Levitiku 26:9 - ICIGHAN BIBILO

⁹ Me waan ne iko, Me ngee ne ônov, Me seer a seer ne iyenge, Me taver ikuryan Yam a ven.

Levitiku 26:9 Iomraidhean Croise

Genese 1:28

Aôndo ver ve doo doo; Aôndo kaa a ve er: Mar nen kpishi, seer nen ngeen, iv nen tar, gema nen u, u̱ lu sha ikev yen; ishu i shin zegemnger man inyom i purugh sha kwavaôndo man hanma kwagh u uma u a zenden sha tar cii, ve̱ lu sha ikev yen.

Genese 17:20

Man sha kwagh u Ishemael kpaa, M ungwa msen wou; nenge, Me ver un doo doo, Me na, una mar kpishi, Me seer un iyenge, una mar utyombaiorov pue kar uhar; Me gema un una hingir zegeikurior.

Genese 22:17

Me ver u doo doo, Me seer tsombor wou iyenge er asan a Sha man er waarawa u shin kpezegemnger nahan; tsombor wou ua ngohol hundagar u mbaihomov mba u, ua hingir u ve;

Genese 26:4

Me seer tsombor wou iyenge er asan a Sha nahan, Me na tsombor wou ityar ne cii; akuraior a sha won cii, aa zua a iveren ken tsombor wou;

Genese 28:14

Tsombor wou ua hingir er vuulevu u hen inya yô, ú samber je ú za ar ityôtar man ityoughkitaregh man imbusutarimese man imbusutariyan; ka ken a we kua ken tsombor wou je man akuraior a sha won cii aa zua a iveren ye.

Genese 28:3

Aôndo Uhembanagee, A̱ ver u doo doo, A̱ ngee u ônov, A̱ seer we iyenge u hingir ikpila i akuraior yô,

Genese 48:4

kaa a mo er: Me ngee u ônov, Me seer u a seer, Me gema u, ú hingir ikpila i akuraior, man Me gema tar ne Me na tsombor wou ken ijime you, á hingir kwagh u u gbem sha won.

Genese 6:18

Kpa, Me ya ikur a we; ú nyôr ken tso la, we a ônov ou, man kwase wou man kasev mba ônov ou a we imôngo.

1 Utor 3:8

Wanakiriki Wou ngu hen atô u ior ou mba U tsough, ikpelaior mba i fetyô u ôron ve ga, shin u fan iyenge ve kpaa ga, sha ci u mngee ve.

2 Utor 13:23

Kpa TER er a ve dedoo, zungwe ve mhôônom, A umbur ve sha ci u ikuryan Na i A ya a Aberaham man Isaka kua Yakob la, nahan A rumun u timin ve ga, man shi lu a ta ve kera sha ishigh Nagh ga, zan zan hegen.

Nehemia 2:20

Tsô m gema m kaa a ve mer: Ka Aôndo u Sha Una na se ikôr-laghen ye, nahan se mbayev Nav sé mough, sé maa; kpa ne yô, ne mba a ma ci shin ian shin kwagh u umbur ken Yerusalem kpaa ga.

Nehemia 9:23

U seer ve ônov ngee er asan a Sha nahan, U nyôr a ve ken tar u U kaa a uter vev Wer, vea nyôr vea ya u la.

Upasalmi 107:38

A ver ve doo doo kpaa, zan zan ve seer ngeen a ngee; A rumun er ilev vev mbi̱ pande a pande ga.

Upasalmi 89:3

M ya ikur a u M tsough un la, M bum a wanakiriki Wam, Davidi Mer:

Ekesodu 1:7

Kpa Mbaiserael mar ngee, ve lu seer a seer yemen hemen hemen, ve taver kpishi; ve iv ken tar la.

Ekesodu 2:25

Aôndo ver ishima sha Mbaiserael, Aôndo wa ve iko kpaa.

Ekesodu 6:4

Shi M ya ikur a ve Mer, Me na ve tar u Kanaan, tar u shir ve, u ve lu shir ker la.

Yesaia 55:3

Ver nen ato, va nen her a Mo; ungwa nen, uma wen u ken ishima a̱ lu uma; Me ya ikur i tsôron a ven, ka mhôônom ma zungwen ma i zungu Davidi ma bunden mayange ga la.

Yeremia 23:3

Mo Me kohol asande a ikumuile Yam a a shi her la, ken ityar i M zende i i yem ker la cii, Me shi Me hire a i hen ajiir a i; ia ngee kpishi, ia seer a seer.

Yeremia 23:4

Me shi Me ver mbakuranilev sha i, mba vea sôôso i yô; ia kera cia kwagh ga, shin kwagh á cier i iyol kpaa ga, hanmôgh kia kera ban ken i ga, kape TER A kaa ne.

Yeremia 33:3

Vaa, yilam, M̱ vengese, M̱ pase u akaa a vesen, a a gande u timen, a u fe a ga yô.

Esekiel 16:62

Me taver ikuryan a we, nahan ú fa er Mo M lu TER yô,

Esekiel 36:9

Gadia nenge, M ta ken a ven, Me va her a ven kpaa, man á vughul ne, á lôô ne;

Levitiku 26:15

Man aluer nea venda akaawan Am, man akaaôron Am a jirigh aa ndôhôr ne ishima, nea kera eren sha atindi Am ga, shi nea vihi ikuryan Yam kpaa yô;

Luka 1:72

Lu sha u zungwen uter asev mhôônom, man shi u umbur icighanikuryan Na kpaa;

Duteronomi 28:11

TER Una na u akaadoon wuee, sha tsombor wou man sha ônov mba uzendenya ou, man sha iyiav mbi ken sule wou ken tar u TER bum a uter ou er Una na u u la.

Duteronomi 28:4

Iveren ia lu sha tsombor wou man iyiagh ki hen inya you, man ônov mba uzendenya ou, man ibua you i maren kua iyôngo you i maren kpaa.

Duteronomi 7:13

ú doo Un ishima, Una ver u doo doo, Una seer we iyenge, man shi Una ver tse wou doo doo kua iyiagh ki hen tar wou, alakema wou man wain wou, man mkurem ou, mmar u abua a ou, man ônov mba iyôngov ou, ken tar u A bum a uter ou, er Una na u la.

Mbaheberu 8:9

kpa ia kera lu sha inja i ikuryan i M ya a uter vev sha iyange i M kôr ve uwegh u duen a ve ken tar u Igipiti la ga. Gadia ve kera lu ken ikuryan Yam la vough ga nahan Mo kpaa, M kera wa ve iko ga, kape Ter kaa la.