Levitiku 26:13 - ICIGHAN BIBILO

¹³ Ka Mo TER M lu Aôndo wen, u M dugh a ven ken tar u Igipiti, sha er né kera lu ikpan ve ga yô, shi M sombo amande a igbur i sha mon wen, M er ne ne zende sha nôô nôô.

Levitiku 26:13 Iomraidhean Croise

Upasalmi 116:16

TERE, mimi je, m ngu wanakiriki Wou; m ngu wanakiriki Wou, wan u wanye Wou u kwase; U sagh ikangenev yav.

Ekesodu 14:8

TER cighir Farao tor u Igipiti ishima, tsô a zenda Mbaiserael ijime; kpa Mbaiserael yô, ve due ve lu yemen sha uwegh ku ageegh je.

Ekesodu 20:2

Ka Mo TER, M lu Aôndo wou, u M dugh a we ken tar u Igipiti, ken ya u ikpan ye.

Ekesodu 6:7

Me ngohol ne, né hingir Mo ikurior, Me lu Aôndo wen; man shi né fa er Mo TER M lu Aôndo wen u M dugh a ven ken tom u ican u Mbaigipiti yô.

Yesaia 51:23

Me gema u, Me na sha ikev i mba ve eren we ican la; ve mba ve kaan a we er: Ngurum nen, sé unde sha a ven; man u gema ijime you hingir er inya nahan, man er ka gbenda u mba ve zenden sha u yô.

Yesaia 9:3

U seer ikurior ne, i ngee, U seer ve iember kpishi kpaa; mba ember sha ishigh You sha inja i m-ember i sha iyange i sunda, er ior ve ember shighe u ka vea karen kwar sha ishar yô.

Yeremia 2:20

Gadia hii tsuaa je u sombo igbur you man u tôndo ikangenev you kera, u kaa wer: Me kera er tom ga; gadia sha hanma igungu u taven kua shin hanma kon u hômon je, u ngurum her er idyakwase nahan.

Yeremia 28:2

TER u akum a Sha, Aôndo u Iserael, ngu kaan nahan er: M vihi igbur i tor u Babilon kera.

Yeremia 28:4

shi Me hide a Yekonia wan u Yehoyakim tor u Yuda hen ijiir ne, kua mbauikangenev mba Yuda cii, mba ve yem sha Babilon la, kape TER A kaa ne, gadia Me vihi igbur i tor u Babilon la kera.

Esekiel 30:18

Hen Tehafeneheshi kpaa iyange ia wa ime, zum u Me kever igbouv mbi Igipiti heregh kera, man imanger i agee a na kpaa ia bee ker a na; un yô, ibeenegh kia cir un; man ônov nav mba kasev á yem a ve uikangen.

Esekiel 34:27

Ikon i ken ikôngo ia ume atam, man tar kpaa ua doo iyiagh, vea tema bem bem ken tar ve; nahan vea fa er Mo M lu TER ye, zum u Me kever amande a igbur ve la, man Me yima ve sha ikev i mba ve ker ve, ve hingir ikpan la.

Hosea 11:4

M urugh ve sha kor u or sha ikangenev mbi dooshima; M hingir ve er mbala mba ve kenden ve agbur sha azegher kera yô, man M ngurum M ver un kwaghyan.

Levitiku 25:38

Ka Mo TER M lu Aôndo wen, u M dugh a ven ken tar u Igipiti, sha u Me na ne tar u Kanaan, Me lu Aôndo wen kpaa ye.

Levitiku 25:42

Gadia ve ka mbayev Av je, mba m dugh a ve ken tar u Igipiti; yô, i̱ de teen ve er ka ikpan nahan ga.

Levitiku 25:55

Gadia Mbaiserael ka mbayev Av, ka mbayev Av je, mba M dugh a ven ken tar u Igipiti yô; ka Mo TER M lu Aôndo wen ye.

Nahum 1:13

Hegen yô, Me kever igbur na sha mon wou kera, man Me tôndo ikangenev you kera.