Levitiku 26:15 - ICIGHAN BIBILO

¹⁵ Man aluer nea venda akaawan Am, man akaaôron Am a jirigh aa ndôhôr ne ishima, nea kera eren sha atindi Am ga, shi nea vihi ikuryan Yam kpaa yô;

Levitiku 26:15 Iomraidhean Croise

Genese 17:14

Oripusu u i tsenge nan ipusu i nan ga yô, i̱ dugh or la ken nongo u nan kera; nan vihi ikuryan Yam.

2 Utor 17:15

Ve venda akaawan a Na man ikuryan Na i A ya a uter vev kua mbampase Nav mba A pase ve kpaa; ve gema, ve dondo akaagbilinigh zan zan ve hingir dang, ve dondo akuraior a a kase ve la, a TER wa ve tindi sha kwagh ve er, ve̱ de eren er ve nahan ga la.

2 Kroniku 36:16

kpa ve gema ve se mbatyomov mba Aôndo, ve laha kwaghôron Na, ve nenge sha uprofeti Nav kpenenene, zan zan iyugh i TER mough sha ior Nav je gbenda u vea war kera lu ga.

Upasalmi 50:17

er u gem u vende mkôôm, man u te mkaanem Am ken ijime you kera kpaa yôô?

Ekesodu 19:5

Hegen yô, aluer né veren ato sha kwaghôron Wam mimi je, shi né waan ikuryan Yam iko kpaa yô, nahan akuraior a sha won cii, ka ne né hingir kwagh Wam iyol Yam je ye; gadia tar cii, ka u Wam je.

Ekesodu 24:7

A tôô Ruamabera u ikuryan la, a ôr, ior ungwa dedoo; ve kaa er: Akaa a TER A kaa la cii, sé er, shi sé waan a iko kpaa.

Anzaakaa 1:30

ve rumun mhen wam mayange ga, ve laha myange wam cii kera,

Anzaakaa 1:7

Mcie u cian TER, ka mhii u kwaghfan je la, kpa mbalanenkwagh yô, ve laha kwaghfan kua ityesen.

Anzaakaa 5:12

nahan ú kaa wer: Kpe ahi! lu m venda mkôôm, ishima yam kpaa laha myange;

Yesaia 24:5

Tar iyol i u je kpaa u hôngor sha ci u mba ve tem sha u la; gadia ve per atindi, ve wa aeren a sha ba iko ga, ve vihi ikuryan i tsôron.

Yeremia 11:10

Ve gema ve hide sha u eren aferakaa a uter vev, mba ve venda u ungwan akaaôron Am la; ve gba dondon mbaaôndo mbagenev, civir ve; ya u Iserael kua ya u Yuda ve vihi ikuryan Yam i M ya a uter vev la.

Yeremia 31:32

kpa ia kera lu sha inja i ikuryan i M ya a uter vev ayange a M kôr ve uwegh sha u duen a ve ken tar u Igipiti la ga—ikuryan Yam i ve vihi la, shin er M lu ter ve je nahan kpaa, kape TER A kaa ne.

Yeremia 6:19

Ungwa, we tar, nenge, M ngu van a kwaghbo sha ior mban, ka atam a mbamhen vev je la; gadia ve ver ato sha akaaôron a Am ga, tindi wam kpaa, ve venda un.

Esekiel 16:59

Gadia Ter AÔNDO ngu kaan nahan er: Me er a we sha ieren you la, we u u lahan mbum u vihi ikuryan ne.

Levitiku 26:11

Me ver tabernakel Wam hen atô wen, ishima kpaa, ia ndôhôr Mo a ven ga.

Levitiku 26:43

Tar la yô, vea undu u, á kpe u iyol a ayange a memen a u, shighe u ua hingir ikôngough gbilin, zum u vea lu ga la; ve kpaa vea ngohol mtsaha u sha ifer ve, sha ci u ve vende akaaôron Am a jirigh, man akaawan a Am a ndôhôr ve ishima kpaa yô.

Levitiku 26:9

Me waan ne iko, Me ngee ne ônov, Me seer a seer ne iyenge, Me taver ikuryan Yam a ven.

Malaki 2:2

Aluer né ver ato ga, man né ver ishima sha mi sha u né na iti Yam icivir ga yô, kape TER u akum a Sha A kaa ne, nahan Me haa ne ifan, Me wa iveren yen kpaa ifan; een, M vande wan i ifan kera kpaa, sha ci u ne ver ishima ga yô.

Numeri 15:31

sha ci u nan laha kwaghôron u TER, shi nan vihi tindi Na kpaa yô, i̱ dugh or la kera keng, ifer i nan ia lu nan iyol.

Aerenakaa A Mbaapostoli 13:41

Nenge nen, ne mba ne lahan ne, i̱ kpiligh ne iyol, tim nen, gadia M ngu eren tom ugen ken ayange a en; ka tom u mayange né rumun u jighjigh ga yô, shin aluer orgen nana pase ne u je kpaa.

Mbaromanu 8:7

Gadia ishimaveren i iyolough la ngi ihom a Aôndo. I we iko sha tindi u Aôndo ga, ia fatyô kpaa ga.

Duteronomi 31:16

Tsô TER kaa a Mose er: Nenge, yaven you a uter ou imôngo; ior mban vea mough vea er idya sha u dondon mbaaôndo mba hev mba hen tar u ve lu zan sha u vea za tema ken u la, vea gbihim kera vea vihi ikuryan Yam i M ye a ve ne.

1 Mbatesalonika 4:8

Nahan yô, or u nan vende kwagh ne yô, kera ka or nan vende ga, kpa ka Aôndo je u A ne ne Icighan Jijingi Na yô.

Mbaheberu 8:9

kpa ia kera lu sha inja i ikuryan i M ya a uter vev sha iyange i M kôr ve uwegh u duen a ve ken tar u Igipiti la ga. Gadia ve kera lu ken ikuryan Yam la vough ga nahan Mo kpaa, M kera wa ve iko ga, kape Ter kaa la.

1 Samuel 12:15

kpa aluer né ungwan imo i TER ga, né gema né hendan a tindi u TER yô, uwegh ku TER kua lu num a ven er ku lu num a uter enev nahan.