Levitiku 26:34 - ICIGHAN BIBILO

³⁴ Nahan á kpe tar iyol sha ayange a memen a u, sha ayange a u lu ikôngough gbilin la; man né gema né lu ken tar u mbaihomov enev la; nahan tar ua mem, á kpe u iyol sha ayange a memen a u.

Levitiku 26:34 Iomraidhean Croise

1 Utor 8:46

Aluer vea er U isholibo (gadia or u den eren isholibo nan ngu ga), man ishima ia lu vihin We a ve, Wea na ve sha ikev i mbaihomov, man vea yem a ve uikangen ken tar ve, a lu ca shin a lu ikua ikua;

2 Kroniku 36:21

sha u kwaghôron u TER u Yeremia lu ôr la, a̱ kure sha mi vough, zan zan tar la zua a mmem sha ayange a memen a u, gadia shighe u u hingir ice la yô, u mem zan zan anyom akunduatargber kar ivin.

Yeremia 34:17

Nahan yô, TER ngu kaan nahan er: Mayange ne ver ato her a Mo ne yôô ner, i̱ pase ikpan i̱ tuhwa ga, hanma or a anngô u nan, man hanma or a or wan ndor a nan; nenge, M ngu yôôn Mer, i̱ pase ne i̱ tuhwa, hingir nen sha ikev i sanker man i bouange kua i ijen, kape TER A kaa ne; Me gema ne né hingir ityartor i sha won cii kwagh u tumbul a min ave.

Levitiku 25:10

Tsegha nen inyom i sha akunduahargber la, yôô nen mpase u i pase i toho, ken tar la, hen mba ve tem ken u cii, i̱ lu ne inyom i jubilii; hanma or wen nana̱ hide hen kwagh u nan, hanma or wen kpaa nana̱ hide hen ior mba nan.

Levitiku 26:35

Ayange a u lu ikôngough gbilin la cii, ua zua a mmem, ka mmem u yan u zuan a mi ga la, sha ayange a memen a en zum u ne tema ker la.

Levitiku 26:43

Tar la yô, vea undu u, á kpe u iyol a ayange a memen a u, shighe u ua hingir ikôngough gbilin, zum u vea lu ga la; ve kpaa vea ngohol mtsaha u sha ifer ve, sha ci u ve vende akaaôron Am a jirigh, man akaawan a Am a ndôhôr ve ishima kpaa yô.