Levitiku 26:19 - ICIGHAN BIBILO

¹⁹ Me sombo agee a en a ne te ihagh a mi la, kera, Me gema kwavaôndo wen ua hingir er iyôgh ki iligh nahan, tar wen ua hingir er togula nahan;

Levitiku 26:19 Iomraidhean Croise

1 Utor 17:1

Tsô Eliya Ortishibi u hen Tishibi u ken Gileadi la, a kaa a Ahaba er: Mimi je, er TER, Aôndo u Iserael, u m til sha ishigh Nagh A lu u uma ne, avure aa kera gba ga, ura kpaa ua kera nôô ken anyom ne ga, saa sha imo yam.

1 Utor 8:35

Zum u á cir Sha man ura kera nôô ga, sha ci u ve er U isholibo yô, man vea er msen, vea ver ishigh hen ijiir ne, vea pase iti You, vea gema asema sha u den isholibo ve, sha ci u mtsaha u U tsaha ve yô,

Yesaia 2:12

Gadia iyange i Ter u akum a Sha ngi van sha mbaihaghev man mbagengeseyol cii, man sha akaa a i kende a sha kpaa, sha ci u hiden a a ijime,

Yesaia 25:11

Una naregh ave na ken atô u ma er orôônwe ka nan naregh ave a nan sha u ôôn uwe nahan, kpa Una hide a iyolgengese na ijime cii, shin er ave na a fe eev nahan kpaa.

Yesaia 26:5

Gadia mba ve tem sha la, A hide a ve shin inya, ka gar u taven sha je la; A yôhôl un, A haa un inya je, A samber un inya zan zan shin vuulevu je.

Yesaia 28:1

Kwagh á tser idyer i tor i gengeseyol i mbahundenmsôrom mba Eferaim man imondon u usen kera, u mdooashe na u tsung la, u a lu sha ityough ki pev u doon sule yum, u mba wain a gbihi ve inya la!

Yeremia 13:9

TER ngu kaan nahan er: Kape Me vihi iyolmoron i Yuda man iyolmoron i vesen i Yerusalem kera la.

Yeremia 3:3

Ka nahan man i nyume iura, man ura u masetyô kpaa u kera nôô ga ye; nahan kpaa u lu a icul i idyakwase, u rumun u van ahenge ga.

Esekiel 24:21

Kaa ya u Iserael, Ter AÔNDO ngu kaan nahan er: Nenge, Me hôngor icighanjiir Wam, ihagh i tahav enev, isharen i ashe a en, kwagh u i doo uma wen a na la; ônov enev mba nomso man mba kasev mba ne undu, á wua ve sha sanker.

Esekiel 30:6

TER ngu kaan nahan er: Ve mba ve tuur Igipiti la vea gba; imanger i tahav nav ia gba inya, á hii hen Mikedol zan zan za ar hen Shiene; á wua ve kimi sha sanker, kape Ter AÔNDO A kaa ne.

Esekiel 33:28

Me gema tar ne ua hingir ice man kwagh u kpilighyol, man imanger i agee a u la ia kar kera; iwo i Iserael kpaa ia hingir ice, ma or nana kar sha i ga.

Esekiel 7:24

Ka nahan man Me va a akuraior a hemban iferkwagh cii, a a ngohol uya vev ye; Me er ihagh i tan i mbaageev ia bee sha won; man á hôngor a ajiir a ve a tseghan la.

Daniel 4:37

Hegen yô, mo Nebukadinesar m ngu civir Tor u Sha; gadia aeren a Na cii ka a mimi je, man igbenda Na ka i perapera, man mba ve zenden sha ihagh yô, A fatyô u hiden a ve ijime.

Sefania 3:11

Sha iyange la ú kera va ahenge sha ci u aeren a ou, a u erem kwaghbo sha mi la ga; gadia hen shighe la Me kar a mbagengeseyol ken a we kera cii, man mayange ú kera seer tesen imanger you sha icighanwo Wam ga.

Luka 4:25

Kpa mimi je M kaan ne ne, sha ayange a Eliya la kasev mba côgholov lu ken Iserael kpishi, zum u ura kera nôô ga anyom atar man iwer ataratar, man zegejen gba sha won cii la.

Duteronomi 11:17

gayô, ishima á vihi TER a ven tsung, Una cir Sha, ura ua kera nôô ga, inya kpaa ia kera doo iyiagh ga, nahan né tim fese sha tar u dedoo u TER A lu nan ne ne.

Duteronomi 28:23

Kwavaôndo wou u u lu u sha yô, ua hingir togula man tar u u lu sha mi yô, ua hingir iyôgh.

1 Samuel 4:11

Man shi i ngohol areki u Aôndo; ônov mba Eli mba uhar mbala, Hofeni man Pinehashi kpaa, i wua ve.

1 Samuel 4:3

Zum u ior hide hen afo yô, mbatamen mba Iserael pine er: Ka nyi man TER A er Mbafiliti ve hembe se nyian nahana? Yô, sé za tôô nen areki u ikuryan u TER ken Shilo, sé va nen a mi heen, a̱ va nyôr hen atô wase, a̱ yima se sha ikev i mbaihomov asev.