Levitiku 26:44 - ICIGHAN BIBILO

⁴⁴ Nahan kpaa er vea lu ken tar u mbaihomov vev la kpaa, Me ta ve kera ga, vea ndôhôr Mo ishima je er Me tim ve kera ca ca Me bunde ikuryan Yam a ve ga; gadia ka Mo TER M lu Aôndo ve ye.

Levitiku 26:44 Iomraidhean Croise

Genese 17:7

Me taver ikyuryan Yam hen atô Wam a we kua tsombor wou u ken ijime you zan zan sha ikov ikov cii, i̱ lu ikuryan i tsôron; Me lu Aôndo wou kua u tsombor wou ken ijime you.

2 Utor 13:23

Kpa TER er a ve dedoo, zungwe ve mhôônom, A umbur ve sha ci u ikuryan Na i A ya a Aberaham man Isaka kua Yakob la, nahan A rumun u timin ve ga, man shi lu a ta ve kera sha ishigh Nagh ga, zan zan hegen.

Nehemia 9:17

ve venda u ungwa kwagh, ve umbur akaa a kpilighyol a Ou a U er hen ve la ga, kpa ve nômbo ikôr; sha mhendan ve la je, ve ver orhemen ugen sha u vea hide vea za lu ikpan her. Kpa U ngu Aôndo u den asorabo, U mgbough a mrumun u sha mhôôn man mhôônom ma zungwen man ishima i wan kua erdoo wuee, U gbihi ve kera ga.

Nehemia 9:31

Nahan kpaa sha mhôônom Ou ma zungwen yum la, U tim ve ci ca ga, man shi U undu ve kera ga; gadia U ngu Aôndo u mgboughon a mrumun u sha mhôôn man mhôônom ma zungwen.

Upasalmi 103:13

er mhôônom ka ma kôr ter a ônov nahan, kape TER kpaa mhôônom ma ker Un a mba ve cie Un la.

Upasalmi 89:33

kpa Me kar a erdoo Wam her a na kera ga, jighjigh Wam kpaa Me vihi un kera ga.

Upasalmi 94:14

Gadia TER Una ta ior Nav kera ga, man Una undu dyako Na kpaa ga.

Yeremia 14:21

De te se kera ga, sha ci u iti You; man shi de heen ikônough ki torough You ki icivirigh ga; shi umbur, de saghen ikuryan You a vese ga.

Yeremia 24:5

TER, Aôndo u Iserael, ngu kaan nahan er: Er atam a tur a dedoo a lu nahan, kape Me wa Mbayuda mba i yem a ve uikangen la iko, mba M tindi ve, ve mough hen ijiir ne, ve yem ken tar u Mbakaldi la, sha u eren a ve dedoo.

Yeremia 30:11

Gadia M ngu a we je, kape TER A kaa ne, sha u yiman we; gadia Me tim akuraior cii, a M sambe u ken a la; kpa we yô, Me tim u cii ga, kpa me tsaha u akuma akuma, Me gba den we nahan tsô ga.

Yeremia 31:20

Eferaim ka wan u ishima ishima udoon mo ishima kpen kpen gaa? Gadia hanma shighe u ka Mea teren un sha ishimavihin yô, M gba umbur un di sha gbashima je, nahan yô, a sar ishima Yam tsung, mimi je, Me zungwe un mhôônom, kape TER A kaa ne.

Yeremia 33:26

nahan vor u Yakob man u Davidi wanakiriki wam la kpaa Me gbihi u kera, je Me kera tôô or ken vor na u nana̱ tema tor sha vor u Aberaham man Isaka kua Yakob ga; gadia Me gema mlu ve la, Me zungwe ve mhôônom.

Esekiel 16:60

Nahan kpaa, Me umbur ikuryan Yam a we sha ayange a iyev ou la, man shi Me ya ikur i tsôron a we.

Levitiku 26:11

Me ver tabernakel Wam hen atô wen, ishima kpaa, ia ndôhôr Mo a ven ga.

Mbaromanu 11:2

Aôndo gbihi nongoior Na mba A vande fan ve la kera ga. Shin ne kera fa kwagh u icighanruamabera kaa sha kwagh u Elia zum u A ôr Aôndo kwagh u Iserael la, ga ase?

Mbaromanu 11:26

Kape Iserael cii vea war la. Kape i nger kpaa la er: Ka ken Shion man Oryiman Una due ye, Una kar a mvende u i lu vendan Aôndo la ken Yakob kera.

Mbaajiriv 2:1

Tsô Ortyom u TER mough hen Gilgal, kôndo za hen Bokim. A kaa er: Ka Mo M er, ne dugh ken tar u Igipiti, M ve a ven ken tar u M bum a uter enev ne ye, man M kaa Mer: Me bunde ikuryan Yam a ven mayange ga;