Levitiku 27:11 - ICIGHAN BIBILO

¹¹ Man aluer ka ma ilegh ki ki lu wang ga, inja i i ne TER nagh a mi ga la yô, nana̱ va ver ilegh kila sha ishigh ki pristi.

Levitiku 27:11 Iomraidhean Croise

Levitiku 27:10

Nana̱ de veren kwagh ugen sha ityough ki kila ga, shi nana̱ de musan ki, va nan ki dedoo sha ityough ki ki doo ga kila, shin nan ki doon ga, sha ityough ki ki dedoo kila kpaa ga; aluer nahan kpaa nana̱ tôô ilegh kila nana̱ musan kigen a mi yô, kila kua ki i musan ki ami la, mbi cii mbia hingir icighankwagh.

Levitiku 27:12

Nahan pristi a̱ wa ki inyaregh sha mlu u ki, kia lu ki dedoo shin kia lu ki doon ga kpaa, er we pristi u we ki inyaregh la, ka pe a lu je la.

Malaki 1:14

Ifan i̱ kôr orcugh, u ka nan lu a nomile ken ikumuile i nan la, man nan tôndo zwa je, kpa nan gema nan na TER nagh sha kwagh u lun a ihogholough iyol; gadia Mo M ngu Zegetor, kape TER u akum a Sha A kaa ne, iti Yam kpaa cier iyol ken akuraior.

Duteronomi 23:18

De ve a injar i idyakwase, shin injar i iwa, hen ya u TER, Aôndo wou, sha ci u hanma iceghzwa ga, gadia ve uhar cii ka TER, Aôndo wou, kwagh u ihôngorough je.