Levitiku 6:4 - ICIGHAN BIBILO

⁴ aluer nana er isholibo, man ibo ia kôr nan yô, nahan nana̱ hide a kwagh u nan ii la, shin kwagh u nan ye or sha apera la, shin inyaregh ki i ne nan, koso la, shin kwagh u a saa man nan zough a mi la,

Levitiku 6:4 Iomraidhean Croise

Genese 21:25

Tsô Aberaham zôhô a Abimeleki sha kwagh u ijôr i mbatomov mba Abimeleki ngohol sha apera la.

Nehemia 5:11

Yô, shi hide nen ve a ishule ve nyian, ishule ve i ikon i wain, man ishule ve i ikon i olev kua uya vev man shi ci môm ken mbaaci deri u inyaregh vegh man i iyiav man u wain kua u mkure, mba lu ne ngohol her a ve la.

Yobu 20:19

Gadia nan er mbaatsanev ican, nan ta ve kera, ya u nan ngohol sha agee la kpaa, nana maa un ga.

Yobu 24:2

Mba ve kper a akav a ipaventar, mba; ka ve ngohol akumaiyôngo sha apera, ve gba koson a.

Yesaia 59:6

Kwaghtumen ve la una hingir ikondo ga, vea cir ayol a ve sha ityom ve la ga; ityom ve la ka ityom i ifer, man aeren a aperagh nga sha ave ve.

Esekiel 18:12

una kighir mbaatsanev man mbaibanave sha apera, una ngohol kwagh sha agee man una hide a ityungu ga, man una kende ashe na sha akombo, una er akaa a ndôhôrshima,

Esekiel 18:18

Kpa ter na la yô, er a kighir sha apera man a ngohol anngô na kwagh sha agee, man a er kwagh u a lu dedoo a ior nav kpaa ga, nenge, una kpe sha ci u ifer na.

Esekiel 18:7

man nan kighir orgen sha apera ga, kpa nan hidi a ityungu hen or u yan nan injô, man nan ngohol ma or kwagh sha agee ga, kpa nan ne mba ijen i ker ve kwaghyan, man nan cirin mbalun idyelegh akondo iyol,

Esekiel 33:15

aluer iferor nana hide a ityungu, man nana hide a kwagh u nan ngohol sha agee la, nana zende ken akaawan a uma, nana kera er ma iferkwagh ga yô, nana lu uma kpee je, nana kpe ga.

Esekiel 44:19

Zum u vea due u zan ken tembe u ken won, ken tembe u ken won hen ior yô, ve̱ er akondo a ve a eren tom a mi la, ve̱ ver a ken ukparmbaayoughouv mba icighanjiir la, ve̱ haa akondo agen, sha u ve̱ de gem ior ve̱ hingir uicighanmbaiorov sha akondo a ve la ga.

Levitiku 24:18

Or u nan gbidi zendenya nan woo yô, nana̱ kimbi un; uma sha uma.

Levitiku 24:21

Or u nan woo zendenya yô, nana̱ kimbi un; or u nan woo or yô, i̱ wua nan.

Levitiku 4:12

nombua la jimin cii, a̱ due a mi ken akôngoafogh hen ijiir i wanger, henpe i hee mtwem yô, i̱ za nande un sha usu sha ikon; ka hen ijiir i haan mtwem la, i̱ nande un ye.

Amoshi 3:10

Gadia ve kera fa u eren kwagh u mimi ga, kape TER A kaa ne, ve mba ve ombon ipila man iv ken ayou a ve a tor la.

Mika 2:2

Ve tôm ishule man ve ngohol i sha apera, kua ayou kpaa, ve ngohol a kpaa; ka ve nzughul a or kua ya u nan, man a or kua dyako u nan kpaa.

Sefania 1:9

Man sha iyange la, Me tsaha mba ve tsugh ve aver igburhunda, mba ve ivin ya u ter ve a ipila man icugh la.

Malaki 1:13

Shi ne kaa kpaa ner: Nenge er i lu kwagh u zan iyol yô! Shi ne ta un ahenga kpaa, kape TER u akum a Sha A kaa ne; shi ne va a kwagh u iin a ii man iwankwagh, man kwagh u a lu uange; ka nagh ku ne ne je la; nahan doo u Me ngohol ku sha ave a en kpa? Kape TER A kaa ne.

Numeri 5:7

nana̱ pase kwaghbo u nan er la; nahan nana̱ hide a kwagh u nan lu a ibo sha mi la her vough, nana̱ seer môm-ken-utaan sha mi, nana̱ na or u nan er nan kwaghbo la.