Levitiku 4:3 - ICIGHAN BIBILO

³ aluer pristi u i shigh un mkurem la, una er isholibo una haa ior ibo iyol yô, a̱ na TER nagh ku isholibo sha gumbua u a lu a ihogholough iyol ga yô, sha ci u isholibo na i a er la;

Levitiku 4:3 Iomraidhean Croise

2 Kroniku 29:21

Ve va a nagh ku isholibo sha anomabua ataankarahar, man anomaiyôngo ataankarahar, man agumaiyôngo ataankarahar, kua ukpev utaankaruhar kpaa, sha ci u tor man icighanjiir kua Yuda kpaa. Shi a kaa upristi ônov mba Aron er, ve̱ na ku sha atse a TER a nanden nagh sha mi la.

Esera 8:35

Ônov mba mbakwarev mba ve due ken uikangen la, ve na Aôndo u Iserael iniav mbi nanden: anomabua pue kar ahar sha ci u Iserael cii, anomaiyôngo akunduanyiingber kar ataratar, agumaiyôngo akunduatargber kar ataankarahar, ukpev pue kar uhar sha ci u nagh ku isholibo; angan cii lu nagh ku nanden sha ci u TER.

Ekesodu 29:14

Kpa inyam i nombua la a ikôvough nagh man icômbov nav yô, nande sha usu ken akôngoafogh; ka nagh ku isholibo je la.

Ekesodu 29:21

Er awambe a sha atse la, kua mkurem ma shighen kpaa, mishi Aron iyol kua sha akondo a na, man ônov nav, kua sha akondo a ônov nav kpaa; nahan á tsegha un kua akondo a na man ônov nav kua akondo a ônov nav kpaa.

Ekesodu 29:7

Gema tôô mkurem ma shighen, haa un sha ityou, shighe un.

Ekesodu 30:10

Aron a̱ na iwom sha akor a a, hanma inyom kwa môm, sha awambe a iwom i nagh ku isholibo la; a̱ na iwom sha ci u a, hanma inyom kwa môm sha ikov ikov cii; ka TER icighankwagh u hemban cii.

Esekiel 40:39

Hen puadwer u hunda, utebul lu uhar ken vegher ne, man utebul uhar ken vegher ngula kpaa, sha u sôngon nagh ku nanden man nagh ku isholibo man nagh ku iboogh sha mi.

Esekiel 43:19

Na Mbalevi mba ve lu upristi mba ken tsombor u Sadoki, mba ve kporom her a Mo, sha u eren Mo tom la, na ve gumbua sha ci u nagh ku isholibo, kape Ter AÔNDO A kaa ne.

Esekiel 44:27

Sha iyange i nana nyôr ken icighanjiir, ken tembe u ken atô la, nana̱ na nagh ku isholibo ku nan, kape Ter AÔNDO A kaa ne.

Levitiku 1:10

Man aluer nagh ku nan, ku nanden á lu sha iyôngo shin ivo yô, nana̱ na nom u a lu ihogholough iyol ga yô.

Levitiku 1:3

Aluer nagh ku nan, á lu ku nanden ku sha abua yô, nana̱ na nom u a lu a ihogholough iyol ga yô, nana̱ za na hen hunda u tenti u kohol ker la, sha er TER Una rumun nan yô.

Levitiku 16:11

Nahan Aron a̱ va a nombua u nagh ku isholibo ku ku lu sha ci na la, a̱ na iwom sha ci na iyol na kua ya na, a̱ sôngo nombua u nagh ku isholibo ku ku lu sha ci na iyol na la;

Levitiku 16:3

Akaa a Aron una nyôr a mi ken icighanjiir yô, ka: Gumbua sha ci u nagh ku isholibo man nomiyôngo sha ci u nagh ku nanden.

Levitiku 16:5

A̱ ngohol ukpev uhar hen ior i Mbaiserael sha ci u nagh ku isholibo, man nomiyôngo môm sha ci u nagh ku nanden.

Levitiku 16:6

Man Aron a̱ va a nombua u nagh ku isholibo ku ku lu sha ci na la, a̱ na iwom sha ci na iyol na kua ya na kpaa.

Levitiku 4:14

zum u isholibo i ve er la ia due ken igbar yô, shighe la mkohol a̱ na nagh ku isholibo sha gumbua, ve̱ va a mi sha hunda u tenti u kohol ker la,

Levitiku 4:23

aluer nana̱ va kav isholibo i nan la yô, nana̱ va na nagh sha kpev u a lu a ihogholough iyol ga yô,

Levitiku 4:28

aluer nana va kav isholibo i nan er la yô, nana̱ va a nagh sha tuleivo u a lu a ihogholough iyol ga yô, sha ci u isholibo i nan er la.

Levitiku 4:5

Pristi u i shigh un mkurem la a̱ pande awambe a nombua la, a̱ va a mi hen tenti u kohol ker la;

Levitiku 5:6

nana̱ va na TER nagh sha ci u isholibo i nan er yô, mgbianile, tuleiyôngo shin tuleivo, i̱ lu nagh ku isholibo; pristi a̱ na iwom sha ci u nan sha ci u isholibo i nan er la.

Levitiku 6:18

Hanma wan u Aron u nomso nana ya ku, ka tindi u gbem sha ikov ikov sha iniav mbi usuv mbi TER; hanma or u nana bende a mbi yô, nana hingir icighanor.

Levitiku 8:12

A haa Aron mkurem ma shighen sha ityou, a shighe un, sha u tseghan un.

Levitiku 9:2

a kaa a Aron er: Kôr gumbua sha ci u nagh ku isholibo man nomiyôngo sha ci u nagh ku nanden, ve̱ de luun a ihogholough iyol ga, va a mi sha ishigh ki TER.

Levitiku 9:3

Yô, ôr kwagh a Mbaiserael kaa a ve wer: Kôr nen kpev sha ci u nagh ku isholibo man gumbua man gumiyôngo, mba ve kom inyom i môm, mba ve lu a ihogholough iyol ga yô, sha ci u nagh ku nanden;

Numeri 16:22

Kpa ve gure ve kuma ishiv inya, ve kaa er: Ahii! Aôndo u ujijingi mba uumace cii, or môm nan er kwaghbo, tsô Ú gema Ú yuwe ior cii?

Numeri 8:8

Ve̱ va a gumbua a nagh ku sha samuyia ku i magh sha mi la, ka mwem ma kengese ma i nongo mkurem sha min yô; shi kôr nombua ugen kpaa sha ci u nagh ku isholibo.

Mbaromanu 8:3

Gadia Aôndo er kwagh u atindi a fatyô u eren ga la, sha ci u lu isheer sha ci u iyol yô; A tindi Wan Na iyol Na ken mlu u iyol i isholibo man lu sha kwagh u isholibo kpaa, A ôr isholibo ijir ken iyol A na i ibo;

2 Mbakorinte 5:21

A gema Un u A fe isholibo ga la, hingir isholibo sha ci wase sha u se se̱ hingir perapera u Aôndo ken a Na yô.

Mbaheberu 5:3

Sha ci u kwagh ne yô, lu u una naan nagh sha ci u asorabo sha ci na iyol na keng, di er a naan sha ci u nongoior la nahan.

Mbaheberu 9:12

lu sha awambe a ivo man anibuav kpaa ga, kpa lu sha awambe Na iyol Na. A nyôr ken icighanjiir kwa môm vough, A zua a mpaa u tsôron.