Levitiku 5:2 - ICIGHAN BIBILO

² Shin aluer hanma or nana bende a ma kwagh u a lu wang ga, shin a lu gundu u ma swase u u lu wang ga, shin gundu u ma ilegh ki ki lu wang ga, shin gundu u ma kwagh u a kper a kpera inya, u a lu wang ga, man nana fa ga yô, nan kera ngu wang ga, nan hingir u lun a ibo iyol ve.

Levitiku 5:2 Iomraidhean Croise

Upasalmi 19:12

Mbamtsum yô, ka an nana fatyô u kaven ve? Nam ishô sha mbamtsum mba ken myer la.

Yesaia 52:11

Mough nen, mough nen, due nen ken ijiir la kera, de benden nen ma kwagh u hôngorough ave ga; due nen ker atô na kera; wanger nen ayol a en, ne mbatôôn ikav mbi TER.

Levitiku 11:11

Een, a lu ne kwagh u ndôhôrshima, de ye nen inyam i a ga, agundu a a kpaa a̱ lu ne kwagh u ndôhôrshima.

Levitiku 11:8

De ye nen inyam i i ga, mbende tsô kpaa, de benden nen a gundu u i ga, i̱ lu ne kwagh u a lu wang ga yô.

Levitiku 4:13

Aluer mkohol u ior i Iserael cii vea kar kpe, man mkohol una fa nahan ga, vea er ma kwagh u TER A yange er i̱ de eren ga, vea tôô ibo yô,

Levitiku 5:17

Aluer anti or nana er isholibo, nana er ma kwagh u TER A yange er i̱ de eren ga la, abu yô, man nana ya ibo, nana hingir u lun a ibo iyol yô,

Levitiku 5:3

Shin aluer nana bende a kwagh u a lu wang ga, u or, a lu hanma kwagh u wang ga u or á fatyô u hingir wang ga a mi la, man nana fa ga yô, man nana va kav nahan yô, nan hingir u lun a ibo iyol ve.

Levitiku 5:4

Shin aluer anti or nana gba bumun gagh sha zwa u nan sha u eren kwagh u bo shin u dedoo; nyityô kwagh i or nana kaa fefa sha mbum, man nan fa ga yô; kpa nana va kav nahan yô, nan hingir u lun a ibo iyol sha ma kwagh u ken akaa la ve.

Levitiku 7:21

Man shi aluer anti or nana bende a hanma kwagh u a lu wang ga, shin kwagh u a lu wang ga u or, shin swase u u lu wang ga, shin hanma kwagh u a lu wang ga a ndôhôr ishima kpaa yô, man nana gema á ya inyam i nagh ku sôngon ku nagh ku bem ku ku lu ku TER la yô, i̱ dugh or la ken nongo u nan kera.

Hagai 2:13

Tsô Hagai kaa er: Aluer orgen nana hôngor iyol sha ikomor man nana bende a akaa ne yô, kwagh la una hôngorô? Upristi gema kaa er: Una hôngor.

Numeri 19:22

Hanma kwagh u or u nan lu wang ga la, nana bende a mi yô, una kera lu wang ga; shi orgen u nan bende a kwagh la kpaa, nana kera lu wang ga, zan zan iyange ia kar been.

Luka 11:44

Kwagh á tser ne! gadia ne mba vough er iwar i i nengen a i ga la nahan, mba zenden sha mi kpaa mba fe ga.

2 Mbakorinte 6:17

Nahan yô, due nen ken atô ve kera, lu nen kposo, kape Ter A kaa la, kwagh u hôngorough kpaa, de benden nen ave ga. Nahan Mo Me rumun ne,

Duteronomi 14:8

igo kpaa, gadia i pav apande kpa i kengese kwaghyan ga, nahan i kpaa i̱ lu ne kwagh u a lu wang ga yô, de ye nen inyam i i ga, gundu u i tsô kpaa, de benden nen a min ga.