Levitiku 22:8 - ICIGHAN BIBILO

⁸ Kwagh u a gbe kpen tsô yô, shin u inyamikume i woo yô, nana̱ de ye, nana̱ hôngor iyol i nan sha mi ga, ka Mo TER.

Levitiku 22:8 Iomraidhean Croise

Ekesodu 22:30

Kape ú er a abua ou kua iyôngo you kpaa la; ayange ataankarahar a̱ lu a ngô na, sha iyange i sha anigheni la yô, ú nam un.

Ekesodu 22:31

Lum nen uicighanmbaiorov; nahan yô, de ye nen ma inyam i inyamikume i woo i ken toho ga; gbihi nen iwa i.

Esekiel 4:14

Tsô m kaa mer: Uwu, Tere, AÔNDO! Nenge, m ngu a vande hôngor ga; gadia hii er m lu iyev la je zan zan hegen m ngu a vande yan kwagh u a gbe kpen ga, shin u inyam i kume i ande un kpaa ga, man inyam i ndôhôr ishima kpaa ngi a nyôrom ken zwa ga.

Esekiel 44:31

Ma kwagh u a gbe kpen tsô, shin u i ande un a ande, shin á lu inyon, shin zendenya kpaa, upristi ve̱ de ye ga.

Levitiku 17:15

Hanma or u nan ye kwagh u a kpe a kpe, shin kwagh u inyamikume i woo yô, shin a lu or u tar la jim, shin a lu shiror kpaa, nana̱ ôô akondo a nan, shi nana̱ ôô iyol sha mnger kpaa, nana kera lu wang ga, zan zan iyange ia kar been man nana hingir wang ye.

Levitiku 7:24

Ahôm a kwagh u a gbe kpen tsô, man ahôm a kwagh u inyam i kume i woo un yô, i̱ gba eren hanma injatom a mi tsô, kpa mye yô, i̱ de ye a je ga.

Duteronomi 14:21

De ye nen ma kwagh u a gbe kpen tsô la ga; kpa i rumun er u̱ na shiror u nan va nyer u a nyôr la, nana̱ ya; gayô, tee, or u ken nongo ugen nana̱ yam, gadia u ngu TER, Aôndo wou, icighanikurior je. De jiir wanivo sha atumba a ngô na ga.