Levitiku 2:9 - ICIGHAN BIBILO

⁹ Pristi a̱ kura nagh ku umbur ku nagh ku sha samuyia la, a̱ nande ku sha atse; ka nagh ku usugh ku human doon ku nan TER je la.

Levitiku 2:9 Iomraidhean Croise

Ekesodu 29:18

Nande nomiyôngo la jimin cii sha atse, ka nagh ku nanden TER, ka ihuma i doon, man nagh ku usugh ku nan TER je la.

Yesaia 53:10

Nahan kpaa lu ishima i TER je u vihin Un iyol; A haa Un angev iyol kpaa; shighe u Una gema iyol Na Una na nagh sha mi sha ci u isholibo yô, Una nenge a tsombor Na; Una tsa sha won, man á kpe kwagh u TER A ver ishima sha mi la iyol sha uwegh Nagh;

Levitiku 1:9

kpa ikav mbi kimi kua angahar yô, nana̱ ôô sha mnger; pristi a̱ gema cii a̱ nande sha atse a nanden nagh sha mi, i̱ lu nagh ku nanden, ka nagh ku usugh ku human doon ku nan TER je la.

Levitiku 2:16

Pristi a̱ pande asange a alakema a i johol a la kua mkurem, shi a̱ kura libano u human doon la cii, a̱ nande sha usu, i̱ lu nagh ku umbur; ka nagh ku usugh ku nan TER.

Levitiku 2:2

nana̱ va a mi hen upristi, ônov mba Aron; pristi a̱ ongo mwem ma kengese kua mkurem mara, ikevwe poo, shi a̱ kura libano u human doon u a lu sha mi la cii, a̱ nande sha usu, i̱ lu nagh ku umbur; ka nagh ku usugh ku human doon ku nan TER.

Levitiku 2:8

Va a nagh ku sha samuyia ku i er ku sha akaa ne yô, hen TER; i̱ va na pristi, a̱ za a mi hen atse.

Levitiku 24:7

Shi ver libano u human doon u wang sha hanma nongo, a̱ lu nagh ku umbur ku bredi la, ka nagh ku usugh ku nan TER je la.

Levitiku 4:31

ahôm cii yô, a̱ kura a sha, er ka i kura ahôm a nagh ku sôngon ku bem la nahan; pristi a̱ na iwon sha ci u nan, nahan á de nan isholibo i nan.

Levitiku 5:12

Nana̱ va a mi hen pristi, pristi a̱ ongo ikevwe poo, i̱ lu nagh ku umbur, a̱ nande sha atse sha iniav mbi usuv mbi TER; ka nagh ku isholibo je.

Levitiku 6:15

A̱ ongo mwem ma kengese ma nagh ku sha samuyia ma i hee mkurem sha mi la, ikevwe poo, shi a̱ kura libano u human doon u a lu sha nagh ku sha samuyia la cii, a̱ nande sha atse, i̱ lu ihuma i doon; ka nagh ku umbur ku nan TER.

Sekaria 13:7

Nder, we sanker, za ta sha orkuranilev Wam, sha or u a lu ijende Yam la, kape TER u akum a Sha A kaa ne. Gbidye orkuranilev, iyôngo i̱ sambe; Me naregh uwegh sha mbakiriki.

Sekaria 13:9

Me haa ikum i sha utar la ken usu, Me wanger ve er ka i wanger azurfa nahan, Me kar ve er ka i kar zenaria nahan; vea yila sha iti Yam, Mo kpaa Me ungwa ve; Me kaa Mer: Ka ior Av; ve kpaa vea kaa er: TER ka Aôndo wam je.

Numeri 5:26

pristi a̱ ongo nagh ku sha samuyia kura ikevwe poo i̱ lu nagh ku umbur ku ku, a̱ nande ku sha atse a nanden nagh sha mi; ken masetyô yô, a̱ na kwase la mngerem mara a̱ ma.

Mbaromanu 12:1

Anmgbianev av, m ngu zamber a ven sha mhôônom ma kôron ma Aôndo mer, gema nen ayol a en na nen nagh ku uma a mi, icighannagh ku doon Aôndo, ka mciviraôndo wen u ken jijingi je la.

Mbaromanu 15:16

m̱ lu ortom u Yesu Kristu hen atôatyev ken icighantom u Loho u Dedoo u Aôndo, sha u nagh ku atôatyev ku̱ doo, ku̱ lu kwagh u i tsegh sha Icighan Jijingi yô.

Mbaefese 5:2

Man zenden nen ken dooshima, er Kristu kpaa se doo Un ishima man A na iyol Na sha ci wase nahan, lu nagh ku nanden man nagh ku sôngon nan Aôndo sha ci u ihuma i doon.

Mbafilipi 2:17

Kpa aluer a va urum kera er nagh ku urun nahan sha nagh ku i ne kua icighantom u i er u sha jighjigh wen u nan la kpaa, m ember man m ngu ember a ven imôngo cii.

Mbafilipi 4:18

Akaa a ne tindi a mi la m zua a mi hen Epafroditu. I nam cii, neer mo a neer, m mgbough a mi je, ka ihuma i doon, ka nagh ku doon ku ku kom Aôndo yô.