Levitiku 4:21 - ICIGHAN BIBILO

²¹ Nahan a̱ tôô nombua la, a̱ due a mi ken akôngoafogh, a̱ za nande un er nombua u hiihii la nahan; ka nagh ku isholibo ku mkohol u ior je la.

Levitiku 4:21 Iomraidhean Croise

Esera 8:35

Ônov mba mbakwarev mba ve due ken uikangen la, ve na Aôndo u Iserael iniav mbi nanden: anomabua pue kar ahar sha ci u Iserael cii, anomaiyôngo akunduanyiingber kar ataratar, agumaiyôngo akunduatargber kar ataankarahar, ukpev pue kar uhar sha ci u nagh ku isholibo; angan cii lu nagh ku nanden sha ci u TER.

Ekesodu 29:14

Kpa inyam i nombua la a ikôvough nagh man icômbov nav yô, nande sha usu ken akôngoafogh; ka nagh ku isholibo je la.

Esekiel 45:22

Sha iyange la tor una na nombua sha ci u nagh ku isholibo sha ci na iyol na man sha ci u ior mba ken tar la cii.

Levitiku 16:15

Tsô a̱ sôngo kpev u nagh ku isholibo u a lu sha ci u ior la, a̱ nyôr a awambe na ken atô u ikondo i yisan la, a̱ er a awambe na er a er a awambe a nombua la nahan, a̱ mishi sha ijiir i nan iwom her la, kua sha ishigh ki ijiir i nan iwom her la kpaa;

Levitiku 16:21

Yô, Aron a̱ penda ave na ahar cii sha ityough ki kpev u uma la, a̱ pase afer a Mbaiserael cii sha mi, akaabo a ve, asorabo a ve la cii; a̱ haa sha kpev la; tsô a̱ na un sha ikev i or u i vande veren nan yô, nana̱ yem a mi ken desereti;

Levitiku 16:27

Nombua u nagh ku isholibo man kpev u nagh ku isholibo, u i nyer a awambe a ve sha u nan iwom a mi ken icighanjiir la yô, i̱ tôô i̱ due a mi ken akôngoafogh, i̱ za nande akôv a ve man inyam ve kua icômbov ve sha usu.

Levitiku 4:13

Aluer mkohol u ior i Iserael cii vea kar kpe, man mkohol una fa nahan ga, vea er ma kwagh u TER A yange er i̱ de eren ga, vea tôô ibo yô,

Levitiku 4:20

a̱ er a nombua la er a er a nombua u sha nagh ku isholibo la nahan, kape á er a ngun kpaa la; pristi a̱ na iwom sha ci ve, tsô á de ve asorabo a ve.

Levitiku 6:11

Nahan a̱ er akondo na la kera, a̱ haa akondo agenegh, a̱ kura mtwem mara, a̱ due a mi ken akôngoafogh hen ijiir i wang.

Levitiku 6:23

Hanma nagh ku sha samuyia ku pristi yô, i̱ nande ku jimin cii, i̱ de ye ku ga.

Levitiku 8:17

Kpa nombua a ikôvough nagh man inyam na kua icômbov yô, a nande sha usu ken akôngoafogh, er TER kaa Mose nahan.

Numeri 15:24

yô, aluer ior cii er kwagh la man ve fa ga yô, nahan ior cii ve̱ zua, ve̱ va a gumbua sha ci u nagh ku nanden ku human doon TER kua nagh ku sha samuyia man nagh ku man ku i magh sha mi, sha tindi la, man kpev môm sha ci u nagh ku isholibo.

Mateu 20:28

er Wan u or kpaa A ve, i lu sha u i̱ er Un tom ga, kpa sha u Un Una er mbagenev tom man Una na uma Na á hingir ipaan sha ci u ior kpishi yô.

2 Mbakorinte 5:21

A gema Un u A fe isholibo ga la, hingir isholibo sha ci wase sha u se se̱ hingir perapera u Aôndo ken a Na yô.

Mbaheberu 13:11

Gadia ilev mbi zegepristi a lu nyôron a awambe a mbi ken icighanjiir sha u nan nagh sha ci u asorabo yô, agundu a mbi yô, i nanden a kera ken akôngo a afoogh.