Levitiku 26:22 - ICIGHAN BIBILO

²² Me tindi inyamikume her a ven ia va kôr ne ônov, ia tim ilev yenev, ia pande ne, né kera ngee ga, igbenda yen kpaa ia kpe.

Levitiku 26:22 Iomraidhean Croise

2 Utor 17:25

Sha mtem ve ker, hiihii la, ve cian TER ga; nahan, TER tindi ubegha ken a ve va pande ior vev mbagenev, wua.

2 Utor 2:24

Tsô a gema ashe a kenger ve a wa ve ifan ken iti i TER. Nahan ungômbadwem uhar due shin ikô va kôr anmbayev nomso mbagenev akunduahar kar uhar ken ve, ande.

2 Kroniku 15:5

Sha ayange la bem lu a or u duen man a or u nyôron kpaa ga, kpa atsan kpishi lu sha ior mba ve tema ken ityar la cii.

Yesaia 24:6

Ka nahan man ifan i ker tar, man mba ve tem sha u kpaa ve lu yan ican sha ibo ve ye; ka nahan man i nande mba ve tem sha tar kera, ior ve shi her kpeghee ye.

Yesaia 33:8

Akômaigbinda nga gbilin or u zenden nan ngu ga. A vihi ikuryan, a laha agar a tamen, a wa or iko ga.

Yeremia 15:3

Me tsaha ve sha mbamtsaha anza anyiin, kape TER A kaa ne: sanker sha ci u wuan kera, man iwa sha ci u tusen a mi, inyon i sha kua inyam ikume sha tar sha ci u yan man u anden kera.

Yeremia 42:2

ve kaa a profeti Yeremia er: Zamber wase a̱ shi gba u hen ikum, sôn TER, Aôndo wou, sha ci wase sha ci u asande a ior a a shi her ne, gadia ikpelaior ne nahan, se mase shin her kpeghee tsô, er ashe ou kpaa a lu nenge se nahan;

Ukwelegh 1:4

Igbenda i zan hen Shion ngi zungwen, sha ci u ma or kera ngu van hen iniongo i i ver la ga yô; ihindagar na cii hingir kuree; upristi nav mba shirin ishima; ishima vihi anuunaukase a na; un iyol na kpaa, ican ngi eren un tsung.

Esekiel 14:15

Aluer Me na inyamikume ia zende ken tar la, man ia wua ior ken, u zan zan ua hingir ice, man ma or nana fatyô u karen ken u ga sha ci u inyamikume la yô,

Esekiel 14:21

Gadia Ter AÔNDO ngu kaan nahan er: Man hire Mea tindi ajir a ôron a Am a anyiin a bo sha Yerusalem, ka sanker man ijen man inyamikume man bouange, sha u wuan or kua zendenya kera ciili!

Esekiel 33:28

Me gema tar ne ua hingir ice man kwagh u kpilighyol, man imanger i agee a u la ia kar kera; iwo i Iserael kpaa ia hingir ice, ma or nana kar sha i ga.

Esekiel 5:17

man Me tindi ne a ijen man inyamikume, ia kura ne ônov kera; angev mbu bov man awambe vea zende ken a we, man Me va u a sanker kpaa; ka Mo TER M kaa nahan ye.

Levitiku 26:6

Me na bem ken tar la, né yav je, ma or u tan ne mciem iyol nana lu ga; Me er inyamikume ia bee ken tar wen, sanker kpaa una kar hen atô u tar wen ga.

Mika 3:12

Nahan yô, á tsôghol Shion sha ci wen er sule nahan; Yerusalem una hingir atihi a alôgh, man uwo u ya u Aôndo ua hingir er agungu shin ikô nahan.

Sekaria 7:14

kpa Me purugh a ve sha hiar, Me sambe ve ken akuraior cii a ve fe a ga yô. Ka nahan man tar la hingir ice ken ijime ve, je ma or u zenden karen hiden ker, kera lu ga ye; ve gema tar u doon ne hingir ice.

Duteronomi 32:24

Vea vôr ijen man vea saa ishe, sha angev mbu tseeyol, man angev mbu bov kpaa; Me tindi anyi a inyamikume sha ve, man megh ku akaa a a kper a kpela inya.

Mbaajiriv 5:6

Sha ayange a Samgar u Anati, sha ayange a Yael kpaa akômaigbinda lu gbilin, mbazendev kar sha anigbendav.