Levitiku 20:3 - ICIGHAN BIBILO

³ Me kera saan ishigh a or la ga, Me kar a nan ken nongo u nan kera, sha ci u nan ne Moleki wan u nan, nan hôngor a icighanjiir Wam shi nan hee icighanti Wam kpaa yô.

Levitiku 20:3 Iomraidhean Croise

Ekesodu 30:33

Hanma or u nana nungwa magenem er ma nahan, shin hanma or u nan haa or u ken inya ma iyol yô, i̱ dugh nan ken nongo u nan kera.

Esekiel 20:39

Sha kwagh wen yô, we ya u Iserael, kape Ter AÔNDO A kaa ne: Yem, hanma or nana̱ gba za civir akombo a nan tsô; kpa ken masetyô yô, nea ver ato her a Mo, man nea kera hôngor a iti Yam i tseghan sha iniav yenev man akombo a en ga.

Esekiel 5:11

Nahan yô, mimi je, er M lu u uma ne, kape Ter AÔNDO A kaa ne: mimi je, sha ci u u hôngor icighanjiir wam, sha akaa a ou a hôngorough la cii, man sha akaa a ou a ndôhôrshima la cii, nahan Mo kpaa Me gema ishe yam kera, ia tange u ga, man shi Me kera zungwe mhôônom kpaa ga.

Levitiku 15:31

Kape wanger nen Mbaiserael sha er ve̱ de kpeen sha mlu ve u wang ga la ga, er ve gbe hôngor a tabernakel Wam u a lu ve her atô la yô.

Levitiku 17:10

Hanma or u hen ya u Iserael shin u hen ushirmbaiorov mba ve nyer a nyôr ve yô, u nan ye ma awambe yô, Me kera saan ishigh a u nan ye awambe la ga, Me dugh nan ken nongo u nan kera.

Levitiku 18:21

De ne mô wan wou sha u i̱ kar a nan ken usu sha ci u Moleki ga, de hôngor a iti i Aôndo wou ga; ka Mo TER.

Levitiku 19:12

De bumun iti Yam sha aie geman hôngor a iti i Aôndo wou ga; Ka Mo TER.

Levitiku 20:4

Man aluer ior mba hen tar la vea gba den or la tsô, zum u nan ne Moleki wan u nan vea kera wua nan ga yô,

Levitiku 21:6

Ve̱ lu uicighanmbaiorov mba Aôndo je, ve̱ de hôngor a iti i Aôndo ve ga; gadia mba ne iniav mbi usuv mbi TER, ka kwaghyan u Aôndo ve je la; nahan yô, ve̱ lu uicighanmbaiorov.

Levitiku 7:20

kpa or u nan ye inyam i nagh ku sôngon ku nagh ku bem ku ku lu ku TER yô, er nan lu wang ga la yô, i̱ dugh or la ken nongo u nan kera.

Levitiku 7:21

Man shi aluer anti or nana bende a hanma kwagh u a lu wang ga, shin kwagh u a lu wang ga u or, shin swase u u lu wang ga, shin hanma kwagh u a lu wang ga a ndôhôr ishima kpaa yô, man nana gema á ya inyam i nagh ku sôngon ku nagh ku bem ku ku lu ku TER la yô, i̱ dugh or la ken nongo u nan kera.

Numeri 19:13

Anti or u nana bende a ikom i or u nan kpe yô, man nan wanger iyol i nan ga yô, nan ngu hôngor tabernakel u TER; or la, i̱ dugh nan ken Iserael kera, sha ci u i lu a mishi nan mngerem ma wanger kwagh a mi la, iyol ga yô, nan kera ngu wang ga; mlu u wang ga u nan la ngu a nan her.

Numeri 19:20

Kpa or u nan kera lu wang ga, man nana wanger iyol i nan ga yô, or la i̱ dugh nan ken ior kera, sha ci u nan hôngor icighanjiir u TER yô, i mishi nan mngerem ma wanger kwagh a mi la iyol ga; nan ngu wang ga her.

2 Mbakorinte 6:16

Ka nyi i zough tempel u Aôndo a akombo? Gadia se yô, se mba tempel u Aôndo u uma je. Kape Aôndo A kaa je la er: Me tema hen ve shi Me zenden hen atô ve kpaa, Me lu Aôndo ve, ve kpaa vea lu nongoior Wam.

1 Peteru 3:12

Gadia ashe a Ter yô, nga sha mbaperapera shi veren ato sha zamber ve kpaa. Kpa Ter gem tsuhur ishigh sha mba ve eren ifer yô.