Levitiku 23:5 - ICIGHAN BIBILO

⁵ Uwer u hiihii ayange a u pue kar anyiin, aikighe, ka Paseka u TER.

Levitiku 23:5 Iomraidhean Croise

Ekesodu 23:15

Eren nen iniongo i bredi u i we kwa sha mi ga yô; ayange ataankarahar cii, ú ya bredi u i we kwa sha mi ga la, er M kaa u nahan, sha shighe u i ver la, sha uwer u Abiba; gadia ka sha u man u dugh ken tar u Igipiti ye; or a̱ de ve sha ishigh Yagh aveve ga;

Esekiel 45:21

Sha uwer u hiihii, ayange a u pue kar anyiin la, né er iniongo i Paseka, iniongo i ayange ataankarahar la, á ya bredi u i we kwa sha min ga yô.

Mateu 26:17

Tsô sha iyange i hiihii i ayange a bredi u i we kwa sha mi ga la, mbahenen va hen Yesu, ve kaa a Na er: Ka hanma ijiir i sar U ka se za sôr U, U za ya Paseka here?

Marku 14:12

Sha iyange i hiihii i ayange a bredi u i we kwa sha mi ga la, shighe u ka i sôngo Paseka nahan, mbahenen Nav pine Un er: Ka hanma ijiir i sar U pe se̱ za, se̱ za sôr, Ú za ya Paseka here?

Luka 22:7

Tsô iyange i bredi u i we kwa sha mi ga la kuma, ka iyange i i lu u sôngon Paseka je la.

Yosua 5:10

Tsô Mbaiserael haa afo hen Gilgal, ve er iniongo i Paseka sha uwer la, ayange a u pue kar anyiin aikighe, hen ukpuunkpuun mba Yeriko.