Levitiku 20:2 - ICIGHAN BIBILO

² Shi kaa Mbaiserael wer: Hanma or u ken Mbaiserael shi u ken ushirmbaiorov mba ve tse ken Iserael, u nana na Moleki wan u nan yô, i̱ wua nan kpee je; ior mba ken tar la je, ve̱ ta nan awen.

Levitiku 20:2 Iomraidhean Croise

1 Utor 11:7

Solomon maa ijiir i taven sha i civir Kemoshi kwaghhôngorough u Moabi, kua Moleki kwaghhôngorough u Mbaamon kpaa, sha uwo u u lu sha ishigh ki Yerusalem la.

2 Utor 17:17

Ve er ônov vev mba nomso kua mba kasev, ve kar ken usu, ve kpehe asor, shi ve er ahir, ve tee ayol a ve sha u eren ifer sha ishigh ki TER, bamen Un.

2 Utor 23:10

Shi a hôngor a Tofeti u a lu shin pev u ônov mba Hinom la kpaa, sha er ma or nana̱ de kera eren wan u nan u nomso shin u kwase a̱ karen ken atô u usu sha ci u Moleki ga.

2 Kroniku 28:3

Man shi a nande kwaghhumandoon shin pev u wan u Hinom, a nande ônov nav sha usu sha aeren a hôngorough a atôatyev, a TER lu zenda a sha ishigh ki Mbaiserael kera la.

2 Kroniku 33:6

Man shi a er ônov nav ve kar ken atô u usu shin pev u wan u Hinom; a eren ahir man lu veren ishima sha ishor i kpehen, man a lu a ukurayol; a ver mba ve lu a ujijingi mba mbakpenev, man mba tsengan pasen akaa; a er ifer kpishi sha ishigh ki TER, sha u bamen Un.

Upasalmi 106:38

ve haa awambe a mbaishôôv inya, ka awambe a ônov vev mba nomso man mba kasev, mba ve ne ieev mbi Kanaan nagh a mi je la; nahan tar cii hôngor sha awambe.

Yeremia 32:35

Ve maa ajiir a taven sha a Baal kpaa, a a lu shin pev u Ben-hinom, sha u nan ônov vev mba nomso kua mba kasev ve kar ken usu sha u civir Moleki; kwagh u M ne ve zwa ga, a nyer ken ishima Yam kpaa ga; sha u vea er kwagh u ndôhôrshima ne, vea na Yuda a er isholibo yô.

Yeremia 7:31

Ve maa ajiir a taven sha a Tofeti, u a lu shin Pev u Ben-hinom la, sha u vea nande ônov vev mba nomso kua mba kasev sha usu, kwagh u M ne zwa ga, man shi a nyer ken ishima Yam kpaa ga yô.

Esekiel 20:26

man M hôngor a ve sha iniav vev mbi nan er ve̱ na ônov vev mba iundav u karen ken usu, sha er M̱ vihi ve kera man ve̱ fa er Mo M lu TER ye.

Esekiel 20:31

Sha iniav enev mbi ne na, er ne na ônov enev mba nomso u karen ken usu yô, ne mba hôngor a ayol a en sha akombo a en cii zan zan nyian, nahan kpaa shi Me rumun Mer, pinem nen kwagha, we ya u Iseraele? Er M lu u uma ne, kape Ter AÔNDO A kaa ne, M rumun ne u pinen Mo kwagh ga;

Esekiel 23:37

Gadia ve er idya, man awambe nga ve sha ave; ve er idya sha akombo a ve; man ônov vev mba nomso mba ve marem kpaa ve gema ve ve na a, hingir kwaghyan u a.

Esekiel 23:39

Gadia shighe u ve wua mbayev vev sha akombo a ve la je, ve va ken icighanjiir Wam sha iyange la je sha u hôngor un; yô, nenge, kape ve er ken atô u ya Wam ne.

Levitiku 17:13

Man shi hanma or ken Mbaiserael shin u hen ushirmbaiorov mba ve nyer a nyôr ve la, u nan ker inyamtoho shin inyon i i ye yô, nana̱ haa awambe a i inya, nana̱ cir inya sha mi.

Levitiku 17:15

Hanma or u nan ye kwagh u a kpe a kpe, shin kwagh u inyamikume i woo yô, shin a lu or u tar la jim, shin a lu shiror kpaa, nana̱ ôô akondo a nan, shi nana̱ ôô iyol sha mnger kpaa, nana kera lu wang ga, zan zan iyange ia kar been man nana hingir wang ye.

Levitiku 17:8

Shi kaa a ve wer: Hanma or u hen ya u Iserael shin u hen ushirmbaiorov mba ve nyer a nyôr ve yô, u nan ne nagh ku nanden shin nagh ku sôngon

Levitiku 18:21

De ne mô wan wou sha u i̱ kar a nan ken usu sha ci u Moleki ga, de hôngor a iti i Aôndo wou ga; ka Mo TER.

Levitiku 20:1

TER shi ôr kwagh a Mose, kaa er:

Levitiku 20:27

Aluer nomsoor shin kwase nana lu a jijingi u orkpen shin tsenganpasen akaa yô, i̱ wua ve kpee, i̱ ta ve awen; awambe a ve a̱ lu sha ityouv vev.

Levitiku 24:14

Due a or u nan toho la ken akôngoafogh; mba ve ongo cii, ve̱ penda un ave sha ityou, mkohol u ior cii ve̱ ta un awen ve̱ wua.

Levitiku 24:16

Man shi u nan toho iti i TER kpaa, i̱ wua nan kpee je; mkohol u ior cii ve̱ ta nan awen, ve̱ ta nan awen ve̱ wua kpee je; shin a lu shiror shin a lu or u tar la jim kpaa, aluer nana ter ITI la dang yô, i̱ wua nan.

Levitiku 24:23

Tsô Mose ôr kwagh a Mbaiserael, ve due a or u nan toho la ken akôngoafogh, ve ta un awen ve wua; Mbaiserael er, er TER kaa Mose nahan.

Aerenakaa A Mbaapostoli 7:43

Ne tôô tabernakel u Moleki, man shi ishan i aôndo wen Romfa kpaa, ka ieev mbi ne er mbi sha ci u civir mbi je la. Kpa Mo yô, Me yem a ven uikangen, kar Babilon yem ken hemen.

Duteronomi 12:31

De eren a TER, Aôndo wou, nahan ga; gadia hanma kwagh u a lu TER kwaghhôngorough a vihi Un yô, ve er mbaaôndo vev; gadia ônov vev mba nomso man mba kasev je kpaa, ka ve nande ve sha usu sha ci u mbaaôndo vev.

Duteronomi 17:2

Aluer á kohol or u ken a we, ken hanma gar wou u TER, Aôndo wou, Una na u la, a lu nomsoor shin kwase nana lu eren ma iferkwagh sha ishigh ki TER, Aôndo wou, nana vihi ikuryan Na,

Duteronomi 18:10

Or u nan er wan u nan u nomso shin u kwase a kar ken usu, i̱ de zough a nan ken a we ga, shin or u kpehen ishor, shin or u eren ahir, shin or u pasen uivande, shin or u lamen ishor,

Duteronomi 21:21

Nahan nomsombaiorov mba hen gar u nan la cii ve̱ ta nan awen nana̱ kpe; kape ú er man ú dugh ifer ken a we kera ne; Iserael cii vea ungwa vea cia kpaa.

Duteronomi 22:21

ve̱ due a wankwase la hen hunda u ya u ter na, nomsombaiorov mba hen gar na la ve̱ ta un awen a̱ kpe sha ci u a er ibumekwagh ken Iserael, er a er idya ken ya u ter na yô; kape ú er man ú dugh ifer ken a we kera ne.