Levitiku 5:11 - ICIGHAN BIBILO

¹¹ Kpa aluer inyaregh ki nan kia kuma mbaatii uhar, shin utulembamkunguv uhar ga yô, nana̱ va na nagh sha ci u isholibo i nan er la, sha mwem ma kengese ma ma kom môm-ken-upue u efa, sha ci u nagh ku isholibo; nana̱ de we mkurem sha mi ga, man nana̱ de we ma libano u human doon sha mi kpaa ga, gadia ka nagh ku isholibo.

Levitiku 5:11 Iomraidhean Croise

Ekesodu 16:18

Kpa zum u vea karen sha ikaren i omer yô, un u a kor kpishi la kwagh neer un ga, man un u a kor kpuaa la kpaa, kwagh yina un ga; hanma or kura sha mye u nan vough.

Ekesodu 16:36

Ikaren u omer yô, ka môm-ken-upue u efa je.

Levitiku 1:14

Aluer nagh ku nana na TER á lu ku nanden ku sha inyon yô, nana̱ na nagh sha mbaatii shin sha utulembamkunguv.

Levitiku 12:8

Man aluer inyaregh ki nan kia kuma sha gumiyôngo ga yô, nana̱ va a mbaatii uhar shin utulembamkunguv uhar, umôm sha ci u nagh ku nanden, u môm yô, sha ci u nagh ku isholibo, pristi a̱ na iwom sha ci u nan, nahan nana hingir wang.

Levitiku 14:21

Kpa aluer nan lu icanor, nana fatyô u zuan a mi nahan ga yô, nana̱ kôr gumiyôngo môm sha ci u nagh ku iboogh, sha u cian a mi, sha er á na iwom sha ci u nan yô, man shi mwem ma kengese ma ma kom ikaren umôm-ken-upue, ma i nongo mkurem sha mi, sha ci u nagh ku sha samuyia, man logi u mkure môm,

Levitiku 27:8

Man aluer nana gba ican, inyaregh ki u we la kia hemba nan yô, i̱ va a nan sha ishigh ki pristi, pristi a̱ wa nan inyaregh, pristi a̱ wa nan inyaregh er or u nan tsegh zwa la, nana fatyô yô.

Levitiku 5:12

Nana̱ va a mi hen pristi, pristi a̱ ongo ikevwe poo, i̱ lu nagh ku umbur, a̱ nande sha atse sha iniav mbi usuv mbi TER; ka nagh ku isholibo je.

Levitiku 5:6

nana̱ va na TER nagh sha ci u isholibo i nan er yô, mgbianile, tuleiyôngo shin tuleivo, i̱ lu nagh ku isholibo; pristi a̱ na iwom sha ci u nan sha ci u isholibo i nan er la.

Levitiku 5:9

a̱ pande awambe a nagh ku isholibo la, a̱ mishi sha imbusuatsegh, awambe a a shi ker la, a̱ kam a hen ityôatsegh; ka nagh ku isholibo.

Levitiku 6:20

Nagh ku Aron a ônov nav, ku vea na TER sha iyange i á shighe un mkurem la yô, ka mwem ma kengese ma ma kom môm-ken-upue u efa, sha ci u nagh ku sha samuyia ku gbem, i̱ pande ma vough vough, i̱ na pepe man aikighe.

Numeri 5:15

or la nana̱ va a kwase u nan la hen pristi, nana̱ va a nagh sha ci u nan, mwem ma shair ma ma kom môm-ken-upue u efa; nana̱ de hee mkurem sha mi ga, shin nana̱ de we libano u human doon sha mi kpaa ga, gadia ka nagh ku sha samuyia ku iyol i wan sha kwagh, ka nagh ku sha samuyia ku umbur kwagh, ku ku umbur ifer yô.

Numeri 7:13

nagh nagh yô, lu tasa u azurfa môm, myohom nam lu ushekel deri man ikundugber, man iwese i azurfa môm u sha ushekel akunduatargber, lu shekel u icighanjiir la; ve uhar cii ve iv a mwem ma kengese ma i nongo mkurem sha mi yô, sha ci u nagh ku sha samuyia;

Luka 2:24

man sha u vea za na nagh kpaa, er i kaa ken tindi u Ter er, mbaatii uhar, shin utulembamkunguv uhar yô.

2 Mbakorinte 5:21

A gema Un u A fe isholibo ga la, hingir isholibo sha ci wase sha u se se̱ hingir perapera u Aôndo ken a Na yô.

Mbaheberu 9:22

Sha tindi yô, shi kpuaa tsô akaa cii ma i wanger a sha awambe, man aluer á haa awambe ga yô mde u akaabo kpaa una lu ga.