh ki ki lihi ki gande inya, shin ki ki yen yô, u fatyô u va nan nagh ku sha ishima i dedoo mi, kpa a lu nagh ku sha iceghzwa yô, á rumun un ga.

Levitiku 22:25

Man de ngohol nen anza la sha ikev i or u tar gen sha u va nan nagh ku kwaghyan u Aôndo a mi ga; gadia mlu u a u wang ga la ngu ken a; ihogholough ki sha a, á rumun a sha ci wen ga.

Levitiku 5:17

Aluer anti or nana er isholibo, nana er ma kwagh u TER A yange er i̱ de eren ga la, abu yô, man nana ya ibo, nana hingir u lun a ibo iyol yô,

Levitiku 7:19

Inyam i i bende a hanma kwagh u a lu wang ga yô, i̱ de ye i ga, i̱ nande sha usu. Inyam yô, hanma or u nan lu wang nana ya i,

Amoshi 5:22

Een, shin er ne nem iniav mbi nanden man iniav mbi sha samuyia, nahan kpaa Me ngohol mbi ga; iniav mbi bem mbi ne ne sha uzendenya enev mba wan ahôm la kpaa Me kera ver ishima sha mi ga.

Malaki 1:10

Or ma nan lu ase ken a ven u nana wuhe ihinda sha u né de kera keer usu sha atse Am a nan nagh sha mi la gbilin ga yô! Doom a ven ga, kape TER u akum a Sha A kaa ne, Me ngohol nagh ku sha ave a en la ga.

Malaki 1:13

Shi ne kaa kpaa ner: Nenge er i lu kwagh u zan iyol yô! Shi ne ta un ahenga kpaa, kape TER u akum a Sha A kaa ne; shi ne va a kwagh u iin a ii man iwankwagh, man kwagh u a lu uange; ka nagh ku ne ne je la; nahan doo u Me ngohol ku sha ave a en kpa? Kape TER A kaa ne.

Numeri 18:27

Nagh enegh ku kenden sha kun, kua hingir ne er ka alakema u sha vande u gbiren iyiav yô, man shi er wain u a iv hen ihungwa i shoghol nahan.

Luka 16:15

Kpaa A kaa a ve er: Ka ne mba ne ne ayol a en ishô sha ishigh ki iorov je ne, kpaa Aôndo fa asema a en; gadia kwagh u a lu ior kwagh u icivirigh yô, gema ka kwagh u ndôhôr Aôndo ishima.

Mbaromanu 4:11

A ngohol ikav i icôngo, lu ikav i tesen sha perapera u sha jighjigh u nan u a lu a mi je er a lu a tsôngo ga la. Lu sha u una lu ter u mbaipusuv mba ve ne jighjigh la cii, sha u i̱ gema kwagh la i̱ nenge er ka perapera ve je la.

Mbaheberu 9:28

kape Kristu kpaa i na nagh sha a Na kwa môm sha u tôôn asorabo a ior kpishi kera, u sha kwa har yô Una ande, á lu sha kwagh u isholibo ga, kpa á lu sha u yiman mba ve lu keghen Un yô.

1 Peteru 2:24

Ka Un jim kpaa A tôô asorabo ase ken iyol Na je sha terankon sha er ma se kpe kera sha kwagh u isholibo, kpa se̱ gema se̱ lu uma sha ci u perapera. Ka sha agbir a Na man se zough a mkpeyol ye.