Levitiku 24:7 - ICIGHAN BIBILO

⁷ Shi ver libano u human doon u wang sha hanma nongo, a̱ lu nagh ku umbur ku bredi la, ka nagh ku usugh ku nan TER je la.

Levitiku 24:7 Iomraidhean Croise

Genese 9:16

Zum u ikume la ia lu sha abeen, Mo kpaa, Me nenge a i, Me umbur ikuryan i tsôron i Aôndo ya a hanma injakwaghuma i uuma sha won cii la.

Ekesodu 12:14

Iyange ne, i̱ lu ne iyange i umbur, ver nen i, i̱ hingir iniongo i civir TER; yaan nen i sha ikov ikov, i̱ hingir ne tindi u eren nahan gbem sha won je.

Ekesodu 13:9

A̱ hingir we ikav sha uwegh ough, kua ikav i umbur sha kungwa wou, sha u tindi u TER a̱ lu u ken zwa yô; gadia ka sha uwegh ku ageegh je, TER due a we ken tar u Igipiti ye.

Ekesodu 17:14

Tsô TER kaa a Mose er: Nger kwagh ne ken ruamabera a̱ lu kwagh u umbur, ôr Yosua un dedoo, a̱ fa: M-umbur u ma i umbur Amaleki tsô kpaa, Me ese un sha won kera.

Ekesodu 28:12

Var awen ahar la sha abamber a sha avande a efodi la, a̱ lu awen a umbur Mbaiserael a mi; Aron a̱ tôôn ati a ve sha avande a na ahar sha ishigh ki TER, sha er á umbur ve yô.

Yesaia 43:23

U vam a iyôngo i nagh ough ku nanden ga, u civir Mo sha nagh ough ku sôngon kpaa ga. Mo M kighir we Mer, va nam nagh ku sha samuyia ga, M za u iyol sha nagh ku nanden ku human doon kpaa ga.

Levitiku 2:1

Aluer a̱ lu anti or ka nan TER nagh ku sha samuyia yô, nagh ku nan ku̱ lu sha mwem ma kengese; nana̱ haa mkurem sha mi, shi nana̱ penda libano u human doon sha mi kpaa;

Levitiku 2:2

nana̱ va a mi hen upristi, ônov mba Aron; pristi a̱ ongo mwem ma kengese kua mkurem mara, ikevwe poo, shi a̱ kura libano u human doon u a lu sha mi la cii, a̱ nande sha usu, i̱ lu nagh ku umbur; ka nagh ku usugh ku human doon ku nan TER.

Levitiku 2:9

Pristi a̱ kura nagh ku umbur ku nagh ku sha samuyia la, a̱ nande ku sha atse; ka nagh ku usugh ku human doon ku nan TER je la.

YOHANE 6:35

Yesu kaa a ve er: Mo M ngu kwaghyan u uma; or u nana va her a Mo yô, ijen ia kera kôr nan mayange ga; man shi or u nana nam jighjigh yô, imura kpaa ia kera kôr nan mayange ga.

YOHANE 6:51

Mo M ngu kwaghyan u uma u a sen sha la; aluer anti or nana ya kwaghyan ne yô, nana lu uma gbem sha won. Man kwaghyan u Me na yô, ka iyol Yam je, sha ci u uma u tar.

Aerenakaa A Mbaapostoli 10:31

m nenge orgen tilem sha ishi a akondo a engem iyol, a kaa er: Korneliu, i rumun msen wou, man shi i umbur uiwua ou sha ishigh ki Aôndo.

Aerenakaa A Mbaapostoli 10:4

A kenger un, cier un iyol, a kaa er: Ka nyi, tere? A kaa a na er: Mbamsen ou man uiwua ou ve kôndo sha, hingir kwagh u Aôndo Una umbur je.

Mbaefese 1:6

ka sha ci u iwuese i á wuese iengem i mrumun Na u sha mhôôn u A rumun se ken Udoonshima la.

Mbaheberu 7:25

Nahan yô, mba ve lu van hen Aôndo ve karen hen Na yô, Un fatyô u yiman ve been cii, gadia ngu lun uma gbem sha u Una er msen sha ci ve yô.