Levitiku 5:16 - ICIGHAN BIBILO

¹⁶ nana̱ hide a kwagh u nan nzughul sha akaa a i tsegh a la, shi nana̱ seer môm-ken-utaan sha mi, nana̱ na pristi; pristi a̱ na iwom sha ci u nan, sha nomiyôngo u nagh ku iboogh la, nahan á de nan isholibo i nan.

Levitiku 5:16 Iomraidhean Croise

Upasalmi 69:4

Mba ve kerem ihom sha ityôikaa ga yô, ve hemba ngeen a ice yam i sha ityo; mbaihomov av mba icughuv, mba i lu ve ka timin mo kera yô, ve taver; nahan m gba kimbin kwagh u m vande ngohol un ga tsô.

Ekesodu 22:1

Aluer or ii bua shin iyôngo nana sôngo, shin nana tee yô, nana̱ kimbi ibua itian sha bua u môm la, man iyôngo inyiin sha iyôngo i môm la.

Levitiku 22:14

Man aluer or nana ya icighankwagh abu yô, nana̱ seer u môm-ken-utaan sha mi, nana̱ hide a icighankwagh, nana̱ na pristi.

Levitiku 27:13

Man á lu pe nana paa ki keng yô, nana̱ seer u môm-ken-utaan sha inyaregh ki u we ki la.

Levitiku 27:15

Man aluer u nan tsegh i la, á sar nan pe paan iyou i nan yô, nana̱ seer u môm-ken-utaan sha inyaregh ki u we i la, nahan ia hingir i nan.

Levitiku 27:27

Aluer á lu zendenya u wang ga yô, nana̱ paa un sha inyaregh ki u we nan yô, man nana̱ seer u môm-ken-utaan u ishe i i we la, sha mi; aluer á paa un ga yô, i̱ tee un sha inyaregh ki u we yô.

Levitiku 27:31

Man aluer á sar or pe paan ma kwagh ken u môm-ken-upue la yô, nana̱ seer u môm-ken-utaan sha mi.

Levitiku 4:20

a̱ er a nombua la er a er a nombua u sha nagh ku isholibo la nahan, kape á er a ngun kpaa la; pristi a̱ na iwom sha ci ve, tsô á de ve asorabo a ve.

Levitiku 4:26

Ahôm a na cii, a̱ nande sha atse, er i eren a ahôm a nagh ku sôngon ku bem la nahan; pristi a̱ na iwom sha ci u nan, sha ci u isholibo i nan er la, nahan á de nan isholibo i nan.

Levitiku 5:10

A̱ gema u sha uhar la, a̱ na nagh ku nanden a mi, sha tindi; pristi a̱ na iwom sha ci u isholibo i nan er la, nahan á de nan isholibo i nan.

Levitiku 5:13

Pristi a̱ na iwom sha ci u nan, sha ci u isholibo i nan er sha ma kwagh u ken akaa ne yô, nahan á de nan isholibo i nan; kwagh u a shi la, a̱ hingir u pristi, er i eren a nagh ku sha samuyia nahan.

Levitiku 5:6

nana̱ va na TER nagh sha ci u isholibo i nan er yô, mgbianile, tuleiyôngo shin tuleivo, i̱ lu nagh ku isholibo; pristi a̱ na iwom sha ci u nan sha ci u isholibo i nan er la.

Levitiku 7:2

Ka hen ijiir i ve senge nagh ku nanden la, ve̱ sôngon nagh ku iboogh kpaa ye; awambe a ku yô, á mishi a sha ambusuatsegh á tser.

Numeri 5:7

nana̱ pase kwaghbo u nan er la; nahan nana̱ hide a kwagh u nan lu a ibo sha mi la her vough, nana̱ seer môm-ken-utaan sha mi, nana̱ na or u nan er nan kwaghbo la.

Numeri 5:8

Kpa aluer or la nana lu a orpaan u nana ngohol kwagh u á hide a mi la ga yô, nahan kwagh u á hide a mi la, una hingir kwagh u TER, ka kwagh u pristi je la, kua nomiyôngo u wamen a mi kpaa u a na iwom a mi sha ci u nan la.

Luka 19:8

Tsô Sakiu mough, tile sha, kaa a Ter er: Tere, nenge, veghernyar wam m ngu nan mbaatsanev; aluer m ngohol ma or kwagh sha icugh yô, me shi me hide nan a mi kwa nyiin.

Aerenakaa A Mbaapostoli 26:20

Kpa m ôr kwagh m hii hen mba ve lu ken Damaseku man ken Yerusalem man shi ken tar u Yudia cii zan zan kua atôatyev kpaa, m kaa mer, ve̱ zamber, ve̱ gema her Aôndo, man shi ve̱ er aeren a a kom mgemshima la.

1 Samuel 6:3

Ve kaa er: Aluer nea naan areki u Aôndo u Iserael gbenda yô, de ne nen un gbenda gbilin ga; shin a lu nan nan kpaa, na nen Un nagh ku iboogh, tsô, angev mbua bee ne, man shi né fa ityôikaa i uwegh Nagh ku kar sha a ven kera ga la.