Levitiku 3:3 - ICIGHAN BIBILO

³ Nana̱ pande nagh ku bem, nana̱ gema á na TER nagh ku usugh a mi; i̱ lu ahôm a a cir ikav mbi kimi, man ahôm a a lu sha ikav mbi kimi cii,

Levitiku 3:3 Iomraidhean Croise

Upasalmi 119:70

Ishima ve ngi juhuluu, er ahôm yô, kpa mo yô, m ember sha atindiakaa a Ou.

Ekesodu 29:13

Tôô ahôm a a cir ikav mbi kimi la cii, kua ishwalegh ki mtema man ahi ahar kua ahôm a sha mi la, nande sha atse.

Ekesodu 29:22

Shi tôô ahôm a anomaiyôngo la man tsa u ahômough man ahôm a a cir sha ikav mbi kimi man ishwalegh ki mtema man shi ahi ahar man ahôm a sha a, kua namegh ku yanegh (gadia ka nomiyôngo u tseghan or min je),

Anzaakaa 23:26

Wan wam, nam ishima you, i̱ saan ashe ou iyol sha igbenda yam.

Yesaia 6:10

Er, ishima i ior ne i̱ wa ahôm, man ato ve a̱ yuhwa, cir ve ashe, sha er ve̱ de nengen sha ashe ve ga, ve̱ de ongo sha ato ve kpaa ga, shi ve̱ de kaven ken ishima, ve̱ gema man i̱ bee ve angev kpaa ga.

Esekiel 36:26

Me na ne ishima i he man Me wa jijingi u he ker a ven; Me dugh iwenshima ken iyol yen kera, man Me na ne ishima i inyam.

Esekiel 44:15

Kpa Mbalevi mba ve lu upristi, ônov mba Sadoki, mba ve lu eren tom ken icighanjiir Wam, zum u Mbaiserael ve kaha ve undum la, ka ve vea kporom her a Mo sha u eren Mo tom man vea tile sha ishigh Yagh sha u nan Mo nagh sha ahôm man awambe, kape Ter AÔNDO A kaa ne;

Levitiku 1:12

Nana̱ bur i aci aci, ityough ki i man ahôm a i; pristi a̱ tar a sha inja sha inja sha ikon i i lu sha usu u sha atse la;

Levitiku 1:8

Upristi, ônov mba Aron mbala ve̱ tar aci a inyam la kua ityough man ahôm sha inja sha inja, sha ikon i i lu sha usu u sha atse la;

Levitiku 16:25

Ahôm a nagh ku isholibo la yô, a̱ nande sha atse a nan nagh sha mi.

Levitiku 3:16

Pristi a̱ gema cii, a̱ nande a sha atse; ka kwaghyan u nagh ku usugh ku human doon je la; ahôm cii ka a TER.

Levitiku 3:2

Nana̱ penda uwegh sha nagh ku nan kura, nana̱ sôngo ku hen hunda u tenti u kohol ker la, upristi, ônov mba Aron, ve̱ haa awambe sha ambusuatsegh ve̱ ningir ve̱ tser.

Levitiku 3:4

man ahi ahar man ahôm a a lu sha a, vegher u shin iwenge la, man ishwalegh ki mtema, nana̱ dugh ki a ahi imôngo.

Levitiku 4:10

er ka i kura a sha, sha nombua u nagh ku bem la nahan; pristi a̱ gema cii, a̱ nande sha atse a nagh ku nanden.

Levitiku 7:30

ka ave a nan iyol i nan je a̱ va a iniav mbi TER mbi usuv ye, nana̱ va a ahôm man gugu; gugu yô, ka sha u cian a cia a mi, a̱ hingir nagh ku cian sha ishigh ki TER.

Levitiku 7:5

Pristi a̱ nande sha atse, i̱ lu nagh ku usugh ku nan TER; ka nagh ku iboogh je.

Levitiku 9:10

kpa ahôm a nagh ku isholibo man ahi a ku, kua ishwalegh ki mtema la, a gema a nande sha atse, er TER kaa Mose nahan.

Mateu 13:16

Kpa ne yô, saan ashe a en iyol, gadia nga nengen, ato a en kpaa saan a iyol gadia nga ungwan.

Mateu 15:8

Nongoior ne ngu civir Mo sha ityumbujôôgh ve tseegh, kpa ishima ve yô, ngi ica a Mo je.

Mbaromanu 5:5

Man ishimaverenkeghen yô, i ve ahenge ga, gadia i haa dooshima u Aôndo ken asema ase sha Icighan Jijingi u i ne se la.

Mbaromanu 6:6

Kwagh ne se fa un, i mande tseor wase a Na imôngo sha terankon sha u i̱ kar a iyol i isholibo kera, se se̱ de kera luun ikpan sha ikev i isholibo ga.

Duteronomi 30:6

TER, Aôndo wou, Una tsôngo ishima you, man ishima i tsombor wou, sha er TER, Aôndo wou, A̱ doo u ishima a ishima you cii man a uma wou cii, sha er u̱ lu uma yô.

1 Samuel 2:15

Een, er ve lu a nande ahôm ga je kpaa, wanye u pristi la a va a va kaa a or u nan nagh la er: Na inyam i á mgbagh sha ci u pristi yô; gadia una ngohol i jiidi her a we ga, saa i kô.