Levitiku 21:6 - ICIGHAN BIBILO

⁶ Ve̱ lu uicighanmbaiorov mba Aôndo je, ve̱ de hôngor a iti i Aôndo ve ga; gadia mba ne iniav mbi usuv mbi TER, ka kwaghyan u Aôndo ve je la; nahan yô, ve̱ lu uicighanmbaiorov.

Levitiku 21:6 Iomraidhean Croise

Esera 8:28

Tsô m kaa a ve mer, i tsegha ne sha ci u TER, ikav kpaa i tsegha mbi; man azurfa man zenaria ka nagh ku sha ishima i dedoo ku i ne TER, Aôndo u uter enev.

Ekesodu 19:22

Upristi, mba ve mgbôghom a TER, ve̱ tsegha ayol a ve, sha er TER A̱ de te num sha a ve ga yô.

Ekesodu 28:36

Er kpande sha zenaria u wang, nger sha mi, er ka i gber ikav sha kwagh nahan wer: I TSEGHA UN SHA CI U TER.

Ekesodu 29:44

Me tsegha tenti u kohol ker la, kua atse a nanden nagh sha min la kpaa; Aron man ônov nav kpaa Me tsegha ve, ve̱ eren Mo tom u pristi.

Yesaia 52:11

Mough nen, mough nen, due nen ken ijiir la kera, de benden nen ma kwagh u hôngorough ave ga; due nen ker atô na kera; wanger nen ayol a en, ne mbatôôn ikav mbi TER.

Esekiel 44:7

sha ci u ne nyer a atôatyev a a tsenge ken asema ga, man shi sha mlu u iyolough kpaa a tsenge ga yô, ner, a̱ tema ken icighanjiir Wam, a̱ hôngor a iyou Yam, zum u ne va a kwaghyan Wam, ahôm man awambe la, sha u a̱ vihi ikuryan Yam, seer sha aeren a ou a ndôhôrshima la cii.

Levitiku 10:3

Tsô Mose kaa a Aron er: Ka kwagh u TER A kaa je la, er: Ka hen mba ve mgbôghom a Mo la, Me pase icighanmlu Wam ye, shi Me pase icivir Yam sha ishigh ki iorough cii kpaa ye. Kpa Aron lu ving.

Levitiku 18:21

De ne mô wan wou sha u i̱ kar a nan ken usu sha ci u Moleki ga, de hôngor a iti i Aôndo wou ga; ka Mo TER.

Levitiku 19:12

De bumun iti Yam sha aie geman hôngor a iti i Aôndo wou ga; Ka Mo TER.

Levitiku 20:3

Me kera saan ishigh a or la ga, Me kar a nan ken nongo u nan kera, sha ci u nan ne Moleki wan u nan, nan hôngor a icighanjiir Wam shi nan hee icighanti Wam kpaa yô.

Levitiku 21:17

Ôr kwagh a Aron kaa un wer: Á lu anti or ken tsombor wou, shin á lu ikov i ken hemen kpaa, nana lu a iwan iyol yô, nana̱ de kporom sha u nan nagh ku kwaghyan u Aôndo u nan ga.

Levitiku 21:21

ma or u ken tsombor u pristi u Aron, u nan lu a iwan iyol, nana̱ de kporom er nana na iniav mbi usuv mbi TER ga, nan ngu a iwan yum; nana̱ de kporom er nana na nagh ku Aôndo u nan ga.

Levitiku 21:23

kpa nana̱ de nyer ken ijiir i ikondo i yisan la ga, shi nana̱ de kporom hen atse a nanden nagh sha mi kpaa ga, sha ci u nan lu a iwan yô, sha er nana̱ de hôngor a uicighanmbaajiiriv Av ga yô, gadia ka Mo TER u M tsegh ve ne,

Levitiku 21:8

Nahan tsegha un, gadia ne nagh, ka kwaghyan u Aôndo wou je la; a̱ lu u icighanor je; gadia Mo TER u M tsegh ne ne, M ngu icighan je.

Levitiku 3:11

Pristi a̱ gema cii, a̱ nande sha atse; ka kwaghyan u nagh ku usugh ku nan TER.

Numeri 16:5

a ôr kwagh a Koraki kua ior nav cii, a kaa er: Kper pepe TER Una tese mba ve lu mba Nav, man or u nan lu icighanor yô, Una er, nana kporom her a Na, een, or u Una tsuwa nan la, Una er, nana kporom her a na.

Numeri 28:2

Kaa ônov mba Iserael wer: Ver nen asema, nam nen nagh Agh, kwaghyan Wam, sha ci u iniav Yav mbi usuv mbi humandoon la, sha ashighe a i ver yô.

1 Peteru 2:9

Kpa ne yô, ne mba icuwannongo, nongo u upristi mba sha inja i tor, icighanikurior, nongoior u Aôndo jim, ka sha u né yôô aeren a Na a ageegh, Un u A yila ne ken ime, A va a ven ken iwanger Na i kpiligh iyol la.