Levitiku 26:41 - ICIGHAN BIBILO

⁴¹ nahan Mo kpaa M hendan a ve, M va a ve ken tar u mbaihomov vev; aluer shighe la ishima ve i ve tsenge ga la, ia hide ijime, vea rumun mtsaha u sha ifer ve yô,

Levitiku 26:41 Iomraidhean Croise

1 Utor 21:29

U nenge er Ahaba a hide a iyol na ijime sha ishigh Yagh kpa? Yô, er a hide a iyol na ijime sha ishigh Yagh nahan, nahan yô, Me kera va a ican la sha ayange na ga; saa sha ayange a wan na man Me va a ican la hen ya na ye.

2 Kroniku 12:12

Er a hire a iyol na ijime nahan yô, iyugh i TER kar her a na kera, nahan A kera tim un ca ca ga; akaadoon agen lu ken Yuda kpaa.

2 Kroniku 32:26

Kpa Hesekia hide a iyol na ijime sha mkehe u ishima na la, un a mba ken Yerusalem, nahan iyugh i TER kera sen sha a ve sha ayange a Hesekia la ga.

2 Kroniku 33:19

Msen na u a sôn kpaa man er TER ungwa, rumun un, man asorabo na cii man M-undu u a undu mimi na la, man ajiir a taven sha a a maa a la, man Asherim kua ieev mbi a er, er a lu a hire a iyol na ijime ga la, nenge i nger a ken abaver a Hosai.

2 Kroniku 33:23

Kpa a kera hire a iyol na ijime sha ishigh ki TER, er ter na Manase lu hide a iyol na ijime nahan ga; kpa Amon ne yô, lu seer a seer ifer.

Esera 9:13

Man ahegen ken masejime u akaa a a tser se cii, sha ci u ityom yase i ifer man zegeibo wase ne kpaa, Aôndo wase, U tsaha se sha mngee u afer a ase la ga, shi U na se asande ne kpaa,

Esera 9:15

TERE, Aôndo u Iserael, We U ngu u perapera je, gadia se mba asande a waren, er i lu nyian nahan; nenge, se tile a ibo yase iyol sha ishigh You; gadia mô u nana fatyô u tilen sha ishigh You sha ci u kwagh ne nan ngu ga.

Nehemia 9:33

Nahan kpaa U ngu a ishô sha akaa a a tser se la cii; gadia U er ieren i mimi, kpa se yô, se er ifer;

Upasalmi 39:9

M huan ving, m bugh zwa ga, gadia ka We je, U er kwagh ne ye.

Ekesodu 10:3

Tsô Mose man Aron ve za hen Farao, ve kaa a na er: TER, Aôndo u Mbaheberu, kaa nahan er: Ka hanma shighe je man ú de u vendan u shirigh a iyol you inya sha ishigh Yagha? De ior Av, ve̱ yem ve̱ za civir Mo.

Yeremia 4:4

Tsôngo nen ayol a en sha ci u TER, kar nen a apusu a asema a en kera, ne ior mba Yuda kua mba ve tem ken Yerusalem, sha er iyugh Yam i̱ de yeghen er usu nahan, i̱ hia zan zan ma or u pirin nana lu ga ze, sha ci u ifer i aeren a en la.

Yeremia 6:10

Ka an je Me ôr kwagh a nan, Me pase nan man vea ungwa? Nenge, ve tsôngo ato sha u vea ungwa kpaa ga; nenge, kwaghôron u TER kpaa hingir ve kwagh u lahan, a kera doo ve je ga.

Esekiel 14:23

Nahan vea sur ne ishima, zum u né nenge gbenda ve man aeren a ve yô; nahan nea fa er M gbe eren un akaa ne cii gbilin ga ye, kape Ter AÔNDO A kaa ne.

Esekiel 20:43

Ka keela nea umbur igbenda yen man aeren a en cii, a ne lu hôngor ayol a en sha mi la ye; kwagh wen una ndôhôrshima sha ci u afer a en cii a ne er yô.

Esekiel 44:7

sha ci u ne nyer a atôatyev a a tsenge ken asema ga, man shi sha mlu u iyolough kpaa a tsenge ga yô, ner, a̱ tema ken icighanjiir Wam, a̱ hôngor a iyou Yam, zum u ne va a kwaghyan Wam, ahôm man awambe la, sha u a̱ vihi ikuryan Yam, seer sha aeren a ou a ndôhôrshima la cii.

Esekiel 44:9

Ter AÔNDO ngu kaan nahan er: Ma or u ityôtyev u nan tsenge ken ishima ga, man sha mlu u iyolough kpaa nan tsenge ga, u ken atôatyev cii, a a lu ken Mbaiserael la, nana nyôr ken icighanjiir Wam ga.

Esekiel 6:9

Ve mba ve wer ken a ven la, vea umbur Mo ken akuraior henpe á yem a ve uikangen la, zum u Me vihi ishima ve i idya i i pav a Mo la kera, kua ashe a ve kpaa, a a za idya sha akombo a ve la, nahan ishima ia ndôhôr ve a ayol a ve sha ci u aferakaa a ve er sha akaa ve a ndôhôrshima la cii.

Levitiku 26:24

Mo Me hendan a ven, Mo Me tsaha ne kwa taankaruhar sha ci u asorabo a en.

Levitiku 26:28

Mo Me henda a ven sha ishima i nyoon je, Mo Me tsaha ne kwa taankaruhar sha ci u asorabo a en.

Numeri 5:7

nana̱ pase kwaghbo u nan er la; nahan nana̱ hide a kwagh u nan lu a ibo sha mi la her vough, nana̱ seer môm-ken-utaan sha mi, nana̱ na or u nan er nan kwaghbo la.

Mateu 23:12

Man shi hanmô u nan kenden a iyol i nan sha yô, á hire a nan ijime; man hanmô u nan hir a iyol i nan ijime yô, á kende a nan sha.

Luka 14:11

Gadia hanma or u nan kende a iyol i nan sha yô, á hire a nan ijime; man u nan hir a iyol i nan ijime yô, á kende nan sha.

Luka 18:14

Me kaa ne, ka or ne a yem ken ya na a ishô ye, lu ugen la ga, gadia anti or u nana kende iyol i nan sha yô, á hide a nan ijime; kpa u nana hide a iyol i nan ijime yô, á kende nan sha.

Aerenakaa A Mbaapostoli 7:51

Ne mbatavertyough mban, ne mbatsôngon asema man ato ga ne, ne mba hendan a Icighan Jijingi gbem je; er uter enev lu er nahan, kape ne kpaa ne eren je ne.

Mbagalatia 5:6

Gadia ken Kristu Yesu yô, icôngo kera ngi a ma inja ga shin ipusu kpaa ga, saa di jighjigh u nan u a eren tom sha dooshima yô.

Duteronomi 10:16

Yô, tsôngo nen ipusu i asema a en, de kera shi luun nen mba nômbon ikôr ga.

Duteronomi 30:6

TER, Aôndo wou, Una tsôngo ishima you, man ishima i tsombor wou, sha er TER, Aôndo wou, A̱ doo u ishima a ishima you cii man a uma wou cii, sha er u̱ lu uma yô.

Duteronomi 31:21

Tsô zum u akaavihin kpishi man atsan aa tser ve yô, icam ne ia pase kwagh sha ishigh vegh er ka shiada yô; gadia ia hungul ken zwa u tsombor ve ga, gadia M fa mhen ve u ve lu a mi nyian ne, je er M lu a za a ve ken tar u M bum a ve la ga yô.

Mbafilipi 3:3

Gadia ka se je se lu mbaicôngo ye, se mba se civir Aôndo ken Jijingi, se mba se te ihagh ken Kristu Yesu, man se kera suur sha iyol ga la,

Mbakolose 2:11

Ka ken a Na man i tsôngo ne ye. Ka sha icôngo i sha ave la ga, kpa ka u eren iyol i inyam ne kera ken icôngo i Kristu la,