Levitiku 4:26 - ICIGHAN BIBILO

²⁶ Ahôm a na cii, a̱ nande sha atse, er i eren a ahôm a nagh ku sôngon ku bem la nahan; pristi a̱ na iwom sha ci u nan, sha ci u isholibo i nan er la, nahan á de nan isholibo i nan.

Levitiku 4:26 Iomraidhean Croise

2 Kroniku 29:24

tsô upristi sôngo ve, ve na nagh ku isholibo sha awambe a ve sha atse, sha u wamen sha ci u Iserael cii; gadia tor kaa er, i̱ na nagh ku nanden man nagh ku isholibo sha ci u Iserael cii.

Esekiel 43:22

Iyange i sha uhar la, va a kpev u a lu a ihogholough iyol ga yô, sha ci u nagh ku isholibo, wanger atse, er i vande wanger a sha gumbua la nahan.

Levitiku 1:4

Nana̱ penda uwegh sha ityough ki nagh ku nanden kura; nahan á rumun ku sha ci u nan er ku̱ hingir iwom sha ci u nan yô.

Levitiku 12:8

Man aluer inyaregh ki nan kia kuma sha gumiyôngo ga yô, nana̱ va a mbaatii uhar shin utulembamkunguv uhar, umôm sha ci u nagh ku nanden, u môm yô, sha ci u nagh ku isholibo, pristi a̱ na iwom sha ci u nan, nahan nana hingir wang.

Levitiku 14:18

man mkurem ma ma shi pristi sha ihôwe la, a̱ gema ma, a̱ shighe sha ityough ki or u i lu wanger nan la; pristi a̱ na iwom sha ci u nan sha ishigh ki TER.

Levitiku 15:15

pristi a̱ gema u môm, a̱ na nagh ku isholibo mi, ugen la, a̱ gema a̱ na nagh ku nanden mi; pristi a̱ na iwom sha ci u nan, sha ishigh ki TER, sha ci u kwagh u a dugh nan ken iyol la.

Levitiku 17:11

Gadia uma u inyam yô, ka ken awambe a lu ye, Mo M na ne a sha atse a nanden nagh sha mi, sha u nan iwom a mi sha ci u uuma enev; gadia awambe nga ne iwom sha uma u a la.

Levitiku 19:22

Pristi a̱ na iwom sha ci u nan sha nomiyôngo u nagh ku iboogh la, sha ishigh ki TER, sha ci u isholibo i nan er yô; tsô á de nan isholibo i nan er la.

Levitiku 3:5

Ônov mba Aron ve̱ gema cii, ve̱ nande sha atse, sha nagh ku nanden ku ku lu sha ikon i sha usu la; ka nagh ku usugh ku human doon ku nan TER.

Levitiku 4:19

Ahôm a na la cii, a̱ kura a, a̱ nande a sha atse,

Levitiku 4:20

a̱ er a nombua la er a er a nombua u sha nagh ku isholibo la nahan, kape á er a ngun kpaa la; pristi a̱ na iwom sha ci ve, tsô á de ve asorabo a ve.

Levitiku 4:31

ahôm cii yô, a̱ kura a sha, er ka i kura ahôm a nagh ku sôngon ku bem la nahan; pristi a̱ na iwon sha ci u nan, nahan á de nan isholibo i nan.

Levitiku 4:35

ahôm cii yô, a̱ kura a sha, er ka i kura ahôm a gumiyôngo u nagh ku sôngon ku bem la nahan; pristi a̱ nande a sha atse, sha iniav mbi usugh mbi TER; pristi a̱ na iwom sha ci u nan, sha ci u isholibo i nan er la, nahan á de nan isholibo i nan.

Levitiku 5:10

A̱ gema u sha uhar la, a̱ na nagh ku nanden a mi, sha tindi; pristi a̱ na iwom sha ci u isholibo i nan er la, nahan á de nan isholibo i nan.

Levitiku 5:13

Pristi a̱ na iwom sha ci u nan, sha ci u isholibo i nan er sha ma kwagh u ken akaa ne yô, nahan á de nan isholibo i nan; kwagh u a shi la, a̱ hingir u pristi, er i eren a nagh ku sha samuyia nahan.

Levitiku 5:16

nana̱ hide a kwagh u nan nzughul sha akaa a i tsegh a la, shi nana̱ seer môm-ken-utaan sha mi, nana̱ na pristi; pristi a̱ na iwom sha ci u nan, sha nomiyôngo u nagh ku iboogh la, nahan á de nan isholibo i nan.

Levitiku 5:18

nana̱ va na pristi nomiyôngo, shin kpev u a lu a ihogholough iyol ga yô, sha ishe i u we yô, sha ci u nagh ku iboogh; pristi a̱ na iwom sha ci u nan, sha kwagh u nan er abu nan fe ga la, nahan á de nan isholibo i nan.

Levitiku 6:7

pristi a̱ na iwom sha ci u nan sha ishigh ki TER, nahan á de nan kwaghbo u nan, sha hanma kwagh u nan er man nan hingir oriboogh sha mi la.

Numeri 15:25

Pristi a̱ na iwom sha ci u ior i Mbaiserael cii, tsô á de ve kwaghbo ve; gadia ve er abu tsô, man ve̱ va a nagh vegh, ka nagh ku usugh ku nan TER kua nagh ku isholibo, sha ishigh ki TER, sha ci u kwagh u ve er abu la;

Numeri 15:28

Pristi a̱ na iwom sha ci u or u nan kar kpe nan er isholibo abu sha ishigh ki TER la, a̱ na iwom sha ci u nan, tsô á de nan isholibo i nan.