Levitiku 23:3 - ICIGHAN BIBILO

³ I̱ eren tom ayange ataratar, kpa iyange i ataankarahar la, ka iyange i memen i kôron ma tom ave ga, ka icighanmkohol; de eren nen ma tom ga; ka iyange i memen i TER ken ajiir a en a ne tem cii.

Levitiku 23:3 Iomraidhean Croise

Ekesodu 16:23

A kaa a ve er: Ka kwagh u TER A kaa je la er: Kper ka iyange i memen, ka icighaniyange i memen i TER je; kaa nen kwagh u a sar ne u kaan yô, shi jiidi nen kwagh u a sar u jiidi kpaa; hanma kwagh u a shi yô, koso nen zan zan sev mbu av.

Ekesodu 16:29

Nenge, er TER A ne ne iyange i memen yô, nahan sha iyange i ataratar la, ka A na ne kwaghyan a kuma ayange ahar. Yô, hanma or nana lu hen ijiir i nan, or môm nana de kera duen hen ijiir i nan sha iyange i ataankarahar la ga.

Ekesodu 16:30

Tsô ior mem sha iyange i ataankarahar la.

Ekesodu 23:12

Er tom wou ayange ataratar, sha iyange i ataankarahar la mem, sha er bua wou kua jaki you kpaa ve̱ mem, wan u kpankwase wou kua shiror kpaa, i̱ yôhôl ve iyol.

Ekesodu 34:21

Er tom ayange ataratar, kpa sha iyange i ataankarahar la yô, ú mem; sha shighe u kahan sule man shighe u sundan la kpaa, ú mem.

Yesaia 56:2

Saan or u nan eren nahan la, iyol, man wan u or u nan taver ishima sha mi la, u nan kor iyange i memen sha u hôngor i ga, man nan ze uwegh sha u eren ma kwaghbo kpaa ga yô.

Yesaia 56:6

Man ior mba ken nongo ugen, mba ve nyer nongo a TER sha u vea er Un tom man sha u iti i TER ia doo ve ishima man sha u vea lu mbatomov Nav kpaa, hanmô u nan kor iyange i memen sha u hôngor i ga, man nan taver ishima sha ikuryan Yam yô,

Yesaia 58:13

Aluer wea hide a nguhar wou ijime sha iyange i memen, wea kera er tom wou sha icighanyange Yam ga, aluer wea yila iyange i memen wer: Ka kwagh u saren mo, man ka icighanyange i TER, kwagh u icivirigh je, man ú civir i, er ú kera za sha igbenda you ga, shin ú ker ian sha ci u tom wou ga, shi ú kera ôr akaa a ou kpaa ga yô,

Levitiku 19:3

Hanmô wen nana̱ cian ngô u nan kua ter u nan; waan nen ayange a memen a Am ikô; ka Mo TER M lu Aôndo wen ye.

Luka 13:14

Ka vihin orvesen u shinagoge la sha ci u Yesu A bee angev sha iyange i memen yô, a gema a kaa a ikpelaior er: Ayange nga ataratar a a doo u eren tom yô; ka sha a je, vaan nen, i̱ been ne angev ye, kpa i̱ de lu sha iyange i memen ga.

Luka 23:56

Mba hir yô, ve sôr icimbiv man mkurem ma shighen. Tsô ve mem sha iyange i memen sha tindi.

Aerenakaa A Mbaapostoli 15:21

Gadia hii tsuaa la je, Mose lu a mbaôron kwagh na ken hanma gar cii, gadia mba ôron Ruamabera na ken ushinagoge hanma iyange i memen.

Mpase U Yohane 1:10

M lu ken Jijingi sha iyange i Ter, tsô m ungwa zegeimo ken ijime yam er ka ikpamkor nahan,