Levitiku 4:34 - ICIGHAN BIBILO

³⁴ Pristi a̱ er awambe a nagh ku isholibo kura sha ihôwe na, a̱ feregh sha akor a atse a nagh ku nanden; a̱ gema awambe la cii, a̱ haa hen ityôatsegh;

Levitiku 4:34 Iomraidhean Croise

Yesaia 42:21

Doo TER u kenden ityesen sha, hingir kwagh u icivirigh sha ci u perapera Na.

Levitiku 4:18

A̱ er awambe la, a̱ feregh sha akor a atse a a lu sha ishigh ki TER ken tenti u kohol ker la, a̱ gema awambe la cii, a̱ haa a hen ityô i atse a nanden nagh sha mi a a lu hen hunda u tenti u kohol ker la.

Levitiku 4:25

Pristi a̱ er awambe a nagh ku isholibo la sha ihôwe na, a̱ feregh sha akor a atse a nagh ku nanden, a̱ gema awambe a na a̱ haa hen ityô i atse a nanden nagh sha mi la.

Levitiku 4:30

Pristi a̱ er awambe sha ihôwe, a̱ feregh sha akor a atse a nagh ku nanden, a̱ gema awambe la cii, a̱ haa hen ityôatsegh;

Levitiku 4:7

Pristi la a̱ er awambe la, a̱ feregh sha akor a atse a nanden kwaghhumandoon sha mi, a a lu sha ishigh ki TER, ken tenti u kohol ker la; awambe a nombua la cii, a̱ gema a̱ haa hen ityô i atse a nanden nagh, a a lu hen hunda u tenti u kohol ker la.

YOHANE 17:19

Man ka sha ci ve je M lu tseghan iyol Yam ye, sha er ve kpaa i̱ tsegha ve ken mimi yô.

Mbaromanu 10:4

Kristu ka mkur u tindi sha u hanma or u nan ne jighjigh la yô, á na nan ishô.

Mbaromanu 8:1

Nahan hegen yô, ma ijirôron i nan mba ve lu ken Kristu Yesu la ibo kera ngi ga.

Mbaromanu 8:3

Gadia Aôndo er kwagh u atindi a fatyô u eren ga la, sha ci u lu isheer sha ci u iyol yô; A tindi Wan Na iyol Na ken mlu u iyol i isholibo man lu sha kwagh u isholibo kpaa, A ôr isholibo ijir ken iyol A na i ibo;

2 Mbakorinte 5:21

A gema Un u A fe isholibo ga la, hingir isholibo sha ci wase sha u se se̱ hingir perapera u Aôndo ken a Na yô.

Mbaheberu 10:29

Ne mba nengen nana? Or u nan ndyar Wan u Aôndo shin angahar a nan shi nan nenge er awambe a ikuryan a i tsegh nan sha mi la ka kwagh u hôngorough man shi nan laha Jijingi u mhôôn la yô, mtsaha u nan una kpen vihin nan sha wonoo?

Mbaheberu 2:10

Gadia Un u akaa cii a dugh her a Na yô, er A lu van a ônov mba nomso kpishi ken iengem yô, doo u Una sôr Orhemen u myom ve, A̱ hingir vough, sha atsan a yan.

1 Peteru 2:24

Ka Un jim kpaa A tôô asorabo ase ken iyol Na je sha terankon sha er ma se kpe kera sha kwagh u isholibo, kpa se̱ gema se̱ lu uma sha ci u perapera. Ka sha agbir a Na man se zough a mkpeyol ye.

1 Peteru 3:18

Gadia Kristu kpaa kpe sha ci u asorabo kwa môm, Un Orperapera sha ci u mbaaferev sha u Una va a vese hen Aôndo yô. Iyol Na yô, i wua i kpa i shi i na Un uma sha Jijingi.