Levitiku 5:13 - ICIGHAN BIBILO

¹³ Pristi a̱ na iwom sha ci u nan, sha ci u isholibo i nan er sha ma kwagh u ken akaa ne yô, nahan á de nan isholibo i nan; kwagh u a shi la, a̱ hingir u pristi, er i eren a nagh ku sha samuyia nahan.

Levitiku 5:13 Iomraidhean Croise

Hosea 4:8

Ka sha asorabo a ior Av ve koson ayol a ve ye, man afer a ve la, ka kwagh u doon ve mimi.

Levitiku 2:10

Nagh ku usugh ku ku shi la yô, ku̱ hingir kwagh u Aron a ônov nav; ka icighankwagh u hemban cii ken iniav mbi usuv mbi nan TER la.

Levitiku 2:3

Nagh ku sha samuyia ku ku shi la yô, ku̱ hingir kwagh u Aron a ônov nav, ka icighankwagh u hemban cii ken iniav mbi usuv mbi nan TER la.

Levitiku 4:20

a̱ er a nombua la er a er a nombua u sha nagh ku isholibo la nahan, kape á er a ngun kpaa la; pristi a̱ na iwom sha ci ve, tsô á de ve asorabo a ve.

Levitiku 4:26

Ahôm a na cii, a̱ nande sha atse, er i eren a ahôm a nagh ku sôngon ku bem la nahan; pristi a̱ na iwom sha ci u nan, sha ci u isholibo i nan er la, nahan á de nan isholibo i nan.

Levitiku 4:31

ahôm cii yô, a̱ kura a sha, er ka i kura ahôm a nagh ku sôngon ku bem la nahan; pristi a̱ na iwon sha ci u nan, nahan á de nan isholibo i nan.

Levitiku 5:10

A̱ gema u sha uhar la, a̱ na nagh ku nanden a mi, sha tindi; pristi a̱ na iwom sha ci u isholibo i nan er la, nahan á de nan isholibo i nan.

Levitiku 5:12

Nana̱ va a mi hen pristi, pristi a̱ ongo ikevwe poo, i̱ lu nagh ku umbur, a̱ nande sha atse sha iniav mbi usuv mbi TER; ka nagh ku isholibo je.

Levitiku 5:14

TER ôr kwagh a Mose, kaa er:

Levitiku 5:16

nana̱ hide a kwagh u nan nzughul sha akaa a i tsegh a la, shi nana̱ seer môm-ken-utaan sha mi, nana̱ na pristi; pristi a̱ na iwom sha ci u nan, sha nomiyôngo u nagh ku iboogh la, nahan á de nan isholibo i nan.

Levitiku 5:4

Shin aluer anti or nana gba bumun gagh sha zwa u nan sha u eren kwagh u bo shin u dedoo; nyityô kwagh i or nana kaa fefa sha mbum, man nan fa ga yô; kpa nana va kav nahan yô, nan hingir u lun a ibo iyol sha ma kwagh u ken akaa la ve.

Levitiku 5:5

Nahan zum u ibo ia kôr nan sha ma kwagh yô, nana̱ pase isholibo i nan,

Levitiku 5:6

nana̱ va na TER nagh sha ci u isholibo i nan er yô, mgbianile, tuleiyôngo shin tuleivo, i̱ lu nagh ku isholibo; pristi a̱ na iwom sha ci u nan sha ci u isholibo i nan er la.

Levitiku 7:6

Hanma nomsoor ken upristi yô, nana ya ku; i̱ yaan ku ken icighanjiir; ka icighankwagh u hemban cii je.

1 Mbakorinte 9:13

Ne kera fa er mba ve eren tom sha uicighanmbaakaav mba ken tempel la ve ye kwagh ken tempel gaa? Man shi mba ve eren tom sha atse a nanden nagh sha mi yô, mba zough a kwar sha atse gaa?

1 Samuel 2:28

Man ken ikwe i Iserael cii m tsuwa un Mer, a̱ hingir pristi Wam, a̱ unden sha atse Am a nanden nagh sha mi, a̱ nanden kwaghhumandoon, man a̱ haan efodi sha ishigh Yagh; shi M na ya u teru iniav mbi usuv mbi Mbaiserael cii.