Levitiku 21:1 - ICIGHAN BIBILO

¹ TER kaa a Mose er: Ôr kwagh a upristi, ônov mba Aron, kaa ve wer, hanmô ve nana̱ de gbe hôngor iyol i nan sha ikom i or u ken nongo u nan tsô ga;

Levitiku 21:1 Iomraidhean Croise

Esekiel 44:25

Ve̱ de ze henpe ikomor i lu sha u vea hôngor ayol a ve ga; saa sha ter shin sha ngô, shin sha wan u nomso, shin u kwase, shin sha anngô u nomso shin u kwase u a vande eren nom ga, vea fatyô u hôngor ayol a ve.

Hosea 5:1

Ungwa nen kwagh ne, ne upristi, man ver ishima we ya u Iserael, kegh ato, we ya u tor! Gadia á ôr ne ijir sha ci u ne hingir kwaghhônon hen Misepa, man kper u wan sha Tabor.

Levitiku 19:28

De esen nen avav iyol sha ci u or u nan kpe ga; de gberen nen akaa iyol kpaa ga; ka Mo TER.

Levitiku 21:11

shi a̱ de ze hen ma ikom i or ga, á lu ter na shin ngô na kpaa, a̱ de hôngor iyol na sha ci ve ga;

Malaki 2:1

Hegen yô, ne upristi, kwaghwan ne ka sha ci wen je.

Malaki 2:4

Nahan né fa er i lu Mo M tindi ne a kwaghwan ne ye, sha u ikuryan Yam a Levi i̱ lu her yô, kape TER u akum a Sha A kaa ne.

Numeri 19:11

Or u nana bende a ikom i or yô, nana kera lu wang ga ayange ataankarahar.

Numeri 19:14

Tindi u sha or u nan kpe ken tenti yô, ka un ne: Hanma or u nan nyer ken tenti la, man hanma or u nan lu ken tenti la kpaa, nana kera lu wang ga, ayange ataankarahar.

Numeri 19:16

Hanma or u nan lu ken ikôngo man nan bende a or u i woo nan sha sanker yô, shin a lu kuhe u or, shin a lu uwar kpaa, nana kera lu wang ga, ayange ataankarahar.

Numeri 5:2

Kaa Mbaiserael, ve̱ due a hanma orimande hen afo kera, man hanma or u kwagh a dugh nan ken iyol a nende inya yô, man hanma or u nan kera lu wang ga, sha ci u nan bende a ku yô.

Numeri 6:6

Ayange a nan tsegh iyol i nan sha ci u TER la cii, nana̱ de mgbôghom a ikom ga,