Levitiku 5:6 - ICIGHAN BIBILO

⁶ nana̱ va na TER nagh sha ci u isholibo i nan er yô, mgbianile, tuleiyôngo shin tuleivo, i̱ lu nagh ku isholibo; pristi a̱ na iwom sha ci u nan sha ci u isholibo i nan er la.

Levitiku 5:6 Iomraidhean Croise

Esekiel 40:39

Hen puadwer u hunda, utebul lu uhar ken vegher ne, man utebul uhar ken vegher ngula kpaa, sha u sôngon nagh ku nanden man nagh ku isholibo man nagh ku iboogh sha mi.

Esekiel 42:13

Tsô a kaa a mo er: Ayou a shin imbusutarimese man ayou a sha imbusutariyan, a a lu sha ishigh ki huwa la, ka ayou a tseghan henpe upristi mba ve mgbôghom a TER vea yaan uicighanmbaakaav mba i hembe tseghan ve la; ka heregh vea veren uicighanmbaakaav mba i hembe tseghan ve la, man nagh ku sha samuyia, man nagh ku isholibo, man nagh ku iboogh ye, gadia ka icighanjiir je.

Esekiel 44:27

Sha iyange i nana nyôr ken icighanjiir, ken tembe u ken atô la, nana̱ na nagh ku isholibo ku nan, kape Ter AÔNDO A kaa ne.

Levitiku 4:20

a̱ er a nombua la er a er a nombua u sha nagh ku isholibo la nahan, kape á er a ngun kpaa la; pristi a̱ na iwom sha ci ve, tsô á de ve asorabo a ve.

Levitiku 4:28

aluer nana va kav isholibo i nan er la yô, nana̱ va a nagh sha tuleivo u a lu a ihogholough iyol ga yô, sha ci u isholibo i nan er la.

Levitiku 4:31

ahôm cii yô, a̱ kura a sha, er ka i kura ahôm a nagh ku sôngon ku bem la nahan; pristi a̱ na iwon sha ci u nan, nahan á de nan isholibo i nan.

Levitiku 4:32

Man aluer nana na waniyôngo sha ci u nagh ku nan ku isholibo yô, nana̱ va a tule u a lu a ihogholough iyol ga yô.

Levitiku 4:35

ahôm cii yô, a̱ kura a sha, er ka i kura ahôm a gumiyôngo u nagh ku sôngon ku bem la nahan; pristi a̱ nande a sha atse, sha iniav mbi usugh mbi TER; pristi a̱ na iwom sha ci u nan, sha ci u isholibo i nan er la, nahan á de nan isholibo i nan.

Levitiku 6:6

Shi nana̱ na TER nagh sha nomiyôngo, shin kpev u a lu a ihogholough iyol ga yô, u a kom sha ishe i u we la, sha ci u nagh ku iboogh; nana̱ va na pristi,

Numeri 6:12

Nahan nana̱ tsegha TER ayange a mtsegh u nan, nana̱ va a gumiyôngo u a kom inyom i môm yô, sha ci u nagh ku iboogh; kpa ayange a a kar la yô, a hingir gbilin je ve, sha ci u mtsegh u nan tsegh iyol i nan la hôngor.