Levitiku 26:42 - ICIGHAN BIBILO

⁴² zum la Me umbur ikuryan Yam a Yakob; ikuryan Yam a Isaka man ikuryan Yam a Aberaham kpaa, Me umbur i; tar la kpaa Me umbur u.

Levitiku 26:42 Iomraidhean Croise

Genese 15:18

Ka sha iyange la man Aôndo ya ikur a Aberam ye. Ka tsombor wou je, Me na u tar ne ye, hii hen ifi u Igipiti zan zan za ar hen zegeifi, ka ifi u Uferati je la:

Genese 26:2

TER ande her a na, kaa er: De senen yemen shin Igipiti ga, kpa tema hen tar u Me kaa u yô.

Genese 26:24

Hen tugh mbula je, TER ande her a na, kaa er: Ka Mo Aôndo u teru Aberaham, de cie ga, gadia M ngu a we, Me ver u doo doo, Me seer tsombor wou sha ci u wanakiriki Wam Aberaham.

Genese 26:5

sha ci u Aberaham lu ungwa imo Yam, waan iko sha imo Yam man atindi Am man akaawan Am man atindiakaa Am.

Genese 28:13

Man TER tile sha ityough nagh kaa er: Mo M ngu TER, Aôndo u teru Aberaham, Aôndo u Isaka kpaa; tar u u yav her ne, Me na u u kua tsombor wou kpaa.

Genese 28:15

Nenge, M ngu a we, Me kuran we henpe ú za cii, Me shi Me hide a we ken tar ne kpaa; gadia Me undu u ga, saa Me kure kwagh u M kaa u ne ve.

Genese 35:11

Shi Aôndo kaa a na er: Ka Mo Aôndo Uhembanagee, maren, seer a seer; ikurior man ikpila i akuraior ia due ken a we, utor vea due ken a we.

Genese 35:12

Tar u M ne Aberaham kua Isaka la, Me gema u, Me na u; man tsombor wou u ken ijime you kpaa, Me na u tar shon.

Genese 9:15

Mo kpaa, Me umbur ikuryan Yam a ven kua hanma injakwaghuma u uuma sha won cii; mngerem kpaa maa kera va deemee sha u timin uuma sha won cii ga.

Genese 9:16

Zum u ikume la ia lu sha abeen, Mo kpaa, Me nenge a i, Me umbur ikuryan i tsôron i Aôndo ya a hanma injakwaghuma i uuma sha won cii la.

Eseter 4:14

Gadia aluer u huan ving hen shighe ne yô, iwasen man myom una va hen Mbayuda hen ma ijiir igen, kpa we a ya u teru yô, né tim; ka an nan fe, alaghga ka sha kwagh ne je man u zough a icivir i tor hen shighe ne ye gaa?

Upasalmi 106:45

a umbur ikuryan Na sha ci ve kpaa, mhôônom kôr Un, sha ci u A ngee a erdoo yô.

Upasalmi 136:23

A umbur se ken mlu wase u icivirigh ga la, gadia erdoo Na ka u tsôron gbem sha won;

Ekesodu 2:24

Aôndo ungwa mtoghor ve man shi Aôndo umbur ikuryan Na a Aberaham man Isaka man Yakob.

Ekesodu 6:5

Man shi Mo M ungwa mtoghor u Mbaiserael mba ior i Igipiti ve ker ve ikpan la, nahan M umbur ikuryan Yam.

Yesaia 14:1

Gadia TER Una zungwe Yakob mhôônom, Una shi á tsuwa Iserael, Una ver ve er ve̱ tema ken tar ve; ior mba ken nongo ugen kpaa vea nyôr nongo a ve, vea var hen ya u Yakob.

Esekiel 16:60

Nahan kpaa, Me umbur ikuryan Yam a we sha ayange a iyev ou la, man shi Me ya ikur i tsôron a we.

Yoel 2:18

Tsô TER ta ikaa a tar Na, mhôônom kôr Un a ior Nav.

Luka 1:72

Lu sha u zungwen uter asev mhôônom, man shi u umbur icighanikuryan Na kpaa;

Duteronomi 4:31

gadia TER, Aôndo wou, ka Aôndo u zungwen mhôônom je; Una kende u ga, shi Una tim u kpaa ga, man ikuryan i A ye a uter ou la kpaa ia hungul Un ga.

Duteronomi 9:27

Umbur mbayev Ou, Aberaham man Isaka man Yakob, de we iko sha ityough ki taver ki ior mban ga, shin sha ifer ve, shin sha isholibo ve kpaa ga;

Mbaajiriv 2:1

Tsô Ortyom u TER mough hen Gilgal, kôndo za hen Bokim. A kaa er: Ka Mo M er, ne dugh ken tar u Igipiti, M ve a ven ken tar u M bum a uter enev ne ye, man M kaa Mer: Me bunde ikuryan Yam a ven mayange ga;