Levitiku 22:9 - ICIGHAN BIBILO

⁹ Yô, ve̱ waan kwagh u M we ve ne iko, sha er ve̱ de kper ibo, ve̱ hee iyol, ve̱ kpeen zum u ve hôngor a mi la ga; ka Mo TER u M tsegh ve ne.

Levitiku 22:9 Iomraidhean Croise

Ekesodu 28:43

Aron man ônov nav ve̱ huwan a shighe u vea nyôron ken tenti u kohol ker la, shin shighe u vea kporom hen atse sha u eren tom ken icighanjiir, sha u ve̱ de kpel ibo, ve̱ kpeen ga yô; i̱ lu un tindi u gbem kua tsombor na u ken ijime na.

Levitiku 16:13

a̱ penda kwaghhumandoon la sha usu, sha ishigh ki TER, mnyim ma kwaghhumandoon ma cir ijiir i nan iwom her la, i i lu sha shiada la, sha er una kpe ga yô;

Levitiku 16:2

tsô TER ôr kwagh a Mose er: Kaa a anngôu Aron wer, a̱ de gbe nyôron ken icighanjiir ken atô u ikondo i yisan sha ishigh ki ijiir i nan iwom her, i i lu sha areki la, hanma shighe tsô ga, sha er una kpe ga yô, gadia ka ken ibeen M ande sha ijiir i nan iwom her la ye.

Levitiku 18:30

Nahan yô, waan nen kwagh u M we ne ne iko, sha u de eren nen ma kwagh u ken aeren a hôngorough ne ga, a i vande eren, er ne, ne lu a va ga la, sha er ne̱ de hôngor ayol a en sha mi ga yô; ka Mo TER M lu Aôndo wen ye.

Levitiku 22:16

ve̱ de kper ibo, ve̱ hee iyol, sha er ve̱ kuma u yan mtsaha, zum u ve ye uicighanmbaakaav vev la ga, gadia ka Mo TER u M tsegh ve ne.

Numeri 18:22

Nahan yô, Mbaiserael ve̱ de kera kporom hen tenti u kohol ker la ga, sha u ve̱ de kper ibo i isholibo, ve̱ kpeen ga yô.

Numeri 18:32

Aluer nea tsuwan kwagh u a hembe doon ker yô, né kera kpela ibo sha mi ga; de hôngor nen a uicighanmbaakaav mba Mbaiserael ga, sha er né kpe ga yô.

Mateu 23:17

Ne abumeaior ne, ne mbaapirashe! Ka nyi i hembe lun a inja, ka zenaria shin ka tempel u a wanger zenaria laa?

Duteronomi 11:1

Nahan yô, TER, Aôndo wou, A̱ doo u ishima, waan kwagh u A we u la iko gbem kua akaawan a Na man akaaôron a jirigh a Na man atindi a Na kpaa.